تسجيل الدخول

مشاهدة النسخة كاملة : اقرأ المطلوب قبل ان تتكلم .

اللطّــام
23-Oct-2005, 07:20 PM
انا ودي بطاروق (ن) يجملني مع الشعار = وابي شاعر على القدره معه سرعة بديهيه
ومن لايحسن الميقاف يبعد عن لهوب النار = ترى الدعوى سعوديه ترى العزوه عتيبيه
الــوآفــي
23-Oct-2005, 08:40 PM
ترى الدعوى سعوديه ترى العزوه عتيبيه


اللطام

طاروق رائع

صح لسانك وننتظر المبدع الاخر الذي سيكمل الابداع

كل المتابعه

اخوووك
ولد عوجان الجذع
23-Oct-2005, 08:45 PM
اللطام

بدع طيب يا طيب

وبانتظار الطرف الثاني


|165|





تحـــــــــــــــــــياتي
ذياب
23-Oct-2005, 09:26 PM
وأنا عساس أعس أرض الحيا لاطاحت الامطار=وأشوف البرق مايفصل على هاذي وهاذيه


تبا تركض تبا تاقف تبا تجلس تبا تنهار=ودعوانا عتيبيه ودعوانا سعوديه












ذيــــــــــــــــــاب
مرزوق حمدان العتيبي
23-Oct-2005, 09:34 PM
...
..

الله الله على المبدعين...
طاروق يوحي بأنه سوف يكون
من النوع الفريد...
اتمنى لكم التوفيق ياعيال العم ....

..
اللطّــام
23-Oct-2005, 09:47 PM
وأنا عساس أعس أرض الحيا لاطاحت الامطار=وأشوف البرق مايفصل على هاذي وهاذيه


تبا تركض تبا تاقف تبا تجلس تبا تنهار=ودعوانا عتيبيه ودعوانا سعوديه


ليا جيت ارضنا عساس تبغا موجز الاخبار = يقولون الحيا موجود بوجيه النداويه
مادمك جيت فاللحيه فلك حشمه ولك مقدار = وبحكي معك قصّه عن كثير الناس مخفيّه
انور الشيخ
23-Oct-2005, 10:10 PM
صح لسان الشعار

وطاروق رائع

ومتابعيين

تقبلوا تحياتي

اخوكم
انور الشيخ
ذياب
23-Oct-2005, 10:16 PM
ماجينا غار نز الارض حتى تطلع الاثمار=ولن رظيوا حراميه ولن ظاقوا حراميه


وأنا لو أني أعطيك الثمر من مجمع الازهار=تموت ولا تطب السوق من شان الشريطيه









ذيـــــــــــــــــاب
مرزوق حمدان العتيبي
23-Oct-2005, 10:48 PM
...
.

كما كان متوقع .........

ابداع غير مستغرب ...
فاللطام من اروع الشعراء في هالمنتدى..
وذياب شاعر قادم ومبدع كذلك .....

|20||20||20||20||20||20|
سرى الليل .....
اللطّــام
23-Oct-2005, 10:53 PM
ماجينا غار نز الارض حتى تطلع الاثمار=ولن رظيوا حراميه ولن ظاقوا حراميه


وأنا لو أني أعطيك الثمر من مجمع الازهار=تموت ولا تطب السوق من شان الشريطيه









ذيـــــــــــــــــاب



ترى فن الشطاره متقنه ياصاحب الشطار = ولكن لاتغيّر هقوتي ياطيب النيه
احدك للطريق اللي ببالى والعلوم اكبار = علامك مافهمت لغياتي ميه على ميه
اللطّــام
23-Oct-2005, 10:59 PM
لكــــل الاسمـــــــــــــــاء الجمــــــــيله والكبيــــــــــره
اللي شرفتنـــــــــــا في هالصفحــــــــــــــــه جزيــــــــــل الشكــــــــر والتقــــدير.

ذيبـــــــــــــــان_ ولدعــــــــــوجان _ مرزوق العتيـــــــــبي . انـــــــــور
لاهنـــــــــــــــتم .
فيصل المسعودي
23-Oct-2005, 11:28 PM
الليل الليل


متااااابعين


لهذا الطاروق الرائع


بينكم


يالمبدعين


ووااصلووااا


تحياااااااااتي
ذياب
23-Oct-2005, 11:42 PM
مادام أنك تريد العافيه مالي وراكم ثار=أنا يابن العرب ماضاع لي بين العرب شيه


تحاول تدحم بجنبك جملنا شعيل وانت حوار=علوم اصغار ولا كبار حنا ننجض الكيه













ذيـــــــــــــــاب
اللطّــام
24-Oct-2005, 12:17 AM
احاول قدر مايمكن تحاشي زلة الثرثار = ولكن وش نسوي لاعرضنا واحد (ن) عيّه
انا مثل الجبل راسي ولاعبرلكم معيار = ولايوجد بقلبي للعدو رحمه وماويّه
ذياب
24-Oct-2005, 12:40 AM
تعذر ماتعذر مالك الا النار ولا الغار=ولا ياراعي الغيران فالارض الخلاويه


ولا ياربعي العتبان ماللخبل غار شهار=وكهرب فالصباحيه وكهرب فالمسائيه









ذيـــــــــــــــاب
الايداء1
24-Oct-2005, 03:59 AM
,

الأخوان

والشعار المبدعين

طاروق له معني وأبداع متجدد

ونحن فخورون بكم بشهادة أبو محمد ....
,
,
الذي قــال.

كما كان متوقع .........

ابداع غير مستغرب ...
فاللطام من اروع الشعراء في هالمنتدى..
وذياب شاعر قادم ومبدع كذلك .....

فشكراً لك يابو محمد على حسن تقييمك ومتابعتك المستمره .

أبو تركــــــــي
((الدلبحي))
24-Oct-2005, 04:19 AM
الله الله

متابعين لكم ياشعار


تحياااااااااااااااااااااااااااااااااااتي
اللطّــام
24-Oct-2005, 07:20 AM
صحيح الخبل يبقى خبل عقله كلبوها اصفار = وانا برسلك يم اشهارفي رحله مكوكيه
ياربعي ورعكم وش فيه مايفهم ودمّه فار = اخاف الطمه لطمه بعدها ماتاقف ادميّه
ذياب
24-Oct-2005, 08:11 AM
ماكوكيتك تبقا معك يامكوك ياغدار=ولالي في ماكوكيتك حاجاتن ظروريه


تبا تكسر يدينك لو تزل أحدودها ياجار=وتنقل في حشاك الورع فالروحات والجيه
اللطّــام
24-Oct-2005, 09:11 AM
:)

اللهـــــم انـــــــــي صائم
ياذيــــــاب لا يمكــــــــــــــــن نجاريــــــــك في هالمستــــــــــوى الاخلاقـــــــــي
ولكــــــــــــــن استــــــــــلم اخــــــــر الرد والعذر والسمــــــــــــــوحه من الاخـــــــــــوان.


حسبت انك رجل تفهم ولكن الحـــــــ ... حــ .. = صحيح ان الدنيه مهنة الناس الدناويه
اعز النفس وارفعها ودوّر صحبة الاخيار = ودوّر شاعر (ن) عاقل تنومسني معانيّه
الــوآفــي
24-Oct-2005, 01:29 PM
كبــــيـــــــــر ياللطام
مرزوق حمدان العتيبي
24-Oct-2005, 06:04 PM
...
.
افا والله يذا العلم ....
تعشمنا بهذه المحاوره خيراً في بدايتها..
وتوقعت انها ستكون من اجمل المحاورات...
ولكن تجري الرياح بملا تشتهي السفن ...
...
يااخوان نحن في رمضان...
فقدموا الكلام الطيّب على الكلام الخيّب..
الاخ ذياب كان مندفع بردود لم يكن لها داعي .. منذو البدايه
الاخ اللطام حاول ان يسير بالمحاوره الى معنى معيّن
ولكن ابت الامور ان تأتي على مايريد
هذا ما استشفيته من ابياته ... ومحاولته تنبيه ذياب ...
واشكره كل الشكر على توقفه في النهايه ...
ولكن لي عتب عليه بجمله تمنيت لو انه لم يكتبها ...
على العموم حصل خير ... واتمنّا ان نهذب سلوكياتنا ..
وان نلعب من اجل التسليه ... تحت شعار الود والاحترام
والاهتمام بالمعنى .. فالمواضيع كثيره ... ونحن في شهر خير وبركه ...
اتمنّى للجميع التوفيق واقول مبارك عليكم الشهر ..
تقبل الله منا ومنكم صالح الاعمال ووفقنا الى الحسن من الاقوال ...
اخوكم ......................
ذياب
24-Oct-2005, 08:33 PM
اللطام أول حاجه مسائلة مستواي فهو ارفع من كثير من الريجيل
ثانيا المحاوره اذا ماكان فيها شد قاف لا اطربتنا ولا تابعناها
ثالثا ياخي حنا عتيبه وسيعين اصدور والشكات ماتلحقناوصدق حبيب
(حنا عتيبه وسيعين الصدور **فالشرق والغرب رفرف ياعلم)
بس من اليوم بديت اشك في هالمقوله
والعذر والسموحه من الاخوان



تعلم من تعلم لويعيش الثار مات الثار=مزحنا مار بعض الناس دايم هرجته نيه


وانا صحبتك مابغاها ولا أدفع لجلها دولار=ادور واحدن مثلي بعيداتن مراميه
اللطّــام
24-Oct-2005, 09:45 PM
كبــــيـــــــــر ياللطام

الكبيــــر الله ثم ذوقــــــــــــك واخلاقــــــــــــك
يا استـــــــــــــــــاذ ذيبــــــــــــــان

^


^

الاستـــــــــــــــــــــــاذ مرزوق العتيبـــــــــــــي
روحــــــــــكم الســــــــــــــــاميه تدفعنــــــــــا دائــــــــم بأن ننــــــــــــأ بأقـــوالنا عن كـــــــل
مايفســــــــــد صفـــــــــــاء هذا الا خــــــــــاء الراقــــي.

^

^

ابن العــــــــــم ذيـــــــــــاب ثـــق انّــــي ماضـــــــــــــاق صـــدري ولا حاجـــه
ولكــــن ارى التوقـــف عن الاستمــــــــرار هــــــو الافضـــــــــــل بالنسبــــه لي
و الحمــــــــاس اللي تطلبـــه المحــــــاوره يجب ان يكـــــــــون بعيــــد كل البعــــد عن بعض الالفــــــاظ المحـــــــــــاوره ليســــــت ملكي ولاملكك بل ملــــك كل المتـــــــــــابعيــــن ويجــــــب ان نحتـــرم
ذائقتــــــــــــهم الراقيــــــــــــــــه . خلاصـــــــة القـــــــــــول
انـــــا اتأسف واعتذر لـــك وللجميــــع عن كل
هفـــــــــــوه بدرت منـــــــــــي والمســــــــامح كريــــــــم :)
ولد عوجان الجذع
24-Oct-2005, 09:58 PM
هذا
ما تعودناه
منكم
يا ربعنا

لا صارت الزلة الكل
يعتـــــــــذر

ولا حد يكابر على خطاه وتاخذه
العزة بالإثم


تحــــــــــــــــياتي
ذياب
24-Oct-2005, 10:07 PM
أخوي اللطام تظل عزيز وغالي وأنا ماشوف في ردودك (((((الشعريه))))) اي خطا
علي اللهم انك مزحت على أخوك ومزح عليك واذا نبي نزعل من الشعر كبيناه
بس اشوف اخوانا حطوا قظيه من لا قظيه والعذر اشد العذر منك ومن اخواننا جميعهم















اللطام ما تبينا نلعب طاروق خفيف

هههههههههههههه

اخوك ذيــــــــــــــــــاب
مرزوق حمدان العتيبي
25-Oct-2005, 09:17 PM
...
..
.
وانا اقول الله لايهينكم ...
فسعادتكم وراحتكم ..
جزء لاتجزاء من سعادتنا وراحتنا ..
دام عز كم في كل الاوقات..
اخوكم .....
الايداء1
26-Oct-2005, 01:26 AM
,

اللطام

وذياب بني عم

ولا يمكن أن يغير صفو محبتهم طاروق

ولاكن يجب أن تكون المحاوره بعيده عن مايثير الخلاف بين الشاعرين

خاصه إذا كانو بني عم مثل اللطام وذياب .

أسلوب أعتذاركم الراقي من البعض زاد من أحترامكم ولم ينقص منه وهذا دليل على طيب معدن الرجال

تحية أجلال مني لكم ومحبه ونحن بأنتظار أبداعكم المتواصل .

أخوكـــــــــــم / أبو تركـــــــــــــــــــي