نادو لي الشمالي الغربي (له علوووووووووم)

[بن دريميح]

الأخ الكريم / الشمالي الغربي ...
لو تسمح استلم


مرحبا مرحبا بالزود زود = للرجال العريب انسابها
يالشمالي لايا نام الرقود = لاتصك العيون اهدابها

[الشمالي الغربي]

هلابك يابن دريميح واستلم لاهنت



البقا والبقا وارقا سنود=من يروم العلا يرقابها
والخلا والعدم ماله وجود=تعرف الخيل من ر كابها

[بن دريميح]

كان جاك الضمى عان العدود = اورد اورد على مشرابها
ياوجودي على الطيب وجود = كان بالطيبه يبدابها

[علي فلاح العضياني]

صح لسانك يابن دريميح

صح لسانك ابو خالد والليل ولا تبعد

تحياتي

[الشمالي الغربي]

نعرف ان العدود الها حدود=عد حجتك ياكتابها
قبل تمشي تزود بالوقود=الخطيبه هوت خطابها

[الشمالي الغربي]

الفالح


هلا وغلا

شرفتنا يالغالي


انا قريب

لاهنت

[بن دريميح]

كل عدٍ على ظهره ورود = ظمّتي ديرتي وهضابها
كان ودك تقدم للعنود = لازم انك تحسب حسابها

[بن دريميح]

الفالح شكرا على المرور والمتابعة
تحياتي

[الشمالي الغربي]

خل كثر الكلام بدون فود=اكثر اهروج مانشقابها
لاتجي في مداهيل الاسود=ثم تحطك مابين انيابها

[بن دريميح]

هرجتي مثل سيف(ن) امحدود = اكثر الناس وطّى ارقابها
وانا ذيبٍ تقفى للشرود = كل ديره حدر بشعابها

[الشمالي الغربي]

هيه ياللي تكسر فى الردود=رد خنجرك وسط اجرابها
دام حدرت عزمت الصدود=المجانين ويش ابغا بها

[بن دريميح]

نكسره من على راس الحسود = كل نفسٍ تعرف عتابها
والله لاشب نارٍ كا لخدود = لا تقرّب ترى ترمابها

[الشمالي الغربي]

كفييت وفيت يابن دريميح
خذ هالبيتين وتصبح على خير


ما ابتلش قائد الا فالجنود=النصيب الردي يبلا بها
لاتكلف ولاتقبس بعود=ابك ابا اخدمك واقفل بابها

[مرزوق حمدان العتيبي]

...
.
ابن درميح...
والشمالي ...
لاهنتم وصحت السنتكـــم ...
..

[الشمالي الغربي]

مرزوق العتيبي


هلابك يالغالي

مرورك شرف كبير لنا


لاهنننت


ودي وتقديري

[بن دريميح]

الاخ مرزوق حضورك شرف كبير لي بيض الله وجهك.....

أخوي الشمالي صح لسانك على الردود والمعاني الجزال
تحياتي
لكل من تابع وشارك........