ممكن طلب

[عامر]

السلام عليكم ورحمة الله وبركاته
اخواني القائمين علا المنتدى عندي طلب وارجو تلبيته لي مع الشكر لكم الطلب ابي قصيدة العتيبي الي قالها امام ابن رشيد يمدح عتيبه وكاد يقتله وشكرا

[ابن مشيب]

وعليكم السلام ورحمة الله وبركاته

اهلاً بك اخي عامر , والشاعر المقصود في طلبك , هو الشاعر مخلد القثامي , وإليك قصيدته:




حنـا عتيبـه كـم حريـب لطمنـاه=دقلاتنـا مثـل الخيـال الرزيـنـي
علونا في الحجـز واقصـى قرايـاه=وشرقينـا يـم الحسـا مردفيـنـي
وجنوبنـا وادي الدواسـر رعيـنـاه=وشمالنـا يــم المديـنـه يميـنـي
حنا تـرى نجـد المسمـى ملكنـاه=وخابت حظـوظ ملوكـه الاولينـي
وادي الرشا غصب على الناس نرعاه=بشلـف رهـاف ويقطعـن الوتينـي
تبرهجن في حمضته واشربن مـاه=تبرهجـن يـا مقرعـات الحنينـي
وكم بيت شيخ فـي نحانـا هدمنـاه=وامسـوا مساييـره مـن الخايبينـي
وكم راس شيخ عن متونـه نطلنـاه=وراحت تسير بـه كـلاب القطينـي
والفصل جا فاربـع سنيـن مسمـاه=من عقبها سمـوى القبايـل طنينـي
منها النهار اللي على الضال واقصاه=من عجـه الضلعـان عيـت تبينـي
ومنهـا نهـار فـوق دلعـه عبينـاه=مع ايسر الهضبـه عساهـا سنينـي
ولد الدويشي فـا لعوينـد كسرنـاه=يـوم عليـه ايشيـب المرضعينـي
وعلى طلال الـدم الاشقـر نثرنـاه=يومنهم جونـا الضحـى سارحينـي
والله للا شيخ( ن) وطتنا زكاياه=ماناخذ العمله من الحاربينـي
شيخ تجي له سبق الخيل مهداه=ابن رشيد امـروع الغافلينـي
اليا مشى جمعه وذروات تبراه=من كثرهم يا ارحم الراحميني
مثل الجراد اليا تقافت رحايـاه=امسلطه ربي على الظالمينـي

[فواز الشيباني]

اخي الكريم

ماقصر ابن مشيب جاب القصيده جزاه الله خير

[منصور بن فهيد]

لاهنت يابن مشيب

دائما متواجد كعادتك

اخي العزيز : عامر

بإمكانك تصفح دليل القصص والقصائد الموجود في اعلى القائمه وسوف تجد القصه الكاملة لهذه القصيده

تحياتي