المساعد الشخصي الرقمي

مشاهدة النسخة كاملة : من فيكم اللّي مايعرف مناحي؟

كبتن عتيبه
07-Dec-2005, 01:27 PM
مساكم الله بالخير ياعيال العم..واسمعووااا


سلام ردّيه شذاها فاحي=والشعر برقه في خياله لاحي

من فيكم اللي مايعرف مناحي؟=ولا ضاع حق ً من وراه مطالب


نبي لنا شاعر يغلّق فالطلب=صدري من البارح يغيض ويمتلي

والشاعر اللي تعرفه كل العرب=كل العرب ترمي له السان الطلي
نايف الحميدي
07-Dec-2005, 06:01 PM
مساك الله بالنور

يامرحبابك يامناحي مطلق
ترحيبةٍ بيبانه ماتغلق
واليا سرينا الليل حذرا تقلق

ماضاع حق من وراه مطالب

اليا حضرنا ساعه ايطيع الصعب= سوق الغلى ياصاحبي دايم غلي

حنا نعرف الروس ونعرف الذنب=ابشر بعد بلسان والمخرج ملي
بن دريميح
07-Dec-2005, 06:38 PM
بدايه جيده
واصلووووا
تحياتي
كبتن عتيبه
07-Dec-2005, 07:23 PM
الليل هذا طيبن وسعيدي
ماكنّه الاّ مثل لليل العيدي
وانا باعيّد لي بعد بحميّدي
ماضاع حقً من وراه مطالب


ياللي هبطت السوق دوّرللذهب=سوق الذهب ماله شكل ماله حلي

وان كان هم كثروا قليلين الأدب=ياجعلهم لا أهلْك ولا هم من هلي
علي الثبيتي
07-Dec-2005, 07:30 PM
صح لسان مناحي وصح لسان الحميدي
وانا بصفك يا كابتن
كبتن عتيبه
07-Dec-2005, 07:39 PM
حياك الله يابن دريميح

النشمي لا هنت على المرور ..وقوفك في صفي شرررف

تسلم لي
نايف الحميدي
07-Dec-2005, 07:43 PM
ليل السعد جابك وجيت قريب

ياجعل فالك يامناحي طيب

خابرك منته بالزعيم حبيب

ماضاع حق من وراه مطالب


حنا نبيع ونشتري حسب الطلب= اجنيه سد اجنيه والمخبا ملي

ربعي وربعك من رياجيل الحسب= اعرف وش الك اليوم واعرف وش الي
كبتن عتيبه
07-Dec-2005, 07:54 PM
ماني حبيّب صح يالعتباني
شاعر واغني معكم القيفاني
ولا انته بمستور انت شاعر ثاني
ماضاع حقً من وراه مطالب


تدري من اللي قال حامض ياعنب=الي تنوش له وجاك محوّلي

النار تالع يالعتيبي فالحطب=ياكبرها قمت تشب وتصطلي
مشاري الروقي
07-Dec-2005, 08:53 PM
صحت ألسنتكم ياكبتن مناحي ونايف الحميدي هكذا الأبداع ونحن متابعين
أخوكم / مشاري الروقي
الايداء1
08-Dec-2005, 12:06 AM
.
,
محاوره
قمه في الابداع
,
’
ياكبرها قامت تشـب وتصطلـي
نايف الحميدي
08-Dec-2005, 05:41 AM
اسف على التاخير


لاوالله الى طاح فالدوامه

السايق الي في جبينه شامه

والمشكله سايق مامعه اقامه

ماضاع حق من وراه مطالب


اثر المطيه شر لاجاها الجرب=من حر ماتنوس تلقا للخلي

ان ولعت لايحرقك صلو اللهب=خطرٍ على جسمك بعدها ينحلي
كبتن عتيبه
08-Dec-2005, 10:32 AM
ترى العلوم الطايشه تزعجني
وانا العتيبي لا غلط يحرجني
لكن هوّن لا نعجنك عجني
ماضاع حقً من وراه مطالب


ياصاحبي مافيه موت بلا سبب=اخذ الصراحه والله الوالي ولي

اثرك ماتونس ليا اكلت المطب=يالموتر اللي بالعفوش محملّي
@ الذيب @
08-Dec-2005, 01:34 PM
محاوره نار واصلو
وانا بصفك يالكبتن مناحي
ولا هان الاخ نايف الحميدي
زينو الصفوف
كبتن عتيبه
09-Dec-2005, 12:44 AM
حياك الله يالذيب
نايف الحميدي
09-Dec-2005, 01:46 AM
الله الله


انا علومي كلها مظبوطه

من فيض صدري ماهي بملقوطه

بس البلى في نفسك المحبوطه

ماضاع حق من وراه مطالب


هاذي حقيقه مير طعني وانسحب= افهم كلامي زين كانك تجهلي

يابو سبيته قدمك كبار الرتب=جاك الجزاء واطعم جزاي مفلفلي
نايف الحميدي
09-Dec-2005, 01:54 AM
ابن دريميح

النشمي

مشاري الروقي

الايداء

الذيب

نور المتصفح بتعاليقكم
كبتن عتيبه
09-Dec-2005, 02:26 AM
من بعد عدّت فوقك التخييشه
مانته بلاقي يالحميدي عيشه
تراك عصفورن نتفنى ريشه
ماضاع حقن من وراءه مطالب


كبتن مناحي ماحسب لا اطلق شنب=فعله ظهر في يوم ميحات الدلي

مامثله الا الاصمعي راع الادب=اللي نظم (صوتُ صفير البلبي)
نايف الحميدي
09-Dec-2005, 05:21 AM
انا احسبك صنديد واثرك (خيخه)

والي سواتك واجبٍ تلطيخه

ماض الزمن كلٍ عرف تاريخه

ماضاع حقٍِ من وراه مطالب


ماتاصل الحروات يديٌن العضب= قد قالها الي فالزمان الاولي

اليا عطيتك بقس مع خمسة ركب=لابد ماترجع لشرع الحنبلي
مرزوق حمدان العتيبي
09-Dec-2005, 12:31 PM
انا احسبك صنديد واثرك (خيخه)

والي سواتك واجبٍ تلطيخه

ماض الزمن كلٍ عرف تاريخه

ماضاع حقٍِ من وراه مطالب


ماتاصل الحروات يديٌن العضب= قد قالها الي فالزمان الاولي

اليا عطيتك بقس مع خمسة ركب=لابد ماترجع لشرع الحنبلي

الله الله
...
مبدع يانايف وكذلك الكبتن
وقصف ومن كل الجهات .... بارك الله فيكم
ياعتابه .... والابداع منكم غير مستغرب..
لكن حسبي الله على شعر المحاوره .... :)
كبتن عتيبه
09-Dec-2005, 02:00 PM
لن كان ماعندك يكود الهزله
حنا ترانا من رجال الجزله
واليا نزلت أنزل يامال النزله
ماضاع حقن من وراه مطالب


ياصاحبي للاه للاه العجب=منته منزل قدري اللي معتلي

وان كان بتهاوش معسّفة الصعب=الارض من تحتك شوي تزلزلي
الايداء1
09-Dec-2005, 02:25 PM
,
شعرجزل
من شعار كبار..
المتابعه حتى النهايه,,
الفراهيدي
09-Dec-2005, 02:30 PM
يعطيكم العافية
نايف الحميدي
09-Dec-2005, 10:20 PM
استلم

انا ماغني غير شعرٍ راقي

وانكان ماعلّمك فيني راقي

مانيب نازل للثريا راقي

ماضاع حق من وراه مطالب


ماتدري انه لاحقك بعض العتب=تلحقك شرهه من عتيبي وهذلي


امفرق اخوانه عن اخوانه هرب=اشعيل لاشاف الذيابه يجفلي
نايف الحميدي
09-Dec-2005, 10:25 PM
مرزوق العتيبي

الايداء


الفراهيدي

شرفتونا يالغالين
((الدلبحي))
09-Dec-2005, 11:05 PM
يعطيكم العافية

واصلوا وسجلوا اعجابي
المسرّي
10-Dec-2005, 01:27 PM
الله الله ياذا المحاوره

رائعه والأروع شعراؤها

صح لسانك يالحميدي ولسان الكبتن بعد