ساد الجمال ونازعته الحبابه

[يجيلك يوم]

امسحك بعض احيان واحيـانً اكتبـك***وارجع واخطك خـط بعـد الكتابـه

خطـاك يبعدبـك وعـذرك يقربـك***ومابيـن ذي وذي حــط الاجـابـة

ولا لك عليّه حلف لاملـت لنصبـك***لاهـزت الوجـدان ريـح الكـآبـه

ياصاحبي طيبك وساسـك ومنسبـك***اليا اصطفق موجـه يهـوز السحابـة

مادامها اخلاقـك تضاهـي مناقبـك***سـاد الجمـال ونازعتـه الحبـابـه

ووشاحك اللي تسحبه فـوق منكبـك***حطه على متونـي وشيـل الغرابـة

شفني وصلت حماك واقصى مضاربك***وداعبت قلبـك واخترقـت المهابـه

وإن جيت عاني رغم كبرك ومنصبك***حتى الجمال ازعلت حضـرة جنابـه

هذي تواقيعي علـى اقسـى مطالبـك****وهذا غروري شوف سيـر انسحابـه

وابسط حقوقي لـو تعقّـد حواجبـك****علمتهـا عقبـك فنـون الخطـابـة

من شـان ماتغتالهـا فـي تجاربـك***لاحـان ثــارك والاوادم تشـابـه

ياصاحبي لا جيت اباامسحك واشطبك***انقشـك دون شعـور فـوق الكتابـة

الحريصي

[ابـن نـعـيـس]

لاهنت يالغالي

اختيار موفق


تحياااااااااااااتي

[فواز الشيباني]

الاخ يجيلك يوووووووووووووم
بكل صدق قمه في اختيارك

[يجيلك يوم]

مشكووور ابن نعيس على مرورك الكريم ولاهنت


تحياتي لك

[يجيلك يوم]

أسعدني مرورك المشرف اخوي فواز لاعدمتك


احتراااامي

[أبو فيصل]

ياصاحبي لا جيت اباامسحك واشطبك=انقشـك دون شعـور فـوق الكتابـة

الله الله عليك يايجيلك

والله فعلا روعة

لله درك يامبدع

الله يعطيك ألف عافية على هالأختيار الراقي

تحياتي

[((الدلبحي))]

لاهنت لاهنت

اختيار موفق ورائع

تحياااااااااااااااااااااااااااااااااتي

[يجيلك يوم]

يسلملي هالمرور والحضور الرائعين من شخص أروع دائما منورني فهد لاعدمتك


لك من يجيلك كل تقدير واحترام

[يجيلك يوم]

الدلبحي مرورك مشرف لي وحضورك له وقع خاص في نفسي لاهنت يالغالي


احتراااااامي