نصيحة لضعاف النفوس

[ابن ســنيّن]

السلام عليكم ورحمة الله وبركاته

بسم الله الرحمن الرحيم

نصيحة لضعاف النفوس


المستحى حقه مع اللعب مفقود=لياجاه نذل بالوسايط يعوقه
ليعانده شخص رذيل ومقرود=وابليس في وسط المكاتب يقوده
سوّى على كيفه لاهوب مردود=راعي الردى لزماً لطبعه يشوقه
وان جيت تشكي قبل حضر لك شهود=واللي ومر يحتاج له من يسوقه
حجتك مضبوطه وفي اسبوع مجحود=والامر سامي والتلفون عوقه
وصك المعذب بين لاثنين مشدود=ولا عرفنا بالسبب ما يعوقه
كم واحدٍ من فعل الأنذال ملهود=في غفلة الصاحب لزوم يبوقه
يا عزتيل الرجل ليصار مشدود= وله عيلة قصّت طوارف سبوقه
ترى الشرف للرجل عزو ماجود=مثل السحاب اللي صدوق حقوقه
ترى الردي يكسب مع الذل منقود=ساس الردي ورث معه من جدوده
ناس تخدع الناس وأفعالها سود=راع الردى ما ينعدل مع طروقه
خل الذي يقصد وقاصد ومقصود=ثوب الدنس تلقى الحشرات فوقه
وجّد نظرك لباذل كل مجهود=حب الوطن هو والشهامه تسوقه
ترى الصبر لو طال تلقى له حدود=والصدق نورٍ تكشفنه بروقه
والله على العالم رقيب وماجود=ومن اعتمد بالله ضمن له حقوقه
حكامنا ليسنعت العلم بركود=راعي التحدي من دروبه تعوقه
كم واحدٍ حدّوه حد على الكود=لين اتضح جرمه عذابه يذوقه

للشاعر / حمد بن عبدالعزيز القريني

[فواز الشيباني]

ابن سنين

صح السانك والسان الشاعر

الله يعطيك العافيه على النقل الموفق

[ابن ســنيّن]

السلام عليكم ورحمة الله وبركاته
أخي العزيز " فواز الشيباني " بارك الله فيك ولا هنت على مرورك الكريم.

[((الدلبحي))]

ابن ســنيّن

الله يحييك في منتدى الهيلا ونشكرك على مشاركه

الشاعر القريني او العريني ياليت التوضيح

تحياااااااااااااااااااااااااااااتي

[ابـن نـعـيـس]

ابن ســنيّن

صح لسانك ولسان شاعرها


تحيااااااااااااااااااااااااااااتي

[ابن ســنيّن]

السلام عليكم ورحمة الله وبركاته
أخي العزيز " الدلبحي " بارك الله فيك ولا هنت على مرورك الكريم ، بالنسبة للشاعر( القريني ) من قبيلة القرينية فخذ آل حميد التي سكنت المزاحمية منذ القدم.

[ابن ســنيّن]

السلام عليكم ورحمة الله وبركاته
أخي العزيز " ابن نعيس " بارك الله فيك ولا هنت على مرورك الكريم .