واليا غلبك الامر يامرزوق%ازهم على وصل العطياني

[كبتن عتيبه]

ياعتيبه طرفوا مرزوق والطارف سداد=المدير اللّي عطيتوه المطيه والشداد

وش يسوّي فالصباح وش يسوّي فالهجاد= ياصل القاضي ولا ندري يجي ولا يروح





كبتن مناحي جاك بالطاروق=ماجاك غيره شاعرن ثاني

واليا غلبك الامر يامرزوق=ازهم على وصل العطياني

[الايداء1]

,
الأخ

مناحي

مرزوق ماهو موجود

المدير آخذ إجازه ماهو أبمثلنا مقابلين النت

والناس معيدين ومستمتعين بالطبيعه الخضراء والمناظر الخلابه

لكن ... دور لك شاعرٍ غيره .... وأنا بصفك ياراعي الباص ..

[ذياب]

ياولد مطلق تنادي لك رجالن غايبه=تحسبن الوضع عادي والدعاوي سايبه

مير جاك ذياب ابن غانم وشكلك هايبه=تاصل القاضي ولا ندري تجي ولا تروح




يالكبتن مناحي تطب السوق=وأشتر وبيع أبغال الاثماني

وليا مسك ذياب تبا تروق=ماعاد تزعل طول الازماني

[الايداء1]

,
ونعم

يابن غانم

تصدق أني أحسبن سمير غانم ماله أخو أسمه ذياب

على العموم مبدع ياشاعرنا المحبوب وأنا في صفك .

الليل

الليل

ياراع الباص

[ذياب]

مرحبا يالايداء

بس معلوماتك فالتاريخ والفن صفر

لان سمير اله أخو ثالث أسمه عادل أمام

ههههههههههه

على العموم سعيد بوجودك يابن العم

[الــوآفــي]

<<< سيكون متواجد دائما من اجل الشعر الجزل فقط


كل التحيه للشاعرين

ذيبان

[ذياب]

<<<<<<<<<<<<<<<وسنكون سعداء بتواجده>>>>>>>>>>>>>>>>

فلا يحرمنا من حضوره

[فيصل المسعودي]

الليل الليل


واااصلووووااا يالغاااالين


في صفك ياذييااااااااااااااااااب


ولا يهون راعي الباااااااااص


تحياتي

[حامي عتيبة]

تنبيه إداري :

الرجاء منك ياأخ حامي عتيبة الألتزام و عدم إشغال الشعار

الأدارة

[ذياب]

حياك يافيصل و وجودك شرف لي يابن العم

أخوك ذياب






حامي عتيبه

ماتلاحظ أنك أشغلت عتيبه؟؟؟؟؟؟؟؟؟؟؟؟؟؟؟؟؟؟؟

[كبتن عتيبه]

الله الله

*
*


اعذروا مرزوق يالعتبان دام أنّه غياب
الله اسلمه الحريقه والغريقه ياشباب
وأن سلم مرزوق مايحتاج طاح ابها ذياب
ياصل القاضي ولا ندري يجي ولاّ يروح

ياذياب فالموضوع لزم حلوق=النار شبّت وأنته الداني

وأن كان ناسيني شوي تفوق=ولاعاد طول الوقت تنساني

[كبتن عتيبه]

ياحامي عتيبه

ياخوي ماحد قال انت مانت معجبنا

لا بالله حياك الله

بس أنت تخش في قاف ناس يتقاصدون وتبي تشاركهم

اذا بتلعب اكتب لك موضوع مستقل مثل الرياجيل

واطلب لك شاعر

[كبتن عتيبه]

الأيداء

ذيبان

وجودكم اكبر شرف


نورتو الصفحه


لا هنتم

[خلف بن مرزوق]

00

شعراءنا الاعزاء
صحت السنتكم ولاهنتوا على الابيات الجزلة

واصلوا لانا متابعينكم


وازهل الصف يبن غانم عندك اخوك

تحيااااااااااااتي

[ذياب]

ماعرفت ذياب لا هالحين يالكبتن هذاه=كم واحد ولع النيران نرثع في شواه

مير ياباني بيوت الشعر لو تحكم بناه=تاصل القاضي ولا ندري تجي ولا تروح




الحر حول والهدف غرنوق=وش حيلة الغرنوق يافلاني

سوات نجمن طايحن من فوق=من بعدها ماعاد تشناني

[ذياب]

00

شعراءنا الاعزاء
صحت السنتكم ولاهنتوا على الابيات الجزلة

واصلوا لانا متابعينكم


وازهل الصف يبن غانم عندك اخوك

تحيااااااااااااتي



حياك يابن مرزوق

و وجودك أكبر شرف لي

أخوك ذياب

[كبتن عتيبه]

ياذياب اسمك ذياب ولا عرفنا ولد منْ؟
كان صرت ذياب بن غانم نبى ننشدك عنْ
ابو زيد مسافرن للشام ولاّ لليمنْ
تاصل القاضي ولا ندري تجي ولا تروح
*
*

جعله مراح العيد والمرقوق=اللي عليه البال زعلاني

والحر جعله مايجيه العوق=ماحدن بلاحق طير حوراني

[كبتن عتيبه]

خلف بن مرزوق

هلا وغلا ياعزيزي


تسلم على الحضور الشيّق

[سرحـــان]

يعطيكم العافيه اخواني

واصلو
متابع

[حاتم العطاوي]

|197|متابع .... وليا هاللحين ماهوب في صف أحد..

[محمد العتيبي]

يا سلام ياسلام

ذياب + والكبتن مناحي بن مطلق .

صح لسانكم ولاهنتوا.

[ذياب]

يامناحي كان تنشد فالهجاد وفالصباح=أبشر أبعلمن حقيقي مايغطيه الصياح

طاح ابو زيد الهلالي من يمين ذياب طاح=ياصل القاضي ولا ندري يجي ولا يروح



وشلون هديت اللعب ياذوق=وأنته منول كنت عجلاني

وأنت الجمل ظيعت ذود النوق=الله وأكبر ياكحيلاني

[فراج القرقاح]

....


ياسلااااااااااااااام عليكم



واصلوووووووووا لاهنتوا وانا في صفك ذياب ولا يهمك



الكبتن مناحي صح لسانك واربط حزام الامان

[ذياب]

حياك يالداهيه وجودك شرف لبن عمك

ذيــــــــــــــــــــــــــــــــــــــــــاب

[الايداء1]

,
,
تسلمون

يالشعار على هالأبداع .

حامي عتيبه ......

أنا حذفت مشاركاتك أكثر من مره .

لعدم تقيدك بتعليمات المنتدي

آخر فرصه لك .. الرجاء عدم مداخلاتك وأزعاج الشعار ..

[كبتن عتيبه]

ياذياب الله رمابك في دهاليس البحر
والحقيقه مانبا السكين ترجع فالنحر
لو يصير العلم هذا يمكن ازعل وانتحر
ناصل القاضي ولا ندري نجي ولا نروح
*
*


لعتيبه الهيلا علي حقوق=ثلثينهم من حسبة أخواني
ياذياب يامطرود ياملحوق=تعال اخذ لك درس مجاني

[كبتن عتيبه]

سرحان
حاتم العطاوي
الداهيه
ابو مشعاب

حياكم الله

مراراً وتكراراً

[ذياب]

دام مالك منسب أله يالسنافي تنتمي=طيع شوري يامناحي وأجلس بظل أعلمي

وأنت ماندري من المطران ولا انت سلمي=تاصل القاضي ولا ندري تجي ولا تروح




ربعي عتيبه ماتحب البوق=ولا تصاحب كل خواني

درسك صناعة بيضك المسلوق=لكن دور واحدن ثاني

[((الدلبحي))]

الله الله

واصلوا كلنا متابعين

تحيااااااااااااااااااااااااااااااااتي

[كبتن عتيبه]

ابك انا عتيبي من العتبان مافيها كلام
منسبي معروف من قومن رفيعين المقام
عمي الرمح الحديد وخالي السيف الحسام
وصلة القاضي ولا ندري تجي ولا تروح


والنعم في برقا وسموا روق=أهل الفعول البيض جداني

منزالنا فالمنزل المرموق=وانته رفيقي جنبي وزاني

[كبتن عتيبه]

الله يحييك يالدلبحي

[محمد العتيبي]

والله اني داري انك عتيبي ياكبتن .

ههههههههههههههههههههههههههههههههههههههههه

[ذياب]

ابك انا عتيبي من العتبان مافيها كلام
منسبي معروف من قومن رفيعين المقام
عمي الرمح الحديد وخالي السيف الحسام
وصلة القاضي ولا ندري تجي ولا تروح


والنعم في برقا وسموا روق=أهل الفعول البيض جداني

منزالنا فالمنزل المرموق=وانته رفيقي جنبي وزاني





ونعم يا ولد روق

وصح ألسانك يابن العم

وأنا أستفزيتك بس على أساس أعرفك

وأنت كفيت ووفيت وبارك الله فيك ولنا لقاء آخر

أخووووووك ذياب

[كبتن عتيبه]

حياك الله

يابو مشعاااب

_________
ذياب

وفيت وكفيت وافتكيت مرزوق

ولا عليك زود

[الايداء1]

,
تسلمون

يالشعار الكبار

أتحفتونا بحلاوة المحاوره

وزين المعنى منتظرين أبداعاتكم

[مرزوق حمدان العتيبي]

...
.

كبتن مناحي الله لايهينك
والحمد لله اللي فكنا منك بذياب :)

كفو والله ياذياب وبيض الله وجهك..
اشكركم جزيل الشكر على ابداعكم ..
ومن مثلكم نتعلم .....
تحياتي

[ذياب]

حياك يامرزوق وكل عام وانت بخير

ومن طول الغيبات جاب الغنايم

يابن العم حنا اللي نتعلم منك

الله يعطيك العافيه