تسجيل الدخول

مشاهدة النسخة كاملة : ما فالشعار خيار؟

ذياب
11-Nov-2005, 05:54 PM
مرحبا ترحيبتن مضمونه مانغش عتيبه=مير من دور لها يلقاها لانها مضمونه

البحر ياواقفن من دونه فيه عز وهيبه=والرجال اللي تعز الحاها خايفه من دونه
مرزوق حمدان العتيبي
11-Nov-2005, 06:02 PM
..
.
.
رائع ياذياب ويالعلك على القوّه ..
نبقا في انتظار الشاعر المقابل ..
وفالجميع البركه...
ذياب
11-Nov-2005, 06:07 PM
حياك يابن العم

تو مانورت الصفحه
الايداء1
11-Nov-2005, 06:08 PM
,
صح
السانك ياذياب
والمنتدى عامر بوجودك
وأنتظار الشاعر المقابل .
معــ المرقاب دي
11-Nov-2005, 06:14 PM
ذياب
مبدا
طيب

وبانتظار الشاعر المقابل


تقبل تحياتي
ذياب
11-Nov-2005, 06:31 PM
الايداء صح بدنك

والمنتدى عامر بوجودك

أنت والاخوان








معدي المرقاب حياك

نورت الصفحه
مرزوق حمدان العتيبي
11-Nov-2005, 07:57 PM
...
.

اسمح لنا ياذياب نتعلم معك بهالطاروق..
بما ان الاخوان تاخروا فالرد ....


والبقا في هرجة ٍ موزونه جيب علمك جيبه = والعلوم الطيبه جبناها تاصلك موزونه
البحر به دانة ٍ مدفونه وانت لا تغدي به =يبتلش طلابها ماجاها دانة ٍ مدفونه
ماجد الهذلي
11-Nov-2005, 08:16 PM
متابعينكم

واصلوا على القوه

الصفوف شاده حيلها

تحيااااتي
ذياب
11-Nov-2005, 08:41 PM
هيه ياذيبٍ نشوف عيونه ليل لا تسريبه=بندقي رديتها بخباها كلها لعيونه

البحور الطاغيه مجنونه وأنت لا ترهيبه= وأن قبع بركانها في ماها قلت لك مجنونه
ذياب
11-Nov-2005, 08:45 PM
ماجد حياك منور

الصفحه
فراج القرقاح
11-Nov-2005, 08:58 PM
ياسلااااااااااااااام عليكم


ذياب خطير وصح لسانك يالقرم وقدامك شاعر كفو


واصلوووووووا يالنشاما ومتااااااااابع
ذياب
11-Nov-2005, 09:02 PM
صح بدنك يالداهيه

و وجودك شرف لي
مرزوق حمدان العتيبي
11-Nov-2005, 09:09 PM
..
.

ياسلام يا ذياب ..
استلم ...

الوعل طق الجبل بقرونه ثم جاب امصيبه = راح وقرونه تسيل ادماها ياعذاب اقرونه
علمكم بيّن ولاتقرونه قبلكم داري به = خلها تمشي على ممشاها وانتبه تقرونه
مرزوق حمدان العتيبي
11-Nov-2005, 09:11 PM
...
..
.

ماجد الهذلي
&
الداهيه ..

لايكتمل الجمال ال با أهله..
تنورت الصفحه وتعطرت بحروفكم وشوفكم ..
كل الود ....
فراج القرقاح
11-Nov-2005, 09:20 PM
ياسلاااااااااااااااااااااام يامروزق كم اطرب اذا شفت لعباتك

ابدااااااااع يالنشاما

واصلووووووووا لاهنتوا
ذياب
11-Nov-2005, 09:42 PM
بندقي للي يحد سنونه لو زعل بتصيبه=فالضلوع الحانيه مرماها ليش حد سنونه

خاطب ألي مهرةٍ مزيونه بنت ذاك الشيبه=وأنت من خطابها تبغاها لنها مزيونه
محمد العتيبي
11-Nov-2005, 09:49 PM
ذياب ومرزوق العتيبي

اطيب التحا يا والتقدير يا شعار ، لكم متابعينكم .
سلطان الحافي
11-Nov-2005, 10:01 PM
شعارنا
ذياب
مرزوق
صحت السنتكم
واصلوووووو الله يعطيكم العافيه
ذياب
11-Nov-2005, 10:07 PM
ابو مشعاب حياك

نورت الصفحه





سلطان الحافي

وجودك شرف لنا
مرزوق حمدان العتيبي
11-Nov-2005, 10:11 PM
الله الله
....


إعرف اني ماقفي من دونه والرمي ما اخطي به= وان لقينا الكايده شلناها ماقفي من دونه
روحي بهاك المها مفتونه ماش شك وريبه = عاشقتني عشق من منشاها عانها مفتونه
مرزوق حمدان العتيبي
11-Nov-2005, 10:13 PM
..
.

ابو مشعاب..
وسلطان الحافي..
مرحبا تراحيب المطر .... نورتم الصفحه وشرفتونا...
الشمالي الغربي
11-Nov-2005, 10:37 PM
مساكم الله بالخير يالربع وكل عام وانتم بخير


شاعرين مبدعين وطاروق ثمين متاااااااااابعين وعسى الله يعين


لاهنتو يالثنين
مرزوق حمدان العتيبي
11-Nov-2005, 10:43 PM
...
.

مرحبا يالغربي...
نورتنا وكل عام وانت طيب..
سعدنا بتواجدك ..
ذياب
11-Nov-2005, 11:16 PM
كم رجالن تخيب ضنونه كان قمت ألويبه=يذكر القصه ولا ينساها يوم خاب ضنونه

كم من ليله فركت متونه مافعلت معيبه=هاويتني ياعرب وهواها بعد فرك متونه
فراج القرقاح
11-Nov-2005, 11:29 PM
واصلوووووووووا يالنشاما متاااابع للابداع


الليل الليل
مرزوق حمدان العتيبي
11-Nov-2005, 11:32 PM
الله الله ..



الملحن ماتفيد الحونه عند ماننوي به = يبتلش فيها لياغناها ماتفيد الحونه
ياذياب الحق لاتخطونه تامر وتنهي به = قبل بقعا تاخذك برداها جعل ماتخطونه
مرزوق حمدان العتيبي
11-Nov-2005, 11:36 PM
..
.

الداهيه يسعدني تواصلك ..
وجعل ربي يقويك ..
..
ذياب
11-Nov-2005, 11:58 PM
لو بغينا مسكته ياهونه مير وش نبغيبه=الخطوط الحمر ماعداها وأن مشى ياهونه

تعرفون العلم من مضمونه تمرةٍ فالعيبه=مير كلمت حق ماتبغاها لنها مضمونه
فراج القرقاح
12-Nov-2005, 12:05 AM
طيب طيب


واصلوووووووووووا لاهنتوا
فيصل المسعودي
12-Nov-2005, 01:27 AM
ياعين ياعين


ابداع


بينكم يالمبدعين


وواااصلووووااااااااااا


يالغالين


ولكم متاااابعين


تحياتي
مرزوق حمدان العتيبي
12-Nov-2005, 08:57 AM
كل باب ٍ عارف ٍ كيلونه ياسهل تخريبه = قلعة البيبان مانرضاها بابه بكيلونه
نعرف ان العلم غامق لونه واختلف تركيبه = نفسه المشقي ترى شقاها علم غامق لونه
مرزوق حمدان العتيبي
12-Nov-2005, 08:59 AM
..
.

الداهيه

فيصل المسعودي..

واشكركم على تواصلكم ...
الايداء1
12-Nov-2005, 10:03 AM
،
صحت السنتكم
مبدعين ياالاثنين
أنا في صف ذياب ولاهان أبومحمد ماني
في صف المدير لان المدير مشجعينه واجد .
مرزوق حمدان العتيبي
12-Nov-2005, 11:44 AM
...
.

هلا يا مشرف القسم ..
الصفوف ماتحلوا الا بوجودك ..
..
لكن ترى السنه هذي لاتحلم بزياده :)
>>>>>>> لازم يستخدم حق الفيتو
....
ذياب
12-Nov-2005, 04:22 PM
مزحنا يدخل بباب المونه والغدر مامشيبه=مانوفرها ولو نلقاها داخل بالمونه

ياجماعه صاحبي وش لونه علم مايدريبه=العرب مانشتقي برضاها لو أقول أشلونه
ذياب
12-Nov-2005, 04:26 PM
حياك يالايداء وأنا سعيد


أنك في صفي يابن العم


بس ابو محمد يهدد باستخدام الفيتو


والظاهر أنا وياك فالقائمه السوداء





أيران وسوريا
مرزوق حمدان العتيبي
12-Nov-2005, 05:03 PM
ارفع الك الصوت ماتوحونه والخطا مالي به = كان ماتسمعه يابلواها كيف ماتوحونه
انت شاعر نيتك ملعونه والغلط ناوي به = العلاقه معك قطـّعناها نيتك ملعونه
ههههههههه
الله يرج بليسك ياذياب...
الزبده انك شاعر رائع ووجودك معنا مكسب
..
سعادتي ماتنوصف باللعب معك
صح لسانك وسامحنا على القصور ..
اخوك [/frame]
ذياب
12-Nov-2005, 05:45 PM
كان ولع صاحبي غليونه قلت له ياطيبه=المخايل روعه منشاها وأنطفا غليونه

هيه ياشاعر يابوحنحونه الغلط ماسريبه=لين يلمس ساقها علباها تنكس حنحونه





الاخ ابومحمد شهادتك وسام عز على

صدر أخوك ذياب

والعذر والسموحه وأستر ماواجهت
اللطّــام
13-Nov-2005, 04:04 PM
دخـــــــــــــــــــــلت على شـــــــــــــــــــان اسجـــل اعجــــــــــابي
صحــــــــــــــــت السنتــــــــــــــــــــــكم :)
ذياب
13-Nov-2005, 04:20 PM
دخـــــــــــــــــــــلت على شـــــــــــــــــــان اسجـــل اعجــــــــــابي
صحــــــــــــــــت السنتــــــــــــــــــــــكم :)





حياك يابن العم


منور الصفحه