ازهموا شاعر يجي يامّا نصر ولاّ هزيمه=وأخبروه أنّ الذي بيقابلك كبتن مناحي

[كبتن عتيبه]

ياعتيبه ربعي الغالين يامال الغنيمه=ياعزاتي تاج راسي مابها الليله مراحي

ازهموا شاعر يجي وأمّا نصر ولاّ هزيمه=واخبروه أنّ الذي بيقابلك كبتن مناحي

[محمد العتيبي]

يا سلام يا كبتن صح لسانك

[الايداء1]

,
الله

الله

يامناحي صح السانك

وبأنتظار الشاعر المقابل

ياعتيبه ربعـي الغاليـن يامـال الغنيمـه=ياعزاتي تاج راسي مابها الليله مراحـي

ازهموا شاعر يجي وأمّا نصر ولاّ هزيمه=واخبروه أنّ الذي بيقابلك كبتـن مناحـي

[الفراهيدي]

صح لسانك يالكبين مناحي

والليل يالشعار

[سعود البرقاوي]

كل واحد من عتيبة يدّعي بأنه صتيمة
والمصيبة لو عطيته كف طنّب بالصياحي
جاك شاعر فيك يبغى يركب أكبر جريمة
يسقيك شرب قراح ويسقيك سمٍ ذحاحي

[كبتن عتيبه]

ياشاعب ذلوله
عليك الهون

جاك شاعر فيك يبغى يركب أكبر جريمة
يسقيك شرب قراح ويسقيك سمٍ ذحاحي

حاول انت تازن البيت

وبعدين تستطيع ان تلعب مع كبتن مناحي

[سعود البرقاوي]

البيت 100%

[كبتن عتيبه]

بانتظار الشعار يحكمون بيني وبينك؟!

وتقبل النقد بروح الرياضيه

[سعود البرقاوي]

انا ماعندي شغل وفاضي

[ماجد الهذلي]

أعتقد إن البيت

من واحد لواحد يفرق

حاول تغني مره ثانيه يا مناحي

أنا أشوف أنه يمشي مافيه شي

متااابعينكم واصلوا

[سعود البرقاوي]

أنا راضي بالحكم

[راعي المراجل]

الكبتن مناحي

لم تقرأ البيت كما اراد شاعره

والبيت الشطر الاول فيه غلطه مطبعيه (يركب ) والمقصود يرتكب

جاك شاعر فيك يبغى يركب أكبر جريمة
يسقيك شرب قراح ويسقيك سمٍ ذحاحي


اما الشطر الثاني فــ يسقيك شكلها هكذا (( يِسْقٍيٍكْ )) سكّن السين واكسر القاف والياء

ولكم كل التحيه

هذا حسب فهمي :)

ذيبان

[مرزوق حمدان العتيبي]

...

كلامك صح يامناحي...

لان كلمة ( يركب) فيه غلط املائي
والصحيح يرتكب ...
واصلوا والله يقويكم...
..

[كبتن عتيبه]

جاك شاعر فيك يبغى يركب أكبر جريمة

الاشكال هنا ياخوان

وعلى قول ذيبان(يرتكب اكبر جريمه)بتكون صح


أمّا الشطر الثاني فلا اشكال فيه


إذا هي غلطه مطبعيه فمسموح

أما إذا كانت عن قصد فالبيت مايركب ابداً

[سعود البرقاوي]

ياناس الشاعر ماتفوت على الاخطاء الإملائية

يعني هل من المعقول يجي واحد ويقول يافلان تراني فيك ابي اركب جريمة

نبي نقول يافلان تراك مجنون كيف تركب جريمة لكن لويقول أبي أرتكب جريمة

قلنا صح فلان يرتكب في فلان جريمة


شاعب ذلوله

[كبتن عتيبه]

استلم.....


ابشر أنا كالجبال اللّي على الدنيا مقيمه=ماتغيّرها وأنا عمّك ملافيح الرياحي

قلت ماالجمله سليمه.. قلت لاباله سليمه= وأنت ياشاعب ذلوله شاعرن ما أنته بصاحي

[كبتن عتيبه]

مرزوق

الحمدلله على السلامه

ومن العايدين

وحب على خشم ذياب حبتين


ياعنك انه حمّا الميقاف

وأنت غايب

[كبتن عتيبه]

الخطاء ماطلع منّي ولا منّك

ياشاعب ذلوله

الخطاء من الأملاء‍‍‍‍‍‍

[مرزوق حمدان العتيبي]

...
.

يالربع صلوا على محمد ..
الاولى منك ياشاعب ذلوله بارك الله فيك
ان تبين الخطاء لزميلك ..
بدل ان يطول الكلام وتحرمونا حلاوة هالطاروق..
...
الشاهد انه ماحصل الا خير ..
وعلى قولة الشاعر ...

لولا التواضع ما تسمعت للراي
------- ولولا التفاهم ماحسمت القضيه ..
وانا اقول الصوره اتضحت الان ... وكلكم شعار ماعليكم قصور ...
وواصلوا مسيركم عسى ربي يقويكم..
..
تحيات اخوكم .....

[سعود البرقاوي]

منته بعمي عمت عينك يابو نفسٍ غشيمة
كيف عمي وانت عند الضآن والمعزى تتاحي

ليش ترجع يامناحي عقب ذبيت الخريمة
يا ماشاء الله والقوافل مايعطلّها النباحي

[((الدلبحي))]

الله الله

واصلوا يالربع والكتابه لاتفسد المحاوره

تحياااااااااااااااااااااااااااااااااااااتي

[كبتن عتيبه]

صح انا اتاحي لمعزايه ولا فيها ظليمه=والحلال انسرّحه وعصير يضوي فالمراحي

ما رجعنا لين سجلنا على المخطي قسيمه=والحقيقه مايطير الطير مكسور الجناحي

[محمد العتيبي]

يا سلام ياشعار

يقولون اهل الثقافه ، الراي لا يفسد للود قضيه .


تحياتي للجميع .