المساعد الشخصي الرقمي

مشاهدة النسخة كاملة : مساجلة بين فهـد نجـد وابن جدعان

فهـــد نجـــد
20-Mar-2003, 11:31 PM
اهلكـت بالتفكـير نفسي بنفسـي=يلعـبي الهاجس كما لعب الامواج
همـوم قلـبي فيـه تصبح وتمسـي=لاصـدرن افـواج يردنـه افواج
اعيش عكس الناس والناس عكسـي=قلب(ن) غدا للهم والضيق مسهاج
كـني سجين طالـت ايام حبسـي=غريب دار ولا اعلوني عني افـراج
وساكت لحدن في عــذابي يحسـي=والقلـب يسعربه من النار وهـاج
تشرق علي الشمس وتغيب شمسـي=لا مـرني زايـر ولافيه مخــراج
واصبحــت مابين المخاليق منسـي=صارت حياتي كلها احراج بأحراج
شغلـي تناهيتي وتفريك خمســي=واسهـر ليما نور الاصباح ينبـاج
وياحمس قلبي من مشاكيه حسمــي=ياعيني الي دمعها تقل هـــداج
اسباب وقت(ن) زايد(ن) منه عمسي=اليوم اعــدل فيه والصبح ينعاج
وقت(ن) علي اليوم اقسى من امسي=وضروفي اقسى منه في كل منهـاج
يامسندي بيحت لك سد نفســي=وانا لردك باسـرع الوقت محتـاج
ابن جدعــان
22-Mar-2003, 07:45 AM
البارحة والليل بالحرب ممسي= بين اليهود وبين صدام رجاج
بديت بسمي ثم رقم البركسي=وفي منتدى الهيلا له القلب سجاج
دخلت بأشوف الكلام الرمنسي=وأشوف فالعتبان فالج وفلاج
وفي مبتدا الصفحه ليا الحس حسي=وقصايد الأعضاء لها منه منتاج
لقيت مقباسك وواصلك قبسي= جعله يعالج قلب محتاج لعلاج
وحددت ملبوسك ليا مثل لبسي=من الذهب للماس لللول للعاج
ورحبت بك يأبن الزيادي مرْسي=اللي بعد معتاد عود للهجاج
وأقول لك حدد وحنا نعسي=بنجيب ما تحتاج ما عاد يحتاج
وترى زمانك لازم معك يقسي=حتى تجي صامل، وفايد، وفراج
ماتعرف الببسي وطعم الجلكسي=لروس قطاع[ن] وللخيل بعاج
والصبر زين وشايل الحمل يرسي=قلته بعد عديت قمت جبل ساج
وسلمت من عرسي،وعالجت طرسي=ومرت علي أطروف،واحراج، وأزعاج
تبي تذكر دنيتي كل كرسي=جلست فيه وصار لي فيه لجلاج
والحمد لله يا سلايل مرْسي=بالصبر،والتوفيق،حصلت منتاج
ابن عاصم
22-Mar-2003, 09:13 AM
اهلـكـت بالتفـكـيـر نـفـسـي iiبنـفـسـي
يلعـبـي الهـاجـس كـمـا لـعـب الامــواج


صح الساااااااانك
يافهد نجد
ابداع لايضاهي



وحـددت مـلـبـوســك لـيــا مـثــل لـبـســي
مــن الـذهــب لـلـمــاس لـلـلــول لـلـعــاج

صح الساااااانك
يامنصور

فعلا لايوجد هنا الا الذهب والماس واللول

ابدعت واجدت


صوت وصدى يستحقان اعادة القراءه لها اكثر من مره



والحقيقه نهني هذا المنتدي بانظمام هذان الشاعران الحقيقين ونهني انفسنا ايضا

شكرا لكما
ابن عاصم
22-Mar-2003, 09:15 AM
قرأتها هناك واعدت قرائتها هنا

ولا اقول الا صح السانك

علي الصدى الرائع

وتسلم بنات افكارك
راعـي مــهيوبـه
22-Mar-2003, 07:08 PM
صح لسانك ملايين فهد
ابداع فعلا
وانا لا املك امام هذه القصيده الا قول رائع
لاهنت لاهنت وسلم لسانك وسلمت لنا

تحياتي

تشرق علي الشمس وتغيب شمسـي
................لا مــرنـــي زايـــــر ولافــيـــه مـــخـــراج
راعـي مــهيوبـه
22-Mar-2003, 07:12 PM
والـحـمــد لـلــه يــا ســلايــل مــرْســي
........................بـالـصـبـر،والـتـوفـيـق،حـ صـلــت مـنـتــاج


من مبدع الى مبدع صح لسانك يا ابن جدعان

لاهنت
الوجيه
22-Mar-2003, 07:59 PM
صح لسانك والله
فيك الخير والبركة ونبي احسن منها
ابن جدعــان
22-Mar-2003, 09:22 PM
ابن عاصم مشكور مشكور على ها الشعور تجاه اخوانك المبتدئين.

راعي مهيوبه تلا ميذك يا أستاذنا

جعلنا عند حسن ضن الجميع
ابن جدعــان
23-Mar-2003, 10:22 PM
الوجيه مشكور توجيهك الوجيه،،،،،،،

ابن عاصم مشكور عسنا دايم عند حسن ضنك،،،،،،،

راعي مهيوبه كلك نظر يا أستاذي.
السـforeverـواط
24-Mar-2003, 02:00 AM
يعطيك ألف عافيه
والله الشعر الأصيل
وبصراحه لا أملك إلا أن أقول مشكور
خيال الحرشا
24-Mar-2003, 02:50 PM
شغـلـي تناهيـتـي وتـفـريـك خـمـسـي
واسـهــر لـيـمـا نـــور الاصــبــاح iiيـنـبــاج

فهد نجد أبدعت في هذه القصيدة وخصوصاً في هذا البيت الذي صورت فيه حال الحيران
المضطرب
وفـي مـبـتـدا الـصـفـحـه لـيـا الـحـس حـسـي
وقـصـايـد الأعـضــاء لـهــا مـنــه مـنـتــاج
عفوية جميلة ومدخل رائع للقصيدة
ابن جدعان صح لسانك أبدعت انت والأخ فهد نجد
وياليت تتحفونا بقصائد مماثلة

فهذه القصائد هي التي تساهم بشكل وآخر في إنجاح المنتدى

فأنتم كما تعلمون من قبيلة يطربها الشعر لأن الشعر صاحب فضل كبير في حفظ تاريخها المشرف من مغازي وكرم وغير ذلك

تقبلوا تحيات ابن عمكم : خيال الحرشا
قــلب الــذيب
25-Mar-2003, 06:04 PM
عزااااااااااااااااه......
الله يكووون با العون .....وعطاك الحل منصووور
وانا اشهد انه كفى وفا....




اخوك :
قلب الذيب
ابن عاصم
26-Mar-2003, 01:59 AM
الشاعر الفذ / ابن جدعــــــــــان

اذا انت مبتدئ عزي لمن ينظمون القصيد بعدك

يابحر

وهذه ليست مجامله ولكن حقيقه
((الدلبحي))
26-Mar-2003, 02:06 AM
ابن جدعان ماقول غير صح السانك وبيض الله وجهك كفيت ووفيت يالنشمي
قصيده جزله ومن جزل.
اخوك:
((الدلبحي))
حـــ(مجروح)ـــر
28-Mar-2003, 12:55 AM
صح لسان فهد
وصح لسان بن جدعان

هذا ماتعودناه من اهل الحرشا

اتمنى التوفيق للجميع
ابن جدعــان
28-Mar-2003, 09:25 PM
الآخوه :

وخيال الحرشا
وقلب الذيب
والحر المجروح
والسواط
والجميع

اشكركم مليون بقدر ما تستاهلون يا عتابه على هذا الشعور

أسئل الله أن اكون عند حسن ضنكم دايماً
ابن جدعــان
07-Apr-2003, 09:47 PM
الدلبحي

وابن عاصم

مادري وش اقول لكن اعذروني عن التأخير لن الجهاز تلخبط عندي

ووجيهكم ياعيال عمي عموما ً.
حـــ(مجروح)ـــر
10-Apr-2003, 01:03 PM
سلمت يابن جدعان يا منبع الطيب

صج لسانك يا بن العم على هذه الرائعه
وننتظر المزيد
ابن جدعــان
11-Apr-2003, 06:22 AM
الحــــــــــ[المجروح]ــــــــــــــــر

طيبي من طيبكم،

وصح بدنك يأخوي

ابشرو بالي تبونـه يانشامـا منـي=حاضر ومنون دايم لجل احوز ارضاكم
فهد الدعجاني
17-Apr-2003, 01:53 PM
صح لسانك اخوي ابن جدعان قصيدة غاية الروعة والجمال لاهنت



اخوك==== فهد
ابن جدعــان
17-Apr-2003, 10:18 PM
اخوي فهد الدعجاني

اروع من القصيده التواصل مع منهم شرواك

الله يعطيك الف عافيه
ابو وعيل
17-Apr-2003, 11:00 PM
صح لسانك ياابن جدعــان


قصيده من روائع المنتدى .....
ابن جدعــان
18-Apr-2003, 02:41 PM
اخوي ابو وعيل مشكور ، مشكور ، مشكور، مشكور

مشكور مرورك

مشكور شعورك

مشكور تشجيعك لأخوك الصغير

اتمنى أن اكون عند حست ظنكم بي في منتدى الهيلا
فهـــد نجـــد
24-Jun-2003, 06:05 AM
صحت ابدانكم جميع

وصح لسانك ياعصابة راسي

الله لا يخلي منك

اسف على تاخري بالرد يابن جدعان


تقبل تحيات اخوك الصغير فهد نجد