سلام ياربعنا والليل غطلس فيه رعد وخيال = يرعد وفيه برديه من تقدم ياخذ حساباها

[سلطان الحافي]

مساكم الله بالخير يالربع
وستلموووووووووووووووووووو

سلام ياربعنا والليل غطلس فيه رعد وخيال = يرعد وفيه برديه من تقدم ياخذ حساباها
يا خذ حساب البرد والسيل يا خذ حسوته يارجال = حتى تزين السوالف والدعاوي يحفظ كتابها
الليل الليل

[الــوآفــي]

هلابك والله يا سلطان


صح لساااااانك


ننتظر مبدعاً آخر لنرى الروعه في حلتها الجميله

اخوك

[الايداء1]

,
سلطان

حياك الله

يالمبدع وبانتظار شاعر مبدع مثلك .

[((الدلبحي))]

سلطان

حياك ياغالي وننتظر احد الشعراء العمالقه لتلعب معه

تحيااااااااااااااااااااااااااااااتي

[علي فلاح العضياني]

يا مرحبا واركد اركد ثم يجيك العلم يابن الحلال=ما فيه غير العوافي والرجال تفتل اشنابها

احسب حسابك ودور لك جواب اليا نصاك السوال=المعرفه كنز لا يفنى وتلقاها مع اصحابها

[سلطان الحافي]

ذيبان
الايداء
الدلبحي
يشرفنا مررركم ولاهنتووووووووووووووووو

[سلطان الحافي]

صح لسانك يالفالح
واستلم لاهنت


يا الفالح اللي مشيت الدرب بالله ويش وسم الحلال = حتى نعرف المطيه يا ولد وانعرف ركابها
ما جيت للعد وارد جاهلٍ بالهمج والا الزلال = دربي واخبره وغيري كم ناسٍ تتعب ركابها

[علي فلاح العضياني]

الوسم ياللي عنه تنشد عمود ان كنت راعي جمال=إليا لقيت الجمال من اليسار إيلوح فارقابها
الجمه الصافيه ماشرب من ماها قصير الحبال=لا تستعير الحبال من العرب مانته بجدابها

[الشمالي الغربي]

الحافي والفالح


يليل البركه ياقو باسهم

واصلوا لاهنتوا متااااااااااااااااااااابع

تحيااااااااااااتي لكم

[سلطان الحافي]

استلم

والنعم يا الاد عمي فعلنا عالي بروس الجبال = لاكن وَلَع فتيل الشعر والساحه فتح بابها
الجمه اخذتها وانته عليها لف لف المحال = يا كبرها من ظليمه كلمتك وضح لنا اسبابها

[سلطان الحافي]

الشمالي الغربي
يامرحبا والله شرفتنا يالغالي
ولك تحياتي

[علي فلاح العضياني]

ياللي تنعم نعم حالك ونعم(ن) بك على كل حال=هيا وحددلنا صفحه لها عنوان نقرابها


ان كان هدَي علومك يا العتيبي ساع طال الجدال=وان كان تبغى السبب بنت الهوى تضحك لخطابها

[مرزوق حمدان العتيبي]

..
الحافي .... والفالح ..
صحت السنتكم ..
طاروق يشد المتابع والليل توّه بأوله ..
واصلوا ....
:)

[سلطان الحافي]

استلم لا هنت

قردك ربي وجابك في جحيم(ن) بعد زين الظلال = اباخذ الحق بيميني ولو قومك بمشعابها
شمر وانا معك اشمر واحتزم مافيه جدٍ واخال = بنت الهوا ياعميلي من يجيها ياكله دابها

[سلطان الحافي]

مرزوق العتيبي
شرفتنا
ولاهنت
لك تحيااااااااااااتي

[علي فلاح العضياني]

ألاد عاضي تسل السيف الابيض في نهار القتال=العزوه اللي تنومس فالمواقف من تعزوابها


والله لتبطي (عظم) وانته على هالحال مالك مجال=لكن خل الدعاوي عند اهلها غيرك اولابها

[سلطان الحافي]

استلم

خل القبايل يمين وروح عنها يالمخرف شمال = بيني وبينك شراره ولعت مقرود شبابها
حلفت لااحشرك يالفالح لين اكسيك برقع وشال = قوم تعدى حدود القوم ناطاها على ارقابها

[علي فلاح العضياني]

اللي سواتك ترا دمه حلال ومثـل دم الغـزال=قصتك هاذي تشابه قصة ام قريـن ونصابهـا



افكارك اللي براسك روح طبقها على ام العيال=اللي يدينه قصار من الكرامـه مـا تعشابهـا

[سلطان الحافي]

ختمتها يابن عمي مزح مايزعل عيال الرجال = انته وانا كلنا قوه لعزوتنا تقوابها
وختامها لك تحيه واحترامي ياكريم السبال = والله يعز الحكومه والعرب ويذل حرابها



اخوي الفالح مشكور على هذه المحاوره
وآسفين اذا غلطنا عليك
ولك مني كل التقدير والاحترام
تقبل تحيات اخوك / سلطان الحافي

[علي فلاح العضياني]

الاخ سلطان الحافي مشكورعلى اعطائي الفرصه

لمحاورتك ولاحصل منك قصور واغذرنا

اذا حصل منا اي زله

وتبقا ابن عم عزيز وغالي ولنا لقا قريب انشاء الله
اخـــــــــــــــــــــــــــــــــــوك الفالح