المساعد الشخصي الرقمي

مشاهدة النسخة كاملة : سالفه خفيفه وطريفه وحقيقيه ؟

الــوآفــي
26-Nov-2005, 10:55 PM
بغيت احط الموضوع هذا في قسم قصه وقصيده

ولكن لا يوجد قصيده اولا وفي القصه شئ من البطوله قلت احطه في معارك وبطولات


نبدأ السالفه


كان البدو يترزقون الله في وقت الحج كلن باسلوبه وكل واحد بما يبدع فيه

وكان فيه واحد قالوا انه شمري وهو مشهور ومبدع في ( المطارحه ) وكان يأتي اثناء الحج ويصيح باعلى صوته اطرحني واعطيك جنيه ( على ايام الجنيهات الفرنسيه ) وحينما يأتيه الحاج او مرافق الحاج طمعاً في الجنيه يتفق معهم على ان اللي يطرحه ياخذ جنيه وهو ياخذ من الشخص الثاني جنيه اذا طرحه (( اسلوب ذكي للرزق وثقه بالنفس )) :)

وكان يطرح الحجاج واي شخص يطارحه دائما

وفي يوم من الايام اتى (( هليل بن حاكم الذيابي العتيبي )) حاجا في موسم الحج واذا بالشمري ينادي (( اطرحني واعطيك جنيه )) فأتى هليل طامعا في الجنيه واتفق هليل مع الشمري على ان المطروح منهما يأخذ جنيه من الآخر وبدأ المطارح :)

واستمر المطارح وقتا طويلا بين الاثنين كل واحد يحاول انه يطرح الثاني وفي اثناء المحاوله غضب (( هليل )) ثم شال الشمري حتى رفعه عن الارض واسقطه ارضاً فقام الشمري مبهوتا وهو يقول (( والله ما عمر احد ترب جنبي على الارض قبل الرجال هذا ولا عمر احد طرح ابوي قبلي الا رجال اسمه (( حاكم الذيابي )) فقال له الحضور نبشرك ان هليل اللي طرحك ولد حاكم اللي طرح ابوك :) ))

فأخذ حاكم الجنيه واكمل حجته

وهليل بن حاكم جد ابوي رحمهم الله جميعا

ولاني بجاين مثلهم :)


تحياااااااتي

اخووووكم ذيبان
خلف بن مرزوق
26-Nov-2005, 11:29 PM
00

مصادفة طريفة

تسلم يميمك ياذيبان


بس انتبه ترى الناس الحين تدربو على الكاراتيه

يعني منت بلاقي جنيه لو تدور |6|


رحمهم الله


وتقبل


تحياااااااتي
مرزوق حمدان العتيبي
26-Nov-2005, 11:50 PM
...
.
ابك ابك ياذيبان
اثرك ذاك اليوم يوم تليتني بغيت تفك جنبي
اخذ ٍ هالقوّه وراثه :) لا بالله ربي سلم ...
..

نرجع للصحيح قصه جميله
ومعبره ..... ومثل مايقولون كل افه عليها افه ..
ولله في خلقه شئوون ...
...
كان عند احد امراء عتيبه مصري طباخ .. من الصعيد ..
يشيل صحنين المفطح على كفوفه كنه شايل صحن فول ..
وكان يلابش كل واحد ويبدي قوته على اللي يسوى واللي مايسوى..
المهم المصري صاير عنتر زمانه في الفتوّه ولا احد معه حيله انه يطرحه...
الى درجة انه ينسدح ويبركون عليه الشباب اللي علىرقبته واللي على ظهره
واللي على رجلينه . ويقوم ابهم ويحذفهم عن يمينه وعن شماله مثل العجل ...
المهم .....
كان فيه واحد من الجماعه رجال ٍ قوي ... معطيه الله نشطا ماهو طبيعي
ولكن مايظهر هذا الشي ... كان متكي في ديوانية الامير ... قاموا الشباب
يزايدون المصري ويحدونه على رفيقنا هذا والرجال كان منسدح تعبان
تو انه جاي من البل وقت الظهر .. المهم الربع كثروا الكلام على المصري
وقالوا ان كان فيك قوّه رح لهالرجال ... قام المصري يتحرش بخوينا
وهو منسدح وكل ماقرب منه المصري ندفه برجله ... مافيه فايده
شاف انه بلشه والله مار يقوم ... ويتواقف هو المصري ويتل المصري
يمه ليوم اختلف توازنه وهو يشله هواء بين السماء والارض
واول ماطبت فالارض قلته وللمصري متمدد .. :) ماعاد يبي الا العافيه ....
يوم استرد انفسه قال مدها والله يابيه انك اول واحد يطرحني في حياتي ..
انتهت ....
ونرجع ونقول فوق كل افه افه اقوى منها ...
الف شكر ياذيبان ........
وانا اشوف ان الموضوع ينقل لقصه وقصيده ....
والسلام .....
عتيبي 2005
27-Nov-2005, 01:43 AM
تسلم ياذيبان
فعلا قصه طريفه ومصادفه عجيبه..
وتكفى عندي صديق لي شمري عامل حاله فتوّه ابا ارسله لك .
تكفى سنعه مثل سواة هليل ببناخيه.
والاّ ابا ارسله لمرزوق يسلمه رفيقه المنسدح اللي سدح المصري .

واقترح تعديل قسم ( قصه وقصيده ) الى ( قصه وقصيده وقصه بدون قصيده ) .. حتى يكون فيه مجال للقصص الشيقه اللي بدون قصايد مثل قصصكم هذي .

تحياتي ..
الــوآفــي
27-Nov-2005, 01:21 PM
00

مصادفة طريفة

تسلم يميمك ياذيبان


بس انتبه ترى الناس الحين تدربو على الكاراتيه

يعني منت بلاقي جنيه لو تدور |6|


رحمهم الله


وتقبل


تحياااااااتي


لا كرتيه ولا غيره

هالحين الواحد يذل من جرته :)

شكرا لك على مرورك يابو مرزوق


اخوك :)
الــوآفــي
27-Nov-2005, 01:56 PM
.
ابك ابك ياذيبان
اثرك ذاك اليوم يوم تليتني بغيت تفك جنبي
اخذ ٍ هالقوّه وراثه :) لا بالله ربي سلم ...

انت تشوف .... لا هذا وانا ما توضيت :)

نرجع للصحيح قصه جميله
ومعبره ..... ومثل مايقولون كل افه عليها افه ..
ولله في خلقه شئوون ...


عزالله انها حكمه في محلها



كان عند احد امراء عتيبه مصري طباخ .. من الصعيد ..
يشيل صحنين المفطح على كفوفه كنه شايل صحن فول ..
وكان يلابش كل واحد ويبدي قوته على اللي يسوى واللي مايسوى..
المهم المصري صاير عنتر زمانه في الفتوّه ولا احد معه حيله انه يطرحه...
الى درجة انه ينسدح ويبركون عليه الشباب اللي علىرقبته واللي على ظهره
واللي على رجلينه . ويقوم ابهم ويحذفهم عن يمينه وعن شماله مثل العجل ...
المهم .....
كان فيه واحد من الجماعه رجال ٍ قوي ... معطيه الله نشطا ماهو طبيعي
ولكن مايظهر هذا الشي ... كان متكي في ديوانية الامير ... قاموا الشباب
يزايدون المصري ويحدونه على رفيقنا هذا والرجال كان منسدح تعبان
تو انه جاي من البل وقت الظهر .. المهم الربع كثروا الكلام على المصري
وقالوا ان كان فيك قوّه رح لهالرجال ... قام المصري يتحرش بخوينا
وهو منسدح وكل ماقرب منه المصري ندفه برجله ... مافيه فايده
شاف انه بلشه والله مار يقوم ... ويتواقف هو المصري ويتل المصري
يمه ليوم اختلف توازنه وهو يشله هواء بين السماء والارض
واول ماطبت فالارض قلته وللمصري متمدد .. :) ماعاد يبي الا العافيه ....
يوم استرد انفسه قال مدها والله يابيه انك اول واحد يطرحني في حياتي ..
انتهت ....
ونرجع ونقول فوق كل افه افه اقوى منها ...
الف شكر ياذيبان ........
وانا اشوف ان الموضوع ينقل لقصه وقصيده ....
والسلام .....


هذا ضرب حليب البل يابو محمد

وحنا ضارين على البايسون الله لا يعيده :)


نقلنا الموضوع لعيونك يابو محمد انت تامر بس


شاكر لك حضوووووورك


اخوك
علي الثبيتي
27-Nov-2005, 02:16 PM
اخوي ابو محمد سالف مضحكه
وبيض الله وجهك وعندي شايب ايقول والله اني سامع بالسالفه
مرزوق حمدان العتيبي
27-Nov-2005, 02:22 PM
...
هلا بالنشمي ..
سالفتي ولا سالفة ذيبان ؟

..
ِ
((الدلبحي))
27-Nov-2005, 02:37 PM
يعطيك العافيه

اختيار موفق وسالفه ممتعه

تحياااااااااااااااااااااااااااااااااتي
علي الثبيتي
27-Nov-2005, 02:40 PM
اخوي مرزوق والله منتبهت لسالفتك
المعذره والعتب على النضر
والسالفه ممتازه
وجهك ابيض وتقبل تحياتي
ابـن نـعـيـس
27-Nov-2005, 03:14 PM
لاهنت يالغالي

سالفة طيبه


تحيااااااااااااتي
فيصل المسعودي
27-Nov-2005, 11:21 PM
سالفه طيبه وطريفه


منك يالغالي


ذيبان


وتعليق طيب


من الغالي


مرزوق


تحياتي يالغالين
ولد نبعان
27-Nov-2005, 11:50 PM
|31|قصه رائعه والوراثه لها دور في كل شي <<<<<<<< خايف انك تطرحه
تحياااااااااااااااتي
الــوآفــي
30-Nov-2005, 01:07 AM
هلا يالنشمي

شكرا لتعليقك

والشايب اللي يقولك انه سمعها سلم لي علاه :)

تحياتنا
ابن ثريان
04-Dec-2005, 09:49 PM
اخي ذيبان
الله يعطيك العافية وتقص لنا سالفتك مع حفيد الشمري مستقبلاً ...!
(((( المحترف))))
05-Dec-2005, 11:12 AM
ذيبان
قصة اكثر من رائعه .. وهذا اخر الفسقه؟؟
تحياتي لك
مرزوق حمدان العتيبي
25-Dec-2005, 08:19 AM
...
.Very nice story
وليد الزراقي
05-Jan-2006, 02:09 PM
مشكوريـــــــــــن اخوي ذيبان ومرزوق على النقل الطيب
اخوي ذيبان يبغالك دوره في الكاراتيه والتايكوندوا بعدين تطرح اهل الموقع كلهم
تحياتـــــــــــــــــــي