سفر الغبيوي
17-Nov-2005, 12:19 AM
هذه الأبيات قلتها أثناء الغزو العراقي على الكويت
*****
بسم الذي للخلق رازق ووهاب = ربٍ جميع الخلق ترجي ثوابه
الواحد اللي له ركعنا بالأوجاب = فرضٍ علينا مانخالف كتابه
بديت بدّع القاف من هول الأسباب = أسباب منها الحرّ شقق ثيابه
أنطق بشوف العين والقلب منصاب = وأكتب ابعرض الطرس عن كل مابه
أكتب عن اللي صار بأول شهر آب = في ثاني أيامه نهار الحرابه
يوم أعلن الغدّار غزّوه للأقراب = حرّك جيوشه يمّ جاره وأصابه
روّع هل الديره عجايز وشياب = روّع رضيع الدّيد وأفّزع شبابه
حلل اعروض الخلق للربّ ماهاب= ماخاف من يومٍ شديدٍ عذابه
وأمست جنوده بين سارق ونهاب = وهتّاك لعروض النسا وأغتصابه
وأسترسلت جنّده تطيع أمر الأذناب = في كل دربٍ طاعة أمر العصابه
عصابةٍ حكّمتّ تسمتّ بالأحزاب = بيّن هدفها اليوم كلٍ درابه
وأسترسل الهدّام في كل محراب = يصّدر بياناته ويلقي خطابه
يومٍ يقول الحكم بيدين الأصحاب = ويومٍ يقول السيف عندي جرابه
خالف مواثيق الأمم بتّ الأطناب = خالف شريعتنا وكشّر بنابه
خان العروبه كلها هاف الأنساب = خان الصداقه والعهد والوفابه
طاوع غروره صار قايد للأرهاب = واللي دعاه ( بهتلر الشرق ) صابه
غرّه زمانه وأكتسى العار جلباب = والعار دوده في عظامه رعابه
واليوم جيشك تحّشده سرب وسراب = تجمع زلومك يالخسيس برتابه
ناون على غزّو الجزيرة والأقطاب = تنّوي ولا تدّري عن اللي ربابه
الدار دونه يالنذل عكف الأشناب = تبيع غال الروح تشري ترابه
دونه صواريمٍ عريبين وصلاب = ما تنّحرز والتجربه خير مابه
لوّ كنت يا صدام للحرب مشهاب = نطفي مشاهيبك ونقطع ارقابه
هاذي عوايدنا بحزّات الأنشاب = والحرب نمشيله ولحدٍ يهابه
نمشي دروبٍ كلها شوك واصعاب = نمشي طريقٍ غيرنا مامشابه
والا أنت يالحصني تشيطر بالأكذاب = الرعب في قلبك سكن به وصابه
ياسرع والله روغتك عقب تنصاب = ياعنك منت بواقفٍ للحرابه
أقولها والسيف قطّاع الأرقاب = وعيبٍ على اللي مايوّرد نصابه
وأنخى هل النخّوه عزيزين الأجناب = وأنخى هل الفزعات وأنخى عتابه
وصلاة ربي عدّ ما خطّ بكتاب = واعداد ماتمطر من الما سحابه
على نبيٍ مرسله ربّ الأرباب = الهادي المختار سيد الصحابه
سفر بن مشعان العتيبي
*****
بسم الذي للخلق رازق ووهاب = ربٍ جميع الخلق ترجي ثوابه
الواحد اللي له ركعنا بالأوجاب = فرضٍ علينا مانخالف كتابه
بديت بدّع القاف من هول الأسباب = أسباب منها الحرّ شقق ثيابه
أنطق بشوف العين والقلب منصاب = وأكتب ابعرض الطرس عن كل مابه
أكتب عن اللي صار بأول شهر آب = في ثاني أيامه نهار الحرابه
يوم أعلن الغدّار غزّوه للأقراب = حرّك جيوشه يمّ جاره وأصابه
روّع هل الديره عجايز وشياب = روّع رضيع الدّيد وأفّزع شبابه
حلل اعروض الخلق للربّ ماهاب= ماخاف من يومٍ شديدٍ عذابه
وأمست جنوده بين سارق ونهاب = وهتّاك لعروض النسا وأغتصابه
وأسترسلت جنّده تطيع أمر الأذناب = في كل دربٍ طاعة أمر العصابه
عصابةٍ حكّمتّ تسمتّ بالأحزاب = بيّن هدفها اليوم كلٍ درابه
وأسترسل الهدّام في كل محراب = يصّدر بياناته ويلقي خطابه
يومٍ يقول الحكم بيدين الأصحاب = ويومٍ يقول السيف عندي جرابه
خالف مواثيق الأمم بتّ الأطناب = خالف شريعتنا وكشّر بنابه
خان العروبه كلها هاف الأنساب = خان الصداقه والعهد والوفابه
طاوع غروره صار قايد للأرهاب = واللي دعاه ( بهتلر الشرق ) صابه
غرّه زمانه وأكتسى العار جلباب = والعار دوده في عظامه رعابه
واليوم جيشك تحّشده سرب وسراب = تجمع زلومك يالخسيس برتابه
ناون على غزّو الجزيرة والأقطاب = تنّوي ولا تدّري عن اللي ربابه
الدار دونه يالنذل عكف الأشناب = تبيع غال الروح تشري ترابه
دونه صواريمٍ عريبين وصلاب = ما تنّحرز والتجربه خير مابه
لوّ كنت يا صدام للحرب مشهاب = نطفي مشاهيبك ونقطع ارقابه
هاذي عوايدنا بحزّات الأنشاب = والحرب نمشيله ولحدٍ يهابه
نمشي دروبٍ كلها شوك واصعاب = نمشي طريقٍ غيرنا مامشابه
والا أنت يالحصني تشيطر بالأكذاب = الرعب في قلبك سكن به وصابه
ياسرع والله روغتك عقب تنصاب = ياعنك منت بواقفٍ للحرابه
أقولها والسيف قطّاع الأرقاب = وعيبٍ على اللي مايوّرد نصابه
وأنخى هل النخّوه عزيزين الأجناب = وأنخى هل الفزعات وأنخى عتابه
وصلاة ربي عدّ ما خطّ بكتاب = واعداد ماتمطر من الما سحابه
على نبيٍ مرسله ربّ الأرباب = الهادي المختار سيد الصحابه
سفر بن مشعان العتيبي