$$الله يعين كبتن مناحي $$

[اللطّــام]

الله يمســـــــــيك بالخيــــــــــــــر ياكبتــــــــــــــن.


كان كبتن مناحي يقهر المستحيل = الله انه يعينه جيت ابا العب معه
شاعر (ن) ماتخيّر غير شاعر جزيل = يوم بعض العرب مالي بهم مطمعه

[كبتن عتيبه]

مساء النور وحياك الله ياللطام



يامنادي علّيه جيت والليل لليل=مابها مستحيل المستحيل أصنعه

فالجبل ذيب.. والوادي معه حس سيل=احذر الذيب.. واخش السيل لا تقطعه

[مرزوق حمدان العتيبي]

....
.

لا والله الا بدا الابداع
..
ماشاء الله تبارك الله ..
اللطام .... و .... ومناحي ...
سجلوني في الصفين .... والله يقويكم ....
الليل الليل ...

[كبتن عتيبه]

هلا يامرزوق


ملياااار

[اللطّــام]

خلـــــــــــــــــــــــــوها

انتبه يامناحي كان منت بدليل = الدروب الخطيره كلها مضيعه
السواري معي والذيب يطرح قتيل = ذبحته من يدي لاجا يصف اربعه

[بن دريميح]

الله
الله
لعب جيد من كل الشاعرين
الكابتن و اللطام

[كبتن عتيبه]

لا توصّي حريص ولا تعلم عميل=جاتك الاوله والثانيه مسرعه

احترص ياعميلن تنقل أم الفتيل=بندقك لو تثور الذيب ماتفجعه

[((الدلبحي))]

الله الله

اللطام _كبتن مناحي

الله يقويكم واصلوا

تحيااااااااااااااااااااااااااااااااااتي

[الــوآفــي]

اللطام والكبتن

الروعه تتجلى بأبهى صورها


متابعين للطيبين

[كبتن عتيبه]

مرزوق العتيبي

انت شغلك هنااااااااااك
______________
ذيبان
الدلبحي
ابن دريميح

هلا وغلا ملياااار

[مطرح البعارين]

لا توصّي حريص ولا تعلم عميل=جاتك الاوله والثانيه مسرعه

احترص ياعميلن تنقل أم الفتيل=بندقك لو تثور الذيب ماتفجعه


رااااااااااائع ياكابتن المحاورة


ليش ما عطوك لقب شااااااااااعر

وانت تحاور وترد ببيوت جزلة


وينك ياااااااااااااااااااااامرزوق



تحياتي

[روقي الجمش]

السلام عليكم ورحمة الله وبركاته .
اللطام ــــــ كبتن مناحي .
سلمت على ما قدمت التمنى لكما مزيداً من التفوق والأستمرار .

والســــــــلام ،،،

تقبــــــلوا تحيــــات / روقي الجمش .

[كبتن عتيبه]

يامطرح البعارين

الشعار يثبت نفسه بنفسه

يعني كتبوا تحت اسمي شاعر ولا عضو

عاااادي وانا اخوك

واشكرك على متابعتي والاشاده بي شهادتك وسااام فخر

على صدر الكبتن مناااحي

[كبتن عتيبه]

هلا وغلا ياروقي الجمش

وسلم لي على هل الجمش

تااااج راسي

[اللطّــام]

اعرف انك نهار الهوش منت بذليل = مشكلتك الوحيده ضعت بالمعمعه
لن توك غشيم ومعك قلب (ن) هبيل = كنك اللي طمس عينه براس اصبعه

[أبو مرحبا]

الله يعين كبتن مناحي

يسلاااااااااااااااااااااااااااااااااااام علاااااااااااااااااكم

الصفوووووووووووووووووووووووووووووووووووووف

[كبتن عتيبه]

معي رمحن عطيب ومعي سيفن صقيل=وأنت يامطيبك ياصاحبي فالسعه

كثرة الهرج والله ماوراها حصيل=لو اجاريك فيها زادت البرطعه

[مرزوق حمدان العتيبي]

رااااااااااائع ياكابتن المحاورة


ليش ما عطوك لقب شااااااااااعر

وانت تحاور وترد ببيوت جزلة


وينك ياااااااااااااااااااااامرزوق



تحياتي

هههههههههههههههه
مطرح البعارين ............
والله ان كلامك صدق... وطاري علي قبل تقوله...
والاخ مناحي جدير بكلمة شاعر وقليله في حقه ...
واذا ماعطيناه من نعطي ...
الف شكر لك ياغالي ...

[كبتن عتيبه]

مرزوق تسلم على هذا اللقب


رغم أنّي عليمي شعر واتعلم معكم ياعيال العم


لا هنت يابن العم

[أبو مرحبا]

مرزوق تسلم على هذا اللقب


رغم أنّي عليمي شعر واتعلم معكم ياعيال العم


لا هنت يابن العم



ياكبرهااااااااااااااااا يارياجيل كبتن مناحي يقول انه عليمي اجل وش خليت لشعار الباقين

هااااااااااااااااااا
الظاهر ذال من العين
اقول ياكبتن ابد لاتذل نبا نقهوي الرياجيل علشان نأخذ غسول الفناجيل نرشك فيه |6||11|

[الايداء1]

,
تستاهل
لقب شاعر ونص يامناحي
,
اللطام
شاعر . والشعر يستحي منك
الليل

واصلووووووووو عزالله أنه أبداع مابعده إبداع ..

[اللطّــام]

معي رمحن عطيب ومعي سيفن صقيل=وأنت يامطيبك ياصاحبي فالسعه

كثرة الهرج والله ماوراها حصيل=لو اجاريك فيها زادت البرطعه


ان بغيت الحقيقه صرت مالك مثيل = شخص في مستواك اقوم واجربعه
ياعتيبه ورى هالرجل شكله مهيل = لابس (ن) ثوب خبلن واسم مايرفعه

[اللطّــام]

ابـــــــــو تركـــــــــــي
كل ماشـــــــــــــوف اسمــــــــك احــــــــس بنشــــــــــوت الابـــداع :)
شكـــــــــــــــراً لك وللجميــــــــــــع اللي سجـــــــــلوا حضـــــــــــــــورهم هنـــا
والسمـــــــــوحه على التأخيـــــــــــــــــــرفـــي الرد.

[كبتن عتيبه]

مستوايه رفيع وفي مكانة سهيل=وأنت تعرف سهيل اليا طلع مطلعه

ياعتيبه ماريد سروج من غير خيل=وش تفيد السروج ان جالها قرقعه

[اللطّــام]

منت ملفي ولا المرحوم شاعر هذيل =مايجيب المكاسب موتر (ن) دردعه

لاتهوّر ترى منته لمثلي قبيل = مير جوّد لسانك قبل لانقطعه

[كبتن عتيبه]

يالعتيبي نصيحه لا تكت المسيل=يعرف المجمعه من يسكن المجمعه

صدق ماني قبيل الّك وصوتك طويل=كل من فالبلد ياصاحبي يسمعه

[اللطّــام]

الحصان ان وقف بالصوت يصهل صهيل = والكديش انقطع صوته وهل ادمعه
شاعر(ن) لاحضرت اعدلك ياكل ميل = ون تكلمت فز الخصم من مضجعه

[فراج القرقاح]

....

هنا الابداع

صح لسانك ياكبتن مناحي

وصح لسانك ياللطام

واصلووووا يالنشاما

[كبتن عتيبه]

لو صوتك مثل صوت الحصان الاصيل=كان نغمتك سالمتن من البعبعه

واخر القاف ريح الهيل والجنزبيل=لجل يمكن نحطك خامس الاربعهياللطام

تشرفت بلقاءك والعذر والسموحه منك ياولد العم

لاني الان مشغول بكذا محراف فالمنتدى

ومحاورتنا لها ثلاث ايام

نستودعك الله وسوف نلتقي على الرحب والسعد

[اللطّــام]

الشــــــــــرف لنــــــــــــــا طـــــــال عمـــرك
واسمح لنـــــــــا لن حصــــــــــــل فيهــــــــــا
شـــــــــــد شـــــــــــوي
معــــــــــــــذور وبيــــض الله وجهــــــــــــــك.

[خلف بن مرزوق]

00

الله الله الله

هنا الابداع هنا الجزاااااااااالة

متابع الى النهاية


تحيااااااااااتي لكما

[اللطّــام]

ماعليـــــــــــــــــــك زود يابن مرزوق
والطيـــــــــــــــــــــور طارت بأرزاقهــــــــــــــــــــــا
:)

[مرزوق حمدان العتيبي]

..
.
.
ماشاء الله تبارك الله ..
..
اعتبرها من اروع المحاورات ..
يالربع اللي يدخل يذكر الله ..
والله انكم مفخره لعتيبه بهذا المستوى العالي..
اسجل اعجابي وتقديري..
ياللطام وياكابتن مناحي ..
لاهنتم ...