من عيّن ذياب ؟

[كبتن عتيبه]

تعال...ياذياب..


ياذياب قرّب دوك للطاروق والا ازحف وراك=وحده من الثنتين واللي ناسبتك أختارها

اثَرَك تنقز في نحور القوم ماشاء الله علاك=حتى نقزت النقزة اللي ماسلمت غبارها

[ماجد الهذلي]

يا سلام يا سلام يا مناحي

الليل لليل

القاف بيزين دام ذياب هو المقابلك

متااابع

[الفراهيدي]

الله الله الله

صح لسانك يامناحي

وينك ياذياب

[ذياب]

عطنا علومك ياعميل الخير دام الله عطاك=وذياب لا شاف السلع لازم تزيد أسعارها

السيف ابو حدين ماحطه فبن عمي هذاك=لا خير في قومن تحط أسيوفها في جارها

[ذياب]

ماجد الهذلي & الفراهيدي

حياكم ياغالين

[ماجد الهذلي]

يا سلام يا سلام يا ذياب

صح لساانك

[معــ المرقاب دي]

السيف ابو حدين ماحطه فبن عمي هذاك
لا خير في قومن تحط أسيوفها في جارها


كلااااااااااااااااااااااام يا ذياب

واصلوا لا عدمت هالروس

[ذياب]

ماجد حياك ياطويل العمر

نورت الصفحه



معدي المرقاب

حياك يابن العم

[الايداء1]

,
الله

الله

صح السانك ياذياب ولا هان راع الباص

السيف ابو حدين ماحطه فبن عمي هذاك=لا خير في قومن تحط أسيوفها في جارها

[ذياب]

حياك يابوتركي

نورت الصفحه

يابن العم

[كبتن عتيبه]

الله الله


ياذياب ياللي جيت ساري جاك علمي جاك جاك=شوف الجزيره كان باقي ماسمعت اخبارها

بعض السوايا يالعتيبي ماتسوّى وش بلاك=واللي عرف ميرادها جعله عرف مصدارها

[كبتن عتيبه]

جميع الاخوان

اكرر الترحيب

واشكركم على مروركم

[خلف بن مرزوق]

00

تعال...ياذياب..


اثَرَك تنقز في نحور القوم ماشاء الله علاك=حتى نقزت النقزة اللي ماسلمت غبارها



السيف ابو حدين ماحطه فبن عمي هذاك=لا خير في قومن تحط أسيوفها في جارها



الله الله

ابدااااااااااع كبااااااااااار

وااااصلواااا لنستمتع بمتابعتكم

تحيااااتي

[ذياب]

يالكبتن مناحي ليا شفنا دخل فيك ارتباك=ترى الجزيره ماهضمنا شكلها وشعارها

في ذمتي لو ماتجنب يامناحي عن خطاك=ترى أكثر العربان فالميدان نلعن عارها

[محمد العتيبي]

؟؟؟؟؟؟؟؟

يا سلام يا سلام

صح لسانكم .

[كبتن عتيبه]

ياربعي العتبان مابين الرفاقه لا يصير الاحتكاك=ترى الليالي شرها قام يتعدّا خارها

واليا حضرنا ياوسيع العرف لا ترفع عصاك=وان كان غبنا شرهة الوقفه على حضّارها

[ذياب]

يالي بنيت القاف لو أنك تناضر في بناك=وشلون تزبن في بيوتن مايذري دارها

أمسح يمينك في يسارك زال ربي ماهداك=والناس مابغا داخل الميدان كشف أسرارها

[ذياب]

ابو مشعاب حياك

ياغالي

[كبتن عتيبه]

ياذياب حنا ربعك ولا ودّنا نبحث خفاك=ماودّنا نجيب العلوم اطوالها واقصارها

المسح لا تطريه خله عنك يامعطي عشاك=للي ليا اوحتك التوت بالخيمه وتيزارها

[ذياب]

أدفن يدينك وأدفن أسمك يالبنادم في ثراك=ليش الجمال الصفر ماتحما أمهات أحوارها

هاذيك مثلك يامناحي في منافعها كماك=تقصر شبورك ماتساوي مدها وأشبارها

[الشمالي الغربي]

الكبتن مناحي

وذياب


ياليل البركه


على هونك ياذياب لاتقاشر الكبتن ترى الباص ما فيه فرامل


لله دركما من شعار

متااااااااااااااااااااااااابع

تحيااااااااااااااااااااااااااااااااااااااااتي

[كبتن عتيبه]

طيب ..طيب


أنته بعيرن كل ماكبر الحمل يكثر رغاك=لكنّ نوّخ للحمول أصغارها وأكبارها

لن كان راحت للحلايا ماحَلاها الا أحلاك=وأن كان راحت للقَدْر مقداركم مقدارها

[ذياب]

أنا لقيت أن العرب برقا يحبونك تراك=والنشر يانشار للاعلام وسط أسوارها

عيبن على الشعار تكرير المعاني وش بلاك=يالي تعيدون العلوم أكبارها وصغارها

[ذياب]

حياك يالعضياني

نورت الصفحه

[كبتن عتيبه]

ياذياب انا ناصحك عن قلعة سنونك من جماك=مير النصيحه فاتتك واسمع نصيحه غارها

مالك ومال مقاشر مناحي وكان الله هداك=تبصم باصابعك العراض يمينها ويسارها

[ذياب]

هههههههههههههه


المشكله أنك ماكلن سم الافاعي في غداك=(((ياربعنا واحد يفسر للخبول أسرارها)))

في ذمتي مانته بشاعر للمعاني مار هاك=أعلوم للعراف واللي يكشفون أستارها

[كبتن عتيبه]

ارضك تراها زلزلت ياذياب بعد اظلم سماك=وان كان كررت العلوم يغثنا تكرارها

رائك ليا منّك زعلت بعكس رائك في رضاك=عقليتك ياصاحبي قامت تحوص افكارها