((الدلبحي))
21-Nov-2005, 02:17 AM
هذه القصيده موجهه من راشد الرياحي الى الشاعر لافي حمود الغيداني :
قصيدة راشد عبدالله الرياحي
الله على اللي غريبٍ فالمديلاتي=
مكلفينه الى أبن حمود بالذاتي =
للشاعر اللي جذبني من طواريقه=
طاروقٍ ازريت عقبه لاقدر اباتي =
قم ياسعد ياحزامي طالت ايامك=
عسى سنينك يابن عمي طويلاتي =
رح للوكيل الوحيد لجيب تايوتا=
واختر من اتلى المديلات الجديداتي =
فكس آر والكامل الله كامل اوصافه=
حصيله انتاج منتوج الخواجاتي =
ابيض فل ابشن مقاعد جلد من داخل=
فتحه سبيرين لارخصت الريالاتي =
آخر مديلٍ ورد في مقدم الصاله=
اصفار واقف بدون ارقام لوحاتي =
وليانقيته وجابو كامل اوراقه=
ونقدت سعره نقد مهاوب شيكاتي =
اقلط عليه وانا فالبيت قدامك=
تقهو واعطيك مضمون الرسالاتي =
باعطيك مني لو اني ماعرف الحربي=
الا بذكره وشعره بالسجلاتي =
والرجل يكفيك عن ماصار منطوقه=
والله خلقنا مقامات ودرجاتي =
يامسندي للقصيم من الرياض انهج=
منهاج ذيبٍ حداه مربي الشاتي =
واقلط على الصاحب المنعور في بيته=
جنوبي الرس بديار الكرماتي =
واليانطحكم يشوق البال ترحيبه=
عدو على سلم وضيافه وعاداتي =
عادات حرب الكرم والطيب والقاله=
يوم الزمن شين والايام عسراتي =
قبيلةٍ من علاوي نجد للساحل=
جادة وسادة بمصقول الرهيفاتي =
والطيب بين القبايل في جزيرتنا=
فضلاً من الله من عصورٍ قديماتي =
والياسترحتو ودار الطيب فالمجلس=
عقب الكرامه مع انفوسٍ كريماتي =
ردو سلامي على الحضار من داني=
وعدو اكتابي لمحمود السجياتي =
وأستاذنوا منه واعتذروا لجيرانه=
عذراً يجمل من نفوسٍ رضياتي =
الوقت ضيق وانا والربع ننتظرك=
انته ومن معك يازبن الونياتي =
ورسالتي صوب لافي لاتفحصها=
مضمونها لاقراها حسب ماياتي =
سلام يالافي بن حمود من راشد=
ازكى سلامٍ نزل باسماء الدياناتي =
تسليمةٍ من صميم القلب ناقدها=
لوكان مالي وراء ماقلت غاياتي =
الا المعرفه من اهل الطيب والقاله=
جزلين الارياء جزيلين العباراتي=
ومناقشة وضع موضوعٍ تعرضني=
واعرضت عن عرض وضعه قدم شماتي =
جربت واخذ قراري من تجاريبي=
وصبري وصمتي لهن حزات واوقاتي =
ماابدي علومي على من لايقدرها=
لوكان من لابتي وادنى قراباتي =
اقبلت واقفيت والايام ورتني=
اغرب تجاريب روحاتي وجياتي =
مخالط الناس والاقدر والحاجه=
تظهر رجال المواقف والمهماتي =
والدين عز الرجال ومن مذاهبها=
والخوف والذل من رب السماواتي =
والارض لله نمشي في مناكبها=
والرزق مضمون والاقدار عجلاتي =
يامل قلبٍ لانام الداله السالي=
خذ له مع الهم صولاتٍ وجولاتي =
قلبٍ همومه مع الايام تزعجني=
وطالت وطول على ماصابه اسكاتي =
وعينٍ براس الحجا تنثر عبايرها=
لاخمها من عجاج الوقت خماتي =
وحالٍ نحل يالله انك لاتخيبني=
من طول صبري ومن كثر اجتهاداتي =
النار ماتحرق الا رجل واطيها=
يامجميعين الدوادي والتفاهاتي =
مابغى النصايح ولابغى من يقدمها=
ولابغى رخومٍ تلم الهرج وتهاتي =
ماتوخذ الكلمه الا من مصادرها=
ولا تنقبل غير من صاحين وثقاتي =
قولو لرجلٍ تبين من مفاهيمه=
طيب الاصل والفصل والخلق والذاتي=
يابو احمود الرسائل يوم نرسلها=
ماهوب من قل يالافي علاقاتي =
لكن ماكل مايعرض يناسبني=
ولايضمن البيع مندوب الدعاياتي =
وسمعت لي منك كلمه وانت خابرها=
عانيت منها وانا حلت معاناتي =
الغلطه اللي من الخبلان جمدها=
غلطة خبل ماخلفت قدر اعتباراتي =
والغلطه اللي من الطيب نواجها=
بالطيب والطيب حلال الخلافاتي =
قدر الرفاقه وقدر الصاحب الغالي=
مايقدره من يزايمه التلفاتي =
مار الزمان اختلف والناس مختلفه=
تشوف واشوف في وقتي غياراتي =
وقتٍ ضحك للسفيه وكثرت علومه=
خبلٍ ماصكه من الايام صكاتي =
عاش الرخا في ضلال القصر وركونه=
وقام يتفلت على العالم تفلاتي =
يبغى علومٍ قصر من دونها جده=
يامال فرقاء الهجاير والتشتاتي =
مايدري ان الهقاوي ترمي امثاله=
على دروب المهالك والمتاهاتي =
ولاقلتها اشكي لكن الوقت رايعني=
لوكان لو يختلف ماخلفت هقواتي =
انا ولد من عليه يعلق العاني=
والاد عمي مزبنت المجلاتي =
وربعي حرارٍ معربتٍ مناسبها=
تشهد لسمو البقوم اسماء البطولاتي =
ابا اقتصر ياوسيع العرف واعذرني=
بأخفي عن الاش والانذال حساتي =
عبرت لك عن بعض ماكن واخفيته=
والحر حرٍ ويفهم بالاشاراتي =
وارجي السموحه من العراف واسمح لي=
واقبل ختام الكلام اطيب تحياتي =
صلى المصلي واقام الفرض والسنه=
وكبر وأتم التشهد والتحياتي =
وهلل وسبح لوجه الواحد الباري=
علام نيات خلق الله ونياتي =
وصلو على من بعثه الله لنا هادي=
شفيعنا يوم تجميع الحساباتي =
راشد الرياحي البقمي
00000000000000000000
الرد من لافي الغيداني
بأسم العظيم .. الحليم .. الخالق .. الرازق=
رب الثقلين علام الخفياتي =
المحيي .. المفني .. المتكبر .. القادر=
على مالايقدره طاغوت .. وزناتي =
رب له المسلمين .. تصوم وتصلي=
وتحج .. وتقوم في دفع الزكاواتي =
ماقصدهم غير مغفرته .. ورضوانه=
ولطفه .. وعطفه .. وعفوه .. بالنهاياتي =
ارجو عسى لاوصلت روحي لحلقومي=
ونزعت .. ولفضت الانفاس الاخيراتي =
اللهما أسأله في رحمته .. يرجح=
ميزان حسناتي .. بميزان سياتي =
سبحانه اللي له الدنيا ومافيها=
والاخره له .. ومافيها للامواتي =
فيه استعين .. وعلى الرحمن متوكل=
يلهمني .. القول ويقدي خطواتي =
وعقب طلبت الولي عونه .. وتوفيقه=
وبديت بأسمه .. وهو خير البداياتي =
يامرحبا بالرساله هي ومرسلها=
ماطوح الورق في روس المنيفاتي =
بلحونه اللي تهيض بال سامعها=
خص اللي من الهواء قد ذاق لوعاتي =
له في دروب الهواء سيره .. ولا وفق=
سيرة هواء جادل ٍ مافيه هسّاتي =
عقب ابتلا في غلاها صارت لغيره=
جميلة ٍ عقبها عاف الجميلاتي =
جداه لاسمع صوت الورق ياراشد=
يبعد .. ويجذب من اقصى القلب وناتي =
أي والله ارحب من القلب .. واهلي=
بالجيب .. وبسائقه .. وبراع الابياتي =
على عيوني وراسي قدر مرسوله=
اللي تعنى من ديار ٍ بعيداتي =
وش عاد لو انه يوصيه .. ويحثه=
على النكوفه عجل .. هيهات هيهاتي =
لو كان عجلان ماحنا مطيعينه=
ثلاثة ايام قانون الضيافاتي =
على الشرف .. والمعزه عندنا يبقا=
انا .. وربعي .. وميزتهم وميزاتي =
ماننشد الضيف .. وش جابه .. ووش عنده=
ولانحرجه .. بالسوأل .. وبلاجاباتي =
وعقب ثلاث الضيافه .. ناخذ علومه=
وان زادهن عندنا .. زادت مسراتي =
له عندنا قدر .. ولناس ٍ معنينه=
لراشد .. وللبقوم .. ولرياحاتي =
وعقب عطانا الكتاب .. وراح في فاله=
وقلنا تسافر .. وتاصل بالسلاماتي =
فتحت ضرف الرساله .. وانشرح صدري=
من نقد شعر ٍ مثل نقد الجنيهاتي =
شعر ٍ بيوته شريفات ٍ معانيها=
على ماقالوا .. نضيفات ٍ عفيفاتي =
قصيدة ٍ من صخر .. بالفعل منحوته=
ونحاتها أستاذ .. ماهوب أي نحاتي =
عذروبها طولها من طيب شاعرها=
وحنا بعصر اختصار .. الاختصاراتي =
مدري على شان راشد شاعر ٍ راهي=
والا يبا يختبر قدرة مجاراتي =
وبكل حالاتها تحفه .. ومقبوله=
ماضقت فيها .. ولا ضاقت مساحاتي =
خليتها لي خمس شهور وزياده=
تمسي .. وتصبح .. على شاشة رداراتي =
ماهو تهاون .. ولاعن ردها عاجز=
ولا قول انا اللي ماحد ٍ يسوي اسواتي =
انا ادمي .. والكمال لخالق الدنيا=
شاعر لي سلوبي .. وفكري .. وبصماتي =
لكن من كثر الظروف .. وقلة الفضوه=
وزود ٍ على ظروفي .. وكثر ارتباطاتي =
قصايد ٍ من هنا .. وهناك تاصلني=
ثقال .. وخفاف .. وطوال.. وقصيراتي =
وبعض القصايد ومغزاها يحيرني=
تسرد .. وتنسج من اوهام وخيلاتي =
والله يالولاي اخاف يقال متغطرس=
وتحط فيه صفات ٍ ماهي إصفاتي =
مارد على هذاك ولا على هذا=
ناس أتجاهاتها غير اتجاهاتي =
تبي على مشي بعض الطرق تجبرني=
وعقلي دليلي يناس .. وعيني امراتي =
بررت لك سبة التأخير .. واعذرني=
وهاذا أسمي .. وبصمتي .. تحت اعترافاتي=
مراسلة راشد .. ومثله تشرفني=
وشهادتة لي زادت من طموحاتي =
إ ختارني عن سواي لبوح مكنونه=
ويقول عانيت من بعض الصعوباتي =
وسمعت لي منك كلمه ريحت بالي=
وجعلت منها قداوه .. من قداواتي =
والكلمه اللي سمع مني .. وثمنها=
وفيها اقتدا واعتبرها من بركاتي =
لقيت بارسالته من كلمتي .. وأطيب=
حكم كلام ٍ دواء للمستجداتي =
ياراشد الوقت ماتومن عواقيبه=
لابدله ياطويل العمر غاراتي =
وانا لقيتك بموضوعك معالجها=
مانته بحاجة كلامي وستشاراتي =
بالعقل والصبر والحكمه وبالخبره=
منها تخارجت ياشوق الخونداتي =
جازيت راع الردا بالصبر والصده=
ورفعت نفسك عن هروج الخرفاتي =
عند الرياجيل منها يزود مقدارك=
وتعدي بفضلها روس الرفيعاتي =
تنجح .. وتحسب نجاح ٍ من نجاحاتك=
واعدا النجاحات ماتحب النجاحاتي =
منها الردي يشتعل غيره من الداخل=
ومن الردي وش يجي غير الردياتي =
ردي ربعك لياشافك على القمه=
تضيق فيه المعابير الوسيعاتي =
وعليك قام يتحين فرصة الهده=
هدت ضراوي بدو شبعان .. ويناتي =
وانته .. وانا .. والرجال اللي لهم قيمه=
هروج رديان خلق الله لياجاتي =
قمايم ٍ عزك الله مانعبرها=
نرمي بها في براميل النفاياتي =
عادة عيال الحمايل شيمة الطيب=
وترك الردي شيمة ٍ لهل المرواتي =
وربعي وربعك عزيزين بفعايلهم=
يوم النقاء والمنادى بالمثاراتي =
بأفعالهم مع قبايل نجد بالذروه=
ذروة سنام المواقيف العظيماتي =
مواقف ابطال .. والتاريخ حافضها=
ماهي بحاجة اورود شهود وثباتي =
حاولت اسدد واقارب والله الكامل=
واقبل سلامي .. وشكري .. واعتذاراتي =
لافي الغيداني
قصيدة راشد عبدالله الرياحي
الله على اللي غريبٍ فالمديلاتي=
مكلفينه الى أبن حمود بالذاتي =
للشاعر اللي جذبني من طواريقه=
طاروقٍ ازريت عقبه لاقدر اباتي =
قم ياسعد ياحزامي طالت ايامك=
عسى سنينك يابن عمي طويلاتي =
رح للوكيل الوحيد لجيب تايوتا=
واختر من اتلى المديلات الجديداتي =
فكس آر والكامل الله كامل اوصافه=
حصيله انتاج منتوج الخواجاتي =
ابيض فل ابشن مقاعد جلد من داخل=
فتحه سبيرين لارخصت الريالاتي =
آخر مديلٍ ورد في مقدم الصاله=
اصفار واقف بدون ارقام لوحاتي =
وليانقيته وجابو كامل اوراقه=
ونقدت سعره نقد مهاوب شيكاتي =
اقلط عليه وانا فالبيت قدامك=
تقهو واعطيك مضمون الرسالاتي =
باعطيك مني لو اني ماعرف الحربي=
الا بذكره وشعره بالسجلاتي =
والرجل يكفيك عن ماصار منطوقه=
والله خلقنا مقامات ودرجاتي =
يامسندي للقصيم من الرياض انهج=
منهاج ذيبٍ حداه مربي الشاتي =
واقلط على الصاحب المنعور في بيته=
جنوبي الرس بديار الكرماتي =
واليانطحكم يشوق البال ترحيبه=
عدو على سلم وضيافه وعاداتي =
عادات حرب الكرم والطيب والقاله=
يوم الزمن شين والايام عسراتي =
قبيلةٍ من علاوي نجد للساحل=
جادة وسادة بمصقول الرهيفاتي =
والطيب بين القبايل في جزيرتنا=
فضلاً من الله من عصورٍ قديماتي =
والياسترحتو ودار الطيب فالمجلس=
عقب الكرامه مع انفوسٍ كريماتي =
ردو سلامي على الحضار من داني=
وعدو اكتابي لمحمود السجياتي =
وأستاذنوا منه واعتذروا لجيرانه=
عذراً يجمل من نفوسٍ رضياتي =
الوقت ضيق وانا والربع ننتظرك=
انته ومن معك يازبن الونياتي =
ورسالتي صوب لافي لاتفحصها=
مضمونها لاقراها حسب ماياتي =
سلام يالافي بن حمود من راشد=
ازكى سلامٍ نزل باسماء الدياناتي =
تسليمةٍ من صميم القلب ناقدها=
لوكان مالي وراء ماقلت غاياتي =
الا المعرفه من اهل الطيب والقاله=
جزلين الارياء جزيلين العباراتي=
ومناقشة وضع موضوعٍ تعرضني=
واعرضت عن عرض وضعه قدم شماتي =
جربت واخذ قراري من تجاريبي=
وصبري وصمتي لهن حزات واوقاتي =
ماابدي علومي على من لايقدرها=
لوكان من لابتي وادنى قراباتي =
اقبلت واقفيت والايام ورتني=
اغرب تجاريب روحاتي وجياتي =
مخالط الناس والاقدر والحاجه=
تظهر رجال المواقف والمهماتي =
والدين عز الرجال ومن مذاهبها=
والخوف والذل من رب السماواتي =
والارض لله نمشي في مناكبها=
والرزق مضمون والاقدار عجلاتي =
يامل قلبٍ لانام الداله السالي=
خذ له مع الهم صولاتٍ وجولاتي =
قلبٍ همومه مع الايام تزعجني=
وطالت وطول على ماصابه اسكاتي =
وعينٍ براس الحجا تنثر عبايرها=
لاخمها من عجاج الوقت خماتي =
وحالٍ نحل يالله انك لاتخيبني=
من طول صبري ومن كثر اجتهاداتي =
النار ماتحرق الا رجل واطيها=
يامجميعين الدوادي والتفاهاتي =
مابغى النصايح ولابغى من يقدمها=
ولابغى رخومٍ تلم الهرج وتهاتي =
ماتوخذ الكلمه الا من مصادرها=
ولا تنقبل غير من صاحين وثقاتي =
قولو لرجلٍ تبين من مفاهيمه=
طيب الاصل والفصل والخلق والذاتي=
يابو احمود الرسائل يوم نرسلها=
ماهوب من قل يالافي علاقاتي =
لكن ماكل مايعرض يناسبني=
ولايضمن البيع مندوب الدعاياتي =
وسمعت لي منك كلمه وانت خابرها=
عانيت منها وانا حلت معاناتي =
الغلطه اللي من الخبلان جمدها=
غلطة خبل ماخلفت قدر اعتباراتي =
والغلطه اللي من الطيب نواجها=
بالطيب والطيب حلال الخلافاتي =
قدر الرفاقه وقدر الصاحب الغالي=
مايقدره من يزايمه التلفاتي =
مار الزمان اختلف والناس مختلفه=
تشوف واشوف في وقتي غياراتي =
وقتٍ ضحك للسفيه وكثرت علومه=
خبلٍ ماصكه من الايام صكاتي =
عاش الرخا في ضلال القصر وركونه=
وقام يتفلت على العالم تفلاتي =
يبغى علومٍ قصر من دونها جده=
يامال فرقاء الهجاير والتشتاتي =
مايدري ان الهقاوي ترمي امثاله=
على دروب المهالك والمتاهاتي =
ولاقلتها اشكي لكن الوقت رايعني=
لوكان لو يختلف ماخلفت هقواتي =
انا ولد من عليه يعلق العاني=
والاد عمي مزبنت المجلاتي =
وربعي حرارٍ معربتٍ مناسبها=
تشهد لسمو البقوم اسماء البطولاتي =
ابا اقتصر ياوسيع العرف واعذرني=
بأخفي عن الاش والانذال حساتي =
عبرت لك عن بعض ماكن واخفيته=
والحر حرٍ ويفهم بالاشاراتي =
وارجي السموحه من العراف واسمح لي=
واقبل ختام الكلام اطيب تحياتي =
صلى المصلي واقام الفرض والسنه=
وكبر وأتم التشهد والتحياتي =
وهلل وسبح لوجه الواحد الباري=
علام نيات خلق الله ونياتي =
وصلو على من بعثه الله لنا هادي=
شفيعنا يوم تجميع الحساباتي =
راشد الرياحي البقمي
00000000000000000000
الرد من لافي الغيداني
بأسم العظيم .. الحليم .. الخالق .. الرازق=
رب الثقلين علام الخفياتي =
المحيي .. المفني .. المتكبر .. القادر=
على مالايقدره طاغوت .. وزناتي =
رب له المسلمين .. تصوم وتصلي=
وتحج .. وتقوم في دفع الزكاواتي =
ماقصدهم غير مغفرته .. ورضوانه=
ولطفه .. وعطفه .. وعفوه .. بالنهاياتي =
ارجو عسى لاوصلت روحي لحلقومي=
ونزعت .. ولفضت الانفاس الاخيراتي =
اللهما أسأله في رحمته .. يرجح=
ميزان حسناتي .. بميزان سياتي =
سبحانه اللي له الدنيا ومافيها=
والاخره له .. ومافيها للامواتي =
فيه استعين .. وعلى الرحمن متوكل=
يلهمني .. القول ويقدي خطواتي =
وعقب طلبت الولي عونه .. وتوفيقه=
وبديت بأسمه .. وهو خير البداياتي =
يامرحبا بالرساله هي ومرسلها=
ماطوح الورق في روس المنيفاتي =
بلحونه اللي تهيض بال سامعها=
خص اللي من الهواء قد ذاق لوعاتي =
له في دروب الهواء سيره .. ولا وفق=
سيرة هواء جادل ٍ مافيه هسّاتي =
عقب ابتلا في غلاها صارت لغيره=
جميلة ٍ عقبها عاف الجميلاتي =
جداه لاسمع صوت الورق ياراشد=
يبعد .. ويجذب من اقصى القلب وناتي =
أي والله ارحب من القلب .. واهلي=
بالجيب .. وبسائقه .. وبراع الابياتي =
على عيوني وراسي قدر مرسوله=
اللي تعنى من ديار ٍ بعيداتي =
وش عاد لو انه يوصيه .. ويحثه=
على النكوفه عجل .. هيهات هيهاتي =
لو كان عجلان ماحنا مطيعينه=
ثلاثة ايام قانون الضيافاتي =
على الشرف .. والمعزه عندنا يبقا=
انا .. وربعي .. وميزتهم وميزاتي =
ماننشد الضيف .. وش جابه .. ووش عنده=
ولانحرجه .. بالسوأل .. وبلاجاباتي =
وعقب ثلاث الضيافه .. ناخذ علومه=
وان زادهن عندنا .. زادت مسراتي =
له عندنا قدر .. ولناس ٍ معنينه=
لراشد .. وللبقوم .. ولرياحاتي =
وعقب عطانا الكتاب .. وراح في فاله=
وقلنا تسافر .. وتاصل بالسلاماتي =
فتحت ضرف الرساله .. وانشرح صدري=
من نقد شعر ٍ مثل نقد الجنيهاتي =
شعر ٍ بيوته شريفات ٍ معانيها=
على ماقالوا .. نضيفات ٍ عفيفاتي =
قصيدة ٍ من صخر .. بالفعل منحوته=
ونحاتها أستاذ .. ماهوب أي نحاتي =
عذروبها طولها من طيب شاعرها=
وحنا بعصر اختصار .. الاختصاراتي =
مدري على شان راشد شاعر ٍ راهي=
والا يبا يختبر قدرة مجاراتي =
وبكل حالاتها تحفه .. ومقبوله=
ماضقت فيها .. ولا ضاقت مساحاتي =
خليتها لي خمس شهور وزياده=
تمسي .. وتصبح .. على شاشة رداراتي =
ماهو تهاون .. ولاعن ردها عاجز=
ولا قول انا اللي ماحد ٍ يسوي اسواتي =
انا ادمي .. والكمال لخالق الدنيا=
شاعر لي سلوبي .. وفكري .. وبصماتي =
لكن من كثر الظروف .. وقلة الفضوه=
وزود ٍ على ظروفي .. وكثر ارتباطاتي =
قصايد ٍ من هنا .. وهناك تاصلني=
ثقال .. وخفاف .. وطوال.. وقصيراتي =
وبعض القصايد ومغزاها يحيرني=
تسرد .. وتنسج من اوهام وخيلاتي =
والله يالولاي اخاف يقال متغطرس=
وتحط فيه صفات ٍ ماهي إصفاتي =
مارد على هذاك ولا على هذا=
ناس أتجاهاتها غير اتجاهاتي =
تبي على مشي بعض الطرق تجبرني=
وعقلي دليلي يناس .. وعيني امراتي =
بررت لك سبة التأخير .. واعذرني=
وهاذا أسمي .. وبصمتي .. تحت اعترافاتي=
مراسلة راشد .. ومثله تشرفني=
وشهادتة لي زادت من طموحاتي =
إ ختارني عن سواي لبوح مكنونه=
ويقول عانيت من بعض الصعوباتي =
وسمعت لي منك كلمه ريحت بالي=
وجعلت منها قداوه .. من قداواتي =
والكلمه اللي سمع مني .. وثمنها=
وفيها اقتدا واعتبرها من بركاتي =
لقيت بارسالته من كلمتي .. وأطيب=
حكم كلام ٍ دواء للمستجداتي =
ياراشد الوقت ماتومن عواقيبه=
لابدله ياطويل العمر غاراتي =
وانا لقيتك بموضوعك معالجها=
مانته بحاجة كلامي وستشاراتي =
بالعقل والصبر والحكمه وبالخبره=
منها تخارجت ياشوق الخونداتي =
جازيت راع الردا بالصبر والصده=
ورفعت نفسك عن هروج الخرفاتي =
عند الرياجيل منها يزود مقدارك=
وتعدي بفضلها روس الرفيعاتي =
تنجح .. وتحسب نجاح ٍ من نجاحاتك=
واعدا النجاحات ماتحب النجاحاتي =
منها الردي يشتعل غيره من الداخل=
ومن الردي وش يجي غير الردياتي =
ردي ربعك لياشافك على القمه=
تضيق فيه المعابير الوسيعاتي =
وعليك قام يتحين فرصة الهده=
هدت ضراوي بدو شبعان .. ويناتي =
وانته .. وانا .. والرجال اللي لهم قيمه=
هروج رديان خلق الله لياجاتي =
قمايم ٍ عزك الله مانعبرها=
نرمي بها في براميل النفاياتي =
عادة عيال الحمايل شيمة الطيب=
وترك الردي شيمة ٍ لهل المرواتي =
وربعي وربعك عزيزين بفعايلهم=
يوم النقاء والمنادى بالمثاراتي =
بأفعالهم مع قبايل نجد بالذروه=
ذروة سنام المواقيف العظيماتي =
مواقف ابطال .. والتاريخ حافضها=
ماهي بحاجة اورود شهود وثباتي =
حاولت اسدد واقارب والله الكامل=
واقبل سلامي .. وشكري .. واعتذاراتي =
لافي الغيداني