عيدكم سعيد

[معــ المرقاب دي]

فالبداية عاد عيد الجميع بكل خير = يا عساها فرحةٍ دايم ٍ منوالها
جيت واحمل شوق داخل ضلوعي مستطير= للرجال اللي لها فالعرب منزالها

[ذياب]

ياهلا يامرحبا من هواجيس الظمير=بعد مريت العرب مرحبا بحلالها

مير قلي وش تبا من سوالف يامدير=والاصيله يلتوي بالرسن خيالها

[معــ المرقاب دي]

البقــــــا وأبنشدك عقب قابلت السفير
= يوم نفسك وقعت في شرور أعمالها
فالبداية جات مدحة من أقوال الخفير
= وانتهت في حالةٍ يا عرب يرثى لها

[ذياب]

أنت ودك تدرج الحوم ماتقدر تطير=تنظر بعينك حرارن بعال أجبالها

النذاله فأول الوقت والوقت الاخير=يوم غلق يشطب أرسالنا برسالها

[محمدابوشهاب]

هنا المتابعه

واللعب الرائع

كبار كبار

وانا فالصف ياذياب لايهمك بس


سرها


ولايهون

اخونا

معدي المرقاب
وشكرا

[الايداء1]

,
,

الأبداع

لايبحث إلا عن أهل الأبداع .

ولايتغلب على المبدع الأ من هو أكثر منه أبداعاً

وأذا تساوى الطرفين فسوف يكون هناك شوط إضافي لحسم الموضوع .

فمن هو المتفوق في هذه المحاوره ؟

طبعاً لايمكن الحكم حالياً فالحكم بعد المداوله .......

واصلووووووووووووو يالشعار وسوف نرى .

[ذياب]

يامرحبا يابو راشد أسفرت وانورت واستهلت وامطرت

تو مانورت الصفحه بحضورك

[ذياب]

يامرحبا يالايداء حياك نورت الصفحه يابن العم

بس الله يرضى عليك ماحنا في صالة

أسهم يابوتركي

[الايداء1]

يامرحبا يالايداء حياك نورت الصفحه يابن العم

بس الله يرضى عليك ماحنا في صالة

أسهم يابوتركي

هههههههههههههههههه

معلوماتك قديمه ياذياب

الآن البيع والشراء ماعاد هو في صاله

تبيع وأنت في بيتك .

[ذياب]

هههههههههههههههههه

معلوماتك قديمه ياذياب

الآن البيع والشراء ماعاد هو في صاله

تبيع وأنت في بيتك .



لا تشره علي يابن العم انا قديم وعلى النظام القديم

توني ماتطورت

[محمد العتيبي]

الاخ : ذياب


+


معدي المرقاب

،

،

،

،

صح

لسانكم

جميعا


والله


لا


يهينكم


،


،


،


،


،


تحيات : ابو مشعاب .

^

^

[معــ المرقاب دي]

اركد اركد لا تعجل ترى وضعك خطير
=سرعتك ما تلحق انجومنا وظلالها
جاك من فعلتك ياكم نذير وكم نذير
=صاحب العالم وخايل بروق اخيالها

[معــ المرقاب دي]

محمد بن راشد
لا هنت

وجودك يكفي
سواء معي ولا مع ذياب

تحياتي

[معــ المرقاب دي]

الايدا

ياخي
تحليلاتك تضفي جو من الروعه


تحياتي
لك

[معــ المرقاب دي]

أبومشعاب

تشكر على تواجدك

تحياتي

[ذياب]

علم أربوعك لا تامن من أنياب البعير=البعير شعيل له غارتن يبغالها

في عمود الحرب ريض ولاني مستخير=علم المطران تحشد جميع أعيالها

[معــ المرقاب دي]

ابك أنا روقي وسيفي ترى سيفٍ شطير= يا عسى الله يجزي الناس جنس أفعالها
قلتلك يا ذياب وضعك من العالم محير =شفت نفسك يوم شيطانها غنى لها

[ذياب]

يابن عمي وش ينقزك بالاسم الاخير=فيه ثارن للعرب وانت جبت أقوالها

سير الطاروق ياصاحبي حتى يسير=والعلوم الفايته خلها في فالها

[معــ المرقاب دي]

جبت علم موثقٍ وأنت تدريبه خبير= كان تنشد قبل تحكم وشنهو خالها
ما أقول إنك بشر ما أقول إنك بخير=راحت الدعوى سبايب كثير إهمالها

[ذياب]

يابن عمي كل شيٍ مع السرعه يصير=والخطا وارد عسى الله يصلح حالها

وأتعذر منك ياراعي الرمح القصير=والمشايخ يدمحون الزلل وخمالها

[معــ المرقاب دي]

على العموم
سعدنا بمحاورة الاخ ذياب
وأشكر كل من تابع

المحاورة من بدايتها الى نهايتها

واقول لذياب السرعة خطر أن تصل متأخرا خيرا من أن لا تصل
هههههههههههههه

تحياتي

[ذياب]

مشكور يابن العم وأسمك يشبه اسم واحد في منتدى

ثاني وذياب فيه عرق جنوبي عجل شوي الله يصلحه

ههههههههههه

[الايداء1]

,,

,,,

تسلمون

يابني عمي على هالمحاوره

التي لها طابع خاص ماهو من طوابع البريد ..

من طوابع الرجال المتطبعه بطبائع أجدادها المتطبعون بطبائع عتيبه الهيلا,,,,,

أخوكم / أبو تركي

[معــ المرقاب دي]

من قال سالم يالايدا

كلمة الطبع ومشتقاتها تكررت في كلامك سبع مرات
وهذا يدل على اهتمامك بسلوم وطبيعة القبيلة

تحياتي لك