البل مع الوبال

[نسناس2005]

السلام عليكم ورحمة الله وبركاته


اربع معاني من شبقهـن غميضـي=وثـلاث للعـراف فيهـن الأسنـاع

الطيب في الطيب حـزامٍ حفيضـي=تلقاه في الطيب على كـل الأنـواع

والبل مـع الوبـال مـالٍ غليضـي=وخضر الجريد الي على البير شراع

والطير والحرمه وزرع المقيضـي=وصفر العيون الي بذلنابهـا ضـاع



والقصيده اطول من ذالك وارجو من من يعرف
باقي القصيده ان يعيد نشرها

الشاعر صنهات العتيبي

[مطرح البعارين]

السلام عليكم ورحمة الله وبركاته


اربع معاني من شبقهـن غميضـي=وثـلاث للعـراف فيهـن الأسنـاع

الطيب في الطيب حـزامٍ حفيضـي=تلقاه في الطيب على كـل الأنـواع

والبل مـع الوبـال مـالٍ غليضـي=وخضر الجريد الي على البير شراع

والطير والحرمه وزرع المقيضـي=وصفر العيون الي بذلنابهـا ضـاع



والقصيده اطول من ذالك وارجو من من يعرف
باقي القصيده ان يعيد نشرها

الشاعر صنهات العتيبي


نتمنى ذلك

مشكور نسناس

[صقرنجد]

اخوي نسناس
مشكور على نشره القصيده الرايعه
وصح لسانك

وتقبل خالص تحياتي
اخوك :
صقر نجد

[((الدلبحي))]

الاخ نسناس

صح السانك والقصيده لشاعر صنهات العريض الروقي العتيبي

اما عن تكملتها فوالله ماعرفها

تحياااااااااااااااااااااااااااااااااتي

[نسناس2005]

صحت ابدان الجميع

وشكرا لكم على حسن المتابعه


ولاكن ارجو من الاخوه في المنتدى

محاولت تكملتها

[ابـن نـعـيـس]

صح لسانك

القصيده والله ماعرفها

لكن اتمنى من الاعظاء يكملووونها


تحيااااااااااااااتي

[نسناس2005]

صح بدنك وبيض الله

وجهك ياابن نعيس


على مرورك

[أبو مرحبا]

نسناس2005

لاهنت على نقل ذا القصيدة الرائعه لشاعر صنهات العتيبي

[منصور الحمادي]

الاخ العزيز نسناس

لقد فاجأتني جدا عندما رأيت العنوان لاني مافتحت اليوم منتديات عتيبة الهيلا الا علشان انقل
القصيدة من منتداي عالية نجد واجيبها عندكم

والقصيدة ..... لـ ( جــــدّي ) صنهات بن صويلح العريض رحمه الله تعالى

وهذه هي كامله








اربع معاني


الليله امسى خاطري مستهيضي = وامسيت يردنّه مهاجيج الارواع
سوات ورد اللي قبل ماتغيضي= لوكود يدهلها شراشيح الاقطاع
يالله من نوّن يجيله نفيضي= نوّن صدوق وبارد المزن في ساع
والاّالغنم ماعاد فيها بضيضي=ماعاد فيها لاقنيٍ ولاباع
جتها لياليها وقامت تغيضي=بغض الدهور اللي بها حتن الاقطاع
وحنا نداريها سوات المريضي= اللي وليّه من تردّيه مرتاع
أربع معاني من شبقهن غميضي =وثلاث للعرّاف فيهن الاسناع
الطير والحرمه وزرع المقيضي =وصفرالعيون اللي بها مابذر ضاع
والطيب فـ الطيّب حزامٍ حفيضي=تلقاه فـ الطيّب على كل الاسناع
والبل مع الوبّال مالٍ غليضي=وخضر الجريد اللي على البير شرّاع



الشاعر /صنهات بن صويلح العريض
رحمه الله


واذا تبغون قصايد اخرى للشاعر.... ازهلوا

[نسناس2005]

الاخ القدير والمحترم
منصور الحمادي

اشكرك جزيل اشكر والاحترام

على تجاوبك معنا

وارجو ان تزودنا من قصايد هذا

الشاعر الكبير رحمه الله


اخوك النسناس الروووووقي

[قاطع طريق]

الأخ نسناس2005
تشكر على الطلب

=================

الأخ منصور الحمادي
هل أنت دلبحي ولا من الحماميد أهل عرجا
ونبي منك لو تكرمت قصيدة العريض التي منها:


يا ليتني كبر جبله ثم ما اموت = ولا آجع ليا من الوجع جاء العبادي
و أجزي عن المرعى و أجزي عن القوت = وعليّ ثيابٍ ما يجيها البيادي

سلامتكم

[منصور الحمادي]

الأخ نسناس2005
تشكر على الطلب

=================

الأخ منصور الحمادي
هل أنت دلبحي ولا من الحماميد أهل عرجا
ونبي منك لو تكرمت قصيدة العريض التي منها:


يا ليتني كبر جبله ثم ما اموت = ولا آجع ليا من الوجع جاء العبادي
و أجزي عن المرعى و أجزي عن القوت = وعليّ ثيابٍ ما يجيها البيادي

سلامتكم



الاخ قاطع طريق

اخوك منصور الحمادي من حماميد (عرجا)
اما بالنسبة لهذه الابيات
يا ليتني كبر جبله ثم ما اموت = ولا آجع ليا من الوجع جاء العبادي
و أجزي عن المرعى و أجزي عن القوت = وعليّ ثيابٍ ما يجيها البيادي[/

اللي طلبتها نسبت
لجدي ولكن الذي يبدو لي انها ليست له
والله اعلم

[قاطع طريق]

الاخ قاطع طريق

اخوك منصور الحمادي من حماميد (عرجا)
اما بالنسبة لهذه الابيات
يا ليتني كبر جبله ثم ما اموت = ولا آجع ليا من الوجع جاء العبادي
و أجزي عن المرعى و أجزي عن القوت = وعليّ ثيابٍ ما يجيها البيادي[/

اللي طلبتها نسبت
لجدي ولكن الذي يبدو لي انها ليست له
والله اعلم



والله ونعم يا عصابة راسي

وتشكر على التوضيح