سؤال يبحث عن إجابه

[علي عتيبي]

بسم الله الرحمن الرحيم

من يخبرني وله الدعاء

تكملة لهذا البيت الذي قيل في رثاء الشيخ محمد بن هندي رحمة الله:

موته وفاء وسباب موته قعوده ويكثر ماواجه من الموت كثراه.............

[@المورقي@]

يا هلا ومرحبا يا علي

هذا البيت لفندي بن عزرام المقاطي

يوم وقف واسباب موته قعوده *** يا كثر ماواجه من الشر كثراه



واذا تبي القصيدة كلها انا حاضر



تحياتي

[علي عتيبي]

اخوي المورقي( المهلي مايولي)ولاعليك امر صدقني بحثت عنها كثير ولم اجدها فلك مني كل التقدير والاحترام

[@المورقي@]

الأخ علي عتيبي

استلم هذي القصيدة اللي طلبتها



مرحوم يا شيخ فعوله شهوده *** لا طب بالصابور تكثر رزاياه

من شاف ضربه باللقا ما يعوده *** إلى اعتزى كل صفح عن ملاقاه

يوم وقف واسباب موته قعوده*** يا كثر ما واجه من الشر كثراه

محمد اللي يفقدونه جنوده *** هو ذخرنا لا جا نهار المثاراه

اميرنا لا كل يصلح بقوده *** يصلح بشلف فوق قب مغذاه

مثل الحصان الى هبد من يقوده *** والى تبين له حريب تنصاه

لا واعمود البيت لا واعموده *** يا كبر ما فوقه من الحمل كبراه

ضلع يفلون الدبش في لهوده *** وازرى المعدي يوم عداه يرقاه

الناس تدري به وتذكر عهوده *** كل خبر ذكره وفعله وطرياه

شيخ الشيوخ اللي عريب جدوده *** نرجي عساه بجنة الخلد ملفاه





تحياتي

أخوك: عبدالعزيز المورقي

[علي عتيبي]

عبد العزيز المورقي بيض الله وجهك .

[منصور بن فهيد]

يعطيك العافيه يالمورقي

وهذي عادات اعضاء الهيلا تحت الطلب دائما

ولا هنت ياعلي

ورحم الله الشيخ الفارس محمد بن هندي (( الداهيه ))

تحياتي لكم

[وليد الزراقي]

مشكورين على تكميلكم لبعض وهذا ليس مستغرب على اعضاء منتدانا
بدون نقص في احد
تحيــــــــــــــــاتي

[فواز الشيباني]

اخي على العتيبي

مشكور على طلب القصيده
المورقي مشكور على تكملة القصيده

الله يعطيكم العافيه

[اخو وضحة جا]

اشكركم على البحث عن القصيدة واشكر اللي جابها (ذيبان عز اللة)