يا نجد والله ما اخذناك بسلوم ( للعفار )

[ابونورة]

.


اخواني هذه قصيدة ظيف الله بن تركي بن حميد الملقب بالعفار

قالها وصفا لحلتهم مع نجد الساحرة

البارحة عيني قزت عن كرى النوم,,,,, يوم الثريا قابلت لنعايم

من شافني قال مريض ومهموم,,,,والاكني عن الزاد صايم

الكبد ماتقبل من الزاد مطعوم,,,,,,واما الشكاله ماتهم البهايم

يانجد والله ما اخذناك بسلوم ,,,ولانت بورث لجدودنا في القدايم

اخذناك بمدارك العمر بالسوم ,,,,سوم يخسر لابسات اللثايم

يانجد اخذنا فيك حد ومعلوم ,,,وصفى جنابك عقب نطل العمايم

كم خايعن بين الحفيفين ماسوم ...كل يباه واصلين الكظايم

عاداتنا نرعى الخطر دايم الدوم..يرعاه دبشنا والحظ قايم

يازين هجتنا على الفطر الكوم ,,,,يوم بلاش ويوم جبنا الغنايم

.....................................,,,, للروح ديان وللعمر سايم



اسف على ماتبقى فهي والله من الذاكرة التي تاثرت بحذف بعض المشاركات







.

[ابن مشيب]

الف شكر ياخوي ابونورة , وضيف الله العفار رحمة الله ماذكر غير الصحيح , وغزالله انهم جدوداً يرفعون الراس.


تحياتي:
ابن مشيب..........الشيباني العتيبي.

[مطلق الشيباني]

مشكور ولاهنت على المشاركه الجميله ولاكن اسمحلي بان اعيد القصيده....................................


الفارس الشهم ضيف الله بن تركي بن حميد
يلقب (العفار)من شدة الشجاعه
ضيف الله بن تركي بن حميد


يالله ياللي نطلبه دايم الدوم"=" يامخلف النيه بنقض العزايم
الكبد ما تقبل من الزاد مطعوم"=" من شافني كني عن الزاد صايم
البارحه عيني قزت عن كرى النوم"=" يوم الثريا قابلت للنعايم
تخالفت بالقلب قالات واهموم"=" يوم الشكاله ما تهم البهايم
بالليل اهوجس لي ابقالات وعزوم"=" للروح خلاق وللعمر سايم
ذولا نصالحهم وناس لنا قوم"=" واكوان يشبع غبها كل حايم
لما سكنا نجد من غير معلوم"=" بصولات تلقا به صفا الجو عايم
يانجد ما والله نزلناك بسلوم"=" ولنتيب ورث اجدودنا والقدايم
يانجد خذنا فيك حق ومرسوم"=" وصفا جنابك عقب نطل العمايم
خذناك عقب امدارك العمر والسوم"=" سوم يخسر لابسات اللثايم
كم خايع بين الحفيفين ماسوم"=" كل يبيه واصلين الكضايم
عاداتنا نرعا الخطر دايم الدوم"=" يرعى دبشنا فيه والحظ قايم
نرعى بربع كنهم دولة الروم"=" مركاضهم بالضيق يجلا اللوايم
لاصاح صياح الضحا جن حثلوم"=" الخيل بالفرسان عجل همايم
يازين سجتنا على الفطر الكوم"=" يوم بلاش ويوم جبنا الغنايم
نو الخيال مسرح من ضحا اليوم"=" امطر وسيله دم روس العدايم




مع تحيات:-مــطـــلــق ـــــــــــــــــ الشــــــيــبانــــي ــــــــــــــــــ

[ابونورة]

الاخوة الكرام:
ابن مسيب , مطلق الشيباني
انا اوردتها من الذاكرة والتي تاثرت بدوالات مجلس الامن واخيرا خطاب فرعون القرن وتهديده لموقع الخلافة الاسلامية وسيعيد ايام التتر



ولكن اعتبر اني كسبت الجولة وان مشاركتي ناجحة بردودكم وتعقيبكم

ولايرضى سحيم المراسل ..........

..........................................مشكورين ............................................

...................................عدا سحيم المراسل.........................................

[قف امامك عتيبي]

مشكووووووووووووور ولاهنت وتقبل مرورك
1
1
1
1
1
1
اخوكم : سعود بن سالم الدغيلبي

[عبدالله هادي ناشي الفليت.]

مكشورعلى قصيده العفااااااااار

[حمد العطاوي]

مشكور يا ابو نوره ..... والله يرحم العفار