تسجيل الدخول

مشاهدة النسخة كاملة : خاص لمرزوق

فهيد مقعد الرويس
17-Nov-2005, 02:29 AM
سلام رديتن من خاطرً مستـــثــــــير == مرزوق بعض العرب مافالك بفالها

مانشدك وشقال بوش ويش سوابلير== لكن مدري قطروش سوت اعيالها
الــوآفــي
17-Nov-2005, 02:58 AM
صح لسانك يالمبتدي

مبدا رائع

وننتظر ابو محمد ليكتمل الابداع


لكما كل المتابعه

ذيبان
فهيد مقعد الرويس
17-Nov-2005, 03:14 AM
صح بدنك ياذيبان

منور الصفحه


حياك الله
مرزوق حمدان العتيبي
17-Nov-2005, 11:59 AM
الله الله
.


يامرحبا فيك ياراع المقام الكبير = والكلمه الطيبه مشكور من قالها
عان الرحا في رجال المعرفه تستدير = ونقول يالله يالله تصلح احوالها
الايداء1
17-Nov-2005, 03:14 PM
,
صح السانك

يالمبتدي وصح السان أبو محمد

وننظر الأبداع المتواصل ..

أبو محمد ..

الله يعينك هاليومين على الشعار من يد نشيط في يد نشيط

ولكن .... المبدع دائماً له جمهوره ومن خشية الشعراء منه يبحثون عنه .
مرزوق حمدان العتيبي
17-Nov-2005, 03:20 PM
..
.

ذيبان والسيف الشامان..
هلابك نورت الصفحه ..
. نسعد بتواجدك ..
مرزوق حمدان العتيبي
17-Nov-2005, 03:21 PM
..
.

صح بدنك يابو تركي ..
..
اتشرف باللعب مع كل الاعضاء..
وفي الحقيقه انا المستفيد ..
لاعدمتك ..
.
فهيد مقعد الرويس
18-Nov-2005, 12:08 AM
حضرنا يابو محمد ويشرفنا العب معك وحنى عليميه والشكر موصول للجميع
واستلم

خل القوافل على الوجهه مهلها تسير == والناس لابد ماتنشد عن اعمالها

واظلم اله حوبةٍ تهلك كبير وصغيــــر == حتيش بعض العرب لوكبرت ازوالها
محمد العتيبي
18-Nov-2005, 12:53 AM
ياسلام ياسلام

صح لسانكم ياشعار والله لا يهينكم .
ماجد الهذلي
18-Nov-2005, 01:03 AM
المبتدي ومرزوق

في صف المبتدي

متااابعينكم

تحياااتي
فهيد مقعد الرويس
18-Nov-2005, 01:06 AM
لاهنت يابو مشعاب

وصح بدنك


شكراًعلى المرور
فهيد مقعد الرويس
18-Nov-2005, 01:17 AM
ماجد حياك الله

يشرفني وجودك فالصف

تحياتي
((الدلبحي))
18-Nov-2005, 02:03 AM
المبتدي صح السانك

مرزوق مبدع ياغالي واعتبرني في صفك

تحيااااااااااااااااااااااااااااااااتي
داهية عتيبة
18-Nov-2005, 02:34 AM
المبتدي + مرزوق

واصلوا الله يعافيكم

تحياتي
فيصل المسعودي
18-Nov-2005, 02:46 AM
صحت السنتكم يالغالين


متاابعين لكم


ووااصلووواااا


في صف المبتدي


تحياتي لكم
فهيد مقعد الرويس
18-Nov-2005, 02:59 AM
الدلبحي الداهيه فيصل

صحت ابدان الجميع


الله لايهينكم

تحياتي
مرزوق حمدان العتيبي
18-Nov-2005, 10:56 AM
..
.
قال ايش قال عليمي !! :)
اجل حنّا وش نصيـــر..؟
عملاق يابن مروّح .. وكلي فيك اعجاب ..
استلم ياغالي ...

الظلم ظلمه ومن سواه ماهو بخير = المشكله ضرّت العقال جهالها
غرايب ٍ من بعدها مايسرالمصير= لكن بعض العرب لارحم ابو خالها
معــ المرقاب دي
18-Nov-2005, 08:31 PM
الله يا المبتدي
وابو محمد

واصلو
فهيد مقعد الرويس
19-Nov-2005, 03:07 AM
مرحبا يامعدي المرقاب والمعذره يابو محمد على التأخير

يبايزل الشتا ماجبت حمل البعــــــــــير==عان الذلول معقوله واطلق اعقالها

ان ربع الوقت تبشر بالسمن والمظير==وان امحلت حالت الرجال يرثالها
اللطّــام
19-Nov-2005, 12:13 PM
ماشـــــــــــاء الله تبارك الله
شــــــاعر جــــــــديـــد يالمبتـــــــــدي نفتخـــــــر بك
صحــــ السنتكم ـــــــــــــــــــــــــت
مرزوق حمدان العتيبي
19-Nov-2005, 02:36 PM
اثرك يالمبتدي منته بهيّن خطير = تترك خفاف الحمول وتبغي اثقالها
انته وش اللي عملته بالزمان الاخير = يوم ان هاك المساكن شان منزالها
مرزوق حمدان العتيبي
19-Nov-2005, 02:37 PM
...
.
الاخوان الغالين ..
الله لايهينكم على تواصلكم بدون اشتثناء ..
تحياتي للكل ..
فهيد مقعد الرويس
19-Nov-2005, 11:57 PM
اللطام اشكرك على المرور واستلم يابو محمد

حنى الدواله على العدوان شرً شريــــر == الابه الي توسط نجد منزالـــــها

ماني محارب ورد السيف وسط الجفيـر == وقربلي الدله الصفرا وفنجالــها
الاجرب
20-Nov-2005, 12:50 AM
الاخ/ المبتدي صح لسانك

الاخ/ مرزوق صح لسانك

نستمع للجميع


نشكركم على حسن الابداع

تحياتى
الايداء1
20-Nov-2005, 08:07 AM
,
,
الله
الله
عزالله أن هالبيت سنام المحاوره

الظلم ظلمه ومن سواه ماهو بخير=المشكله ضرّت العقـال جهالهـا
غرايب ٍ من بعدها مايسرالمصير=لكن بعض العرب لارحم ابو خالها

صحت السنتكم

يالمبدعين ... الشباب ماسكين الصف

وحنا يالشياب .... متفرجين ومستمتعين
عايض الحبابي
20-Nov-2005, 08:29 AM
السلام عليكم ... أبو محمد والمبتدي ...

اللهم حوالينا ولاعلينا :) واصلوا .. هالطاروق الراائع ... يامبدعين :)

تحياتي لكم ....