ياونيت البدو ماشفـت انـا مثلـك ونيـت %% فـارقٍ شكلـك ولونـك ومشيـك بختـره [الأرشيف] - الهيـــــــــــــلا *** منتدى قبيلة عتيبة

فيصل المسعودي

16-Dec-2005, 11:20 PM

الشاعر/ ضاوي العصيمي

ياونيت البدو ماشفـت انـا مثلـك ونيـت=
فـارقٍ شكلـك ولونـك ومشيـك بختـره
والله اني من لمحتك على الضيحه دريـت=
ان باللوحات تصدير والسايـق ( مـره )
وفز لك قلبي على غيـر عاداتـه وجيـت=
جيت حتـى دقـت المنظـره بالمنظـره
والتفت ربان طارتك صوبـي واعتزيـت=
عزوت اللي شاف مازاد غيضـه وقهـره
احسب انه يبتلي بـي لكـن ابـه ابتليـت=
وكل عرقٍ من عروق الجسد جاب اخبـره
وابركت بي للمواجيـب عينـي وانثنيـت=
عيب اقول الحمل جاير لوني مـا اقـدره
لو شربته بالنظر طول عمـري مارويـت=
ولو تعطرته شذا عفـت عـود المبخـره
ولو بسط كفـه لكفـي تجمّعـت وفديـت=
الخضاب اللي من ابهامـه اليـا خنصـره
من عرفت اشاغب البيض مثلـه مالقيـت=
جل من سـواه باوصـاف طفـل وكبـره
وجابني له من سعه لين في موجه غديـت=
اشهد انه يغرق اعتل شنب وسـط بحـره
قال خير ؟ وقلت طرقي على نارك ضويت=
قـال حـدك لاتعـداه والهـرج اقصـره
قلت انا بنشدك عن شـيء لكنـي نسيـت=
لا على فكره 00 ضحاياك في كم مقبره ؟
قال عفـواً ياغريـبٍ تماديـت وغويـت=
المـزون المقفـيـه برقـهـا لاتسـبـره
وانتحى عني وانا عن هواء الغيد انتحيـت=
استوى عنـدي ربيـع العـذارى ودهـره
مستحيـل افـك قلبـي لغيـره ماحييـت=
ومستحيل انساه لحظه على شـان اذكـره