يالشاعر الفالح تعال

[شاعر روق]

يالشاعر الفالح تعال لن كان في خشمك عرام=والله لاعبدك النجوم اللي تقابس فالسما
الخيزرانه والمه والضرب فالميت حرام=وانته حرام انعاقبك يالشيخ ياراع اضرما

[متعب العتيبي]

الخيزرانه والمه والضـرب فالميـت حـرام
وانته حرام انعاقبك يالشيخ يـاراع اضرمـا

الله الله

مبدا كايف

ننتظر الفالح عسى الله يقويه

[علي فلاح العضياني]

جيتك وانا ماني ضعيف عظام يارخو العظام=ترى عيونك لو تبحلقها ما فيها غير ماء
شكرك على اللي يا وسيع البال في وسط الحزام=ضربك حلال وودنا نضربك وتسيل الدما

[شاعر روق]

قدام اقدم خطوتي واطا على بيض الحمام=الما يطفي كل نار عسى عيونك للعما
ياللي تبا تضرب يداك امست تحت حد الحسام=ماباقي(ن) غير اللسان اتمذلقه وسط الجما

[علي فلاح العضياني]

الشطر الثاني من البيت الاول غير موزون عندك

تومي براسك فالشرك ولا حسبت لك اهتمام=يالرامي اللي ما علينا منه لو انه رما

الذيب يسري فالغداري ما عليه من الظلام= وانته عيونك مع مطيح الشمس تجهروتعمى

[المسرّي]

الله الله

صح لسانكم ياثنين

الليل وانا في صف الفالح بدون قصور في شاعر روق

[شاعر روق]

موزونه يافالح وانت ازعجتني من البارح وجاملتك
وقلت يمكن اني مخطي وهي مجرد مجامله
وانت يمكن القرايه عندك علاها الله يسهل



اومي براسي وارفعه وانته نقودك بالخطام=ونقيدك ونعقلك ونفك قيدك فالحما
الذيب يسري وانت ذيب اوحزة الغبشه تنام=يلهث لسانك ياهذا لوان ماحولك ظما

[علي فلاح العضياني]

تومي براسك واتمايل كن فالجسم انقسام= يالشاعر اللي قال له فالملعبه علم وحما
هذاك شكلك تشبهه يشبهك والنسخه تمام=وانا عريب الجد خصم الخصم لامنه زما

[شاعر روق]

انته تصلي مار مالك لا صلاه ولاصيام=ياشاعرِفالملعبه مالك حلي ولا كما
حشمة هل الحله وتقدير او معزه واحترام=سبلت وجهك للكريم اللي خلقنا يانما

[علي فلاح العضياني]

انا صلاتي للذي دايم عيونه ماتنام=ياللي تبا تنحاش عقب القاف واللعب احتما
حشمة هل الحله نبا نكرمك باحسن ما يرام=حتى شنبك ولحيتك تصبح من الطيب ادهما

[شاعر روق]

تنحاش حلوة هذي
هههههههههههه
البيوت مازونه والا مكسره بس
شكرا شكرا لك ولاتزعل يارفيقي