المساعد الشخصي الرقمي

مشاهدة النسخة كاملة : ملكني و اودع النفس مخطوره


جهز الهرس
22-Mar-2003, 06:59 PM
سرىالليل واقفا والصباح ابتدا نوره=وانا النفس مع كثرالهواجيس مرهقها
اجاحد وكن بضامري نار تنوره=توقد بصدري والمعاليق تحرقها
علىاللي ملكني واودع النفس مخطوره=تقافت ضعونه يافهد ودي الحقها
تقافت اضعون اللي من البيض مستوره=على دينها واخلقها الرب رازقها
خلقها العزيز وحطها بأحسن الصوره=وسبحان ربٍ بأحسن الخلق خالقها
ولو طبت ا لواد السنه تطلع ازهوره=يربع جنابه والهوا الطلق يطرقها
ولو الدجيما شافها ولحقت دوره=تنازل عن اللي مات منها ويعشقها
ولوشافها عودن تعكز اباكوره=خطيرن هدومه فوق جسمه يشققها
وانا ذقت باخر حبها حلو ومروره=جرعت المراره والحلاه اتذوقها
اليا جيتها قلبي تضاحك له سروره=ولارحت عيني صافي الدمع يغرقها
بعد ما صفا جوي بدأعج وحروره=احسب ثواني ساعتي مع د قايقها
مريض الهوا في علته عجز دكــتوره=علاجه مواجه عشقته عن مفارقها
عرضلي غشيمن غر بعض العرب شوره=ليا سمعته قام المشا هيب يلحقها
على المشكله يشب ناره بدافوره=عسى لحيتن ماتكرم الموس يحلقها
يودي وياخذعلم من وسع حنجوره=سبايب مشاكل ناس هرجة منافقها
احد حدلي سيفه واحد سل صاطوره=وناسٍ تحداني تزهب بنادقها
ابنخا رفيقً رفقته معي ماخبوره=ليا قام سيفً روس الاخصام يشنقها
ابافزعتك يالقرم فزعتك مذكوره=لعل الحبال اللي بهاعقد نطلقها
تحزم برشاشك معي وامل شرشوره=نباالطغمه اللي تزرع الشر نفرقها
يومنك رفيقي والمواقيف مشهوره=وعيبن علىاللي رفقته ما يحققها
،،،،،،،،،،،،،
مع تحيات00
الشاعر/جهز الهـرس

ابن عاصم
26-Mar-2003, 01:54 AM
ولـو الدجيمـا شافهـا ولحقـت iiدوره تنازل عن اللي مـات منهـا iiويعشقهـا

ابدعت ابدعت
بيوت جميله


على المشكلـه يشـب نـاره iiبدافـوره عسى لحيتن ماتكـرم المـوس iiيحلقهـا

صدقت


جهز الهرس



اسلوب جميل جدا جدا جدا جدا

وطريقه بناء رائعه واكثر من رائعه


صح السااااانك

ويسلم راسك

يامبدع

((الدلبحي))
26-Mar-2003, 02:11 AM
جهز الهرس صح السانك على هاذي القصيده وعسى الله يوفقك
قصيده جزله وشاعر مبدع

خذها صحيحه من خاطر الدلبحي

واقبل سلامي ياولد العم

الغربي
26-Mar-2003, 01:31 PM
الله الله الله الله
في منتدانا شاعر
بيض الله وجهك قصيده رائعه جدا ياجهز المرشدى
الغربي

قــلب الــذيب
26-Mar-2003, 04:02 PM
قصيده اكثر من رااايعه يا جهز
والقصيده تحكي معانيها.
وبيض الله وجهك.

تقبل تحياتي :
قلب الذيب

جهز الهرس
26-Mar-2003, 07:33 PM
ابن عاصم : اشكرك على مشاعرك الطيبه000وشهاد تك اعتـــز بها0

الد لبحي : مقبوله من خاطرك يابن العم وشكرا 00

الغربي:شكراً لك من قلب صادق بدون مجامله00

قلب الذيب:( حقاً اسمً على مسمى ) اشكرك ايضا شكراً جزيلاً00

كما اشكر جميع من مر على هذه الصفحه

جهز الهرس

راعي المغاتير
26-Mar-2003, 07:50 PM
مريض الهوا في علته عجـز دكتوره علاجه مواجـه عشقتـه عـن مفارقهـا

صدقت والله وكفيت وفيت وبيض الله وجهك وصح لسانك
وننتظر منك المزيد ...ولك مني سلااااام وللجميع

جهز الهرس
28-Mar-2003, 02:06 PM
صــــــــــــــــح بدنك و وجهك ابيض ياراعي المغاتير

وشكراً على مرورك لهذه الصفحه 000

وسوف تلقا مايحوز على رضاك ان شاء الله00

جهزالهرس