ما ابغى الهذيلي مانبي لعب درموح .

[اللطّــام]

ما ابغى الهذيلي مانبي لعب درموح= حتى المسري مالنا فيه مصلوح
نبحث عن اللي لا لعب يطرب الروح = واللي تبيه العين تتعب وتلقاه


كان كبتن مناحي فيه يالحاضرين = والله انّه كفو للوقفه الوافيه
ون تغيّب يجيك ذياب ذرب اليمين = والشمالي شمالي جعله العافيه

[الايداء1]

,
صح
السانك
ياللطام . والحاضر
من الربع اللي ذكرتهم يسد
وحنا بأنتظاره ... وأزهل الصف يا أبن العم ..

[اللطّــام]

صــــح بدنــــك يابــــو تركـــــي
ومشكـــــــــــــــور على الحضـــــــور.

[مرزوق حمدان العتيبي]

..
.
.

مرحبا ياللطام ....
عز الله انك عرفت تطلب ....
من غير اقصور في كل شعراءنا ....
وماهؤلاء المذكورين الا كوكبه متلأ لئه من مجموعة الكواكب المضيئه
في سماء الهيلا البديع ....
ننتظر الابداع هالساع :)
..

[ماجد الهذلي]

هلا فيك ياللطام

بدعه رائعه

بس ما خبرتك تخاف

متااابع

[كبتن عتيبه]

وراك ياللطّام قمت اتشرّط=والظاهر انّك فالنهايه تورّط
الاربعه فوقك عساها تخرّط=واللي تبيه العين ماعاد تلقاه


مير ماجايك الا واحد من الثنين=والنشاما كفو بالوقفه الكافيه

واخويانا تبى معدال وافي رزين=لجل تمسي هواجيس العرب صافيه

[اللطّــام]

انا مدحتك والمدح شي واجب
ومدحي ردي الحيل ماينتواجب
ومن لايزيد الفهم ماحل واجب
واللي تبيه العين تتعب وتلقاه

لاتعجل على فرك الخشم بالهوين = دام فهمك قصرعن مقصد(ن)خافيه
انت غلطان واهل المعرفه فاهمين = وان بغيت الحقيقه شوف عراّفيه

[اللطّــام]

المتواصلـــــــــــين
مرزوق العتيـــــبي
ماجد الهذلـــــــــــــــي
شرفتــــــــــــــــونا بالزيـــــاره والاطــــــلاع .

ماجـــــد الهذلـــــــــــــــــي كلمة حــــق احييـــــك على ثقتـــــك في نفســــك
وحســـن اخلا قـــــــك .

[كبتن عتيبه]

لن كان تبغاها على لعب شقراء
خط الهدى ماهو مثل خط شقراء
ومن كثرة اللوحات مدري وشقراء
اللي تبيه العين وشلون تلقاه


ماش دون الحلوق الاّ طوال اليدين=يمطر الغيث ولاّ يسفي السافيه

قلت الك كلمتين وردّها كلمتين=لا تحذف العرب ويجيك حذافيه

[بن دريميح]

ياللطام صح لسانك
بس لو قلت دريميح افضل سموّا الاسامي بأسمائها مسموح لاخر مره يالسنافي
وانا متابع لك وللكبتن مناحي
ابداع من لشاعرين

[الفراهيدي]

الله الله الله

الله يعطيكم العافية

متابعين

[ماجد الهذلي]

الله الله

متابعين

يا سلام يا سلام

مدري والله أورح في صف من ؟

بلعب شويه في صفك ياللطام وشوي في صف مناحي

[اللطّــام]

ياللي تقلب كنك العقرباني
قل للمباني فيك ما اغتر باني
العز جا من ربي اللي رباني
واللي تبيه العين تتعب وتلقاه

تونا فالبدايه ماحصل شي شين = وسع البال ودرجها على القافيه
ان بغيت السلامه فلك عهد ويمين = مايجي لك من اللي هزّك اخلافيه

[اللطّــام]

يــالــلـــطـــام صــــــــــح لـــســــانــــك
بس لو قلت دريميح افضل سموّا الاسامي بأسمائها مسموح لاخر مره يالسنافي
تســـــــــــــــــلم يابن درميـــــح والمعــــــــــذره ولـــــــو اني اشـــــوف درمـــوح اسكــــب شــــوي :)

[اللطّــام]

الفـــــراهيدي ومــــــــــــــاجد مشكــــــــــــــــــورين .

[الشمالي الغربي]

اللطــــــــــــــــــــــــام


الكبتن منـــــــــــــاحي


صحة السنتــــــــــــــــــــــــكم



شاعريـــن مبدعين


لاهنتو

متاااااااااااااااااااااااااااااااااابع


ودي وتقــــــــــــديري

[فيصل المسعودي]

صحت السنتكم


يالمبدعين


اللطام


والكابتن مناحي


وواااصلووواااا


ولكم تحياتي

[كبتن عتيبه]

انا تراني ماتقلب ولاني
ماني ليا قبلت خصمي ولاني
يالبهلواني مدري البهولاني
واللي تبيه العين تسهر وتلقاه


يالإدراه ترى الشعار فوق 200=بعد مستور وحبيّب وصيافيه
وشيّب الشعر مدري شيبّن السنين=واخلفن اليالي بعض الاوصافيه

[اللطّــام]

مافيه مشكل قبل ادبل تشكل
يامناحي اللي في كلامك تشكّل
خليتها كالحمّصه بالمشكل
واللي تبيه العين تتعب وتلقاه
من تعدا حدوده يبشر بلكمتين= لكمة (ن) من قوي الزند خطافيه
ساحة الشعر ماتخلا من المبدعين = والبحر مانقص من غرف غرافيه

[كبتن عتيبه]

ترى الدبل فالصن فيه المشاكل
وانا من الزاد المبيت مش اكل
مشى جميع الجيش يعني مشا كل
واللي تبيه العين تسهر وتلقاه


من يعرف الجدي وسهيل والفرقدين=يسري الليل لو من غير كشافيه

يرحم الله تراث اجدادنا الاولين=في زمان الحلا والببس والكافيه

[اللطّــام]

اللي يدبل صن في يديه مشروع
امن المؤكد يدبله شي مشروع
وانا اتكلم من ثقه معك مش روع
والله تبيه العين تتعب وتلقاه
والله ان الشكاله مهنة الطيبين = ون لبست الملابس خلها ضافيه
انت وش فيك تسمع هرجة المرجفين؟= من سمع هرج مرجف صابه ارجافيه

[اللطّــام]

يالربــــع ياللـــــي مريتــــوا من هنـــــا
ياجعـــــل ربــــي يسلمكــــــم ويشـــــرف مقـــــداركم شرفتـــونا .

[مرزوق حمدان العتيبي]

...
.
.

اليا تلاقوا .....
الكبتن مناحي واللطام
يصير اللعب اخر كلام .....
..
شقر و قوّة معنى ....
وكل الجزاله ياسلام ..
صحت السنتكم ولكم الاحترام
.... استمروا في التميّز والى الامام ...
..