تسجيل الدخول

مشاهدة النسخة كاملة : وليفي علامك صايرٍ بالوصال بخيل

نـادر
21-Dec-2005, 01:55 AM
وليفي علامك صايرٍ بالوصال
بخيل

عسى مانسيت وصرت سالي
ومرتا حي

وانا من غلاك ابدي على الرجم
تال الليل

ورجم الهوا مبداه عز الضحا
الضاحي

ولا احدٍ بدابه مثل مبداي
بالتفصيل

ياكود اشهبٍ حده عن النزل
نباحي

اناظر شمال الجدي وأنظر جنوب
سهيل

نجومٍ تلا لا بالسما تنبش
اجراحي

اناجي ضلام الليل ياما أطولك
يا ليل

على راس رجمٍ بالخلا ماني
بصاحي

على هامش الذكرى نثرت المدامع
حيل

ودادين عيني سبلت لين
الاصباحي

اعذل على روحي وأشوف الجفا
والويل

دخيلك تذكرني بالاحزان
وافراحي

شعار الوفا نبع الغلا عكس
حلم الليل

ولاهوب حلمن بأخر الليل
ينزاحي
نـــــــــــــادر العصيمي
فيصل المسعودي
21-Dec-2005, 02:07 AM
صح لسانك يالغالي

على هالرائعه

تحياتي يالغالي
نـادر
21-Dec-2005, 02:20 AM
اخوي فيصل المسعودي
والله لي الشرف انك توقع
على قصيدتي
وكما تعجبني حروفك ايضا
يثلج صدري اطرائك
ومرورك
لك كل الود والاحترام
والله لايخلينا من ذوقك
ياذوق
نادر العصيمي
ساج الوقت
21-Dec-2005, 02:29 AM
الله عليك يا نادر


صح لساانك مليون ولا هنت يالغالي


اخوك : ساج الوقت
ابـن نـعـيـس
21-Dec-2005, 09:20 AM
حرووف وكلمات نادره من نادر

صح لسانك على هالرائعه


ولاتحرمنا من جديدك يالغالي



تحياااااااااااااااااااااااااااااااتي


اخوك ابـن نــعـيـس الـشـيـبـانـي
علي الثبيتي
21-Dec-2005, 01:13 PM
صح لسانك
ابداع رائع
خلف بن مرزوق
21-Dec-2005, 02:49 PM
00
راااائع يانادر

دمت ودام عطاءك

وتقبل مروري


اخوك / خلف
نـادر
03-Jan-2006, 01:30 AM
اخواني الافاضل
الاكارم
كل من وقع على
قصيدتي هذه
اعضاء وزوار المنتدى
شكراً على المرور
شكراً على الاطراء
الله لايحرمنا من كسب رضاكم
ودام لنا وجودكم
اخوكم نادر العصيمي