ذبحتنـي ياسيـد كـل الرعابيـب

[يجيلك يوم]

الله من قلبٍ عوى عويـت الذيـب **ذيب عوى لجت ضلوعـه ولجـي
عليك ياراعي العيـون المهاديـب***سـودٍ مضاليـلٍ وسـاع ٍ وبجـي
سودٍ تشذب بسرة القلـب تشذيـب****طحت بخطرهن يالله انـك تنجـي
سهومهن تسطي على القلب وتصيب***تخج صنـدوق المعاليـق خجـي
ياصاحبي حبـك لقلبـي عواقيـب***ارفق علي شـوي قبـل استلجـي
يا اللي عليك عيون الامه مراقيـب***تقـول بيـن شفـاك درٍ يمـجـي
والخد براق المـزون المهاضيـب****اللي رعوده رجـت القـاع رجـي
يامنوتـي مافيـه شـك ولاريـب****منساك كود انسى صيامي وحجـي
يابو نهودٍ شلعـن مقـدم الجيـب****كمشمشٍ عرقه من المـاء ينجـي
من فوقهن شقرٍ تغذى على الطيـب****ريح الشمطري في طرفهن يعجـي
ذيل اشقرٍ ينسف خلاف العراقيـب***تطلب عيالـه بالمهـر والترجـي
هزت وزرفـات السبايـا جناديـب****لوما شليل الصبر والمـال هجـي
ذبحتنـي ياسيـد كـل الرعابيـب****فجيت قلبي يأريـش العيـن فجـي
فجن مثل مظراب شلفـاء تراحيـب****شلفاءاً تخل الـدم الاحمـر يكجـي
لا وردة من كـف مـرو المغاليـب*****والخيل كاسيهـا ضبـابٍ وعجـي
ياعاذل المشتاق مابالهـوى عيـب***ماذقت لذاته عسـى امـك تدجـي
لو ذقت من حلوه ومـره تجاريـب***مالمـت طـراد البنـي الغنـجـي
نجل العيون مزعـلات الخطاطيـب****شعـوٍ عـذاب مقطعيـن الفرجـي
يم الحبيب اللي هروجـه تعاجيـب****ياعيـن لديلـه ويارجـل سـجـي


الشاعر محمد الخس

[أبو فيصل]

صح لسانك و لسان الشاعر أخوي يجيلك يوم

والله يعطيك ألف عاقية

ولاتحرمنا من جديدك

تحياتي

[ابـن نـعـيـس]

يعيطك العافيه

وصح لسان شاعرها


تحياااااااااااااااااااااااتي

[((الدلبحي))]

يعطيك العافيه

وصح لسان الخس


تحياااااااااااااااااااااااتي

[فيصل المسعودي]

صح لسان الخس


وتشكر على نقلها ياغالي


تحياتي

[يجيلك يوم]

مشكوور فهد على مرورك الكريم لاعدمتك


تحياتي لك

[يجيلك يوم]

أسعدني مرورك ابن نعيس وتسلم يالغالي


احترااامي

[يجيلك يوم]

أسعدني مرورك الدلبحي عسااااني مانحرم منك


تحياتي وتقديري

[يجيلك يوم]

تسلم اخوي فيصل على مرورك لاعدمتك


احترااامي