إن قربت شمس النهار

[القطامي]

بسم الله الرحمن الرحيم
قصيدة غزلية أرجوا أن تنال استحسانكم .


إن قربت شمس النهارا تهف من يم المغيب= بدت هجوس الفكر في رأسي تعد أرقامها
تهافتت يمي تقول ان مالها غيري طليب=أرست بواخرها وبنت فالضمير خيامها
ثم جاوبتهاجراحي اللي مالقيتلها طبيب= وشلون تبرا والبلا متغلغل ٍ بعظامها
واليارفعت الصوت صوتي ما يحصله مجي= كلٍ تخلى واعتذر ما منهم اللي هامها
ثم ضاقت بعين المعذب جملة الكون الرحيب= وماتت بنفسه كل أمانيه وجميع أحلامها
في ذمتي إن الشجاعة فيني أعظم من كليب= لكنها دنياي حدتني بظلـــم أحكامها
حكم علي َ الوقت يا الله لا ترد يلي نصيب=كل الظروف القاسية شدت عليَ حزامها
أعيش في جملة بشر لكن أحس اني غريب=من يوم ذيك المهرة الصفراء فقدت اخطامها
وارقى على قمة جبل وامرار أهيم مع الشعيب=ماعدت أميز بين صافي جوها واعتامهــا
كثر العذاب بسبته سبق لراسي بالمشيب=نفسٍ طواها الهم ياربي تخف آلامهــا
ان سلهمت بعيونها فيني تخليني صويب=مقدر أقاسي جورها مقدر أصد سهامها
صوابها فيني قوي من بعد والا من قريب=أصير مثل الصورة اللي مابقى الا حطامها
لا تحسبون ان الهوى طعمه حلو مثل الحليب= ترى الهوى يذ ل نفس اللي يحب اكرامها
والناس قالو انشد مجرب ولا تنشد طبيب=وأنا ثمان سنين نفسي لم تزل بهيامهــا

[ابن مشيب]

قصيدة رائعة , وصح السان قايلها , وياليت تقول لنا من هو صاحب القصيدة الاصلي , والله لايهينك يالقطامي ...


ملاحطة:

عذراً على إعادة تنسيق القصيدة , لانها بالتنسق السابق لم تظهر القصيدة , فقمت واعدت تنسيقها كي تظهر للقارئ.




تحياتي

[القطامي]

شكراً على الخدمة الجلة التي قدمتها لي فعن ارسالي للقصيدة لم تظهر في المرة الاولى مما اضطرني إلى ارسالها مرة أخرى فأنا جديد العهد بالمنتدى المهم اني واحد من القبيلة وسوف يكون بيني وبينك ابن مشيب اتصال وتعارف إن شاء الله لتقديم الأفضل لهذا المنتدى الذي يخدم القبيلة وجزاء الله القائمين عليه خير الجزاء .

وشكراً مرة أخرى

[ابـن نـعـيـس]

صح لسانك ولسان الشاعر والله يعطيك العافيه



تحيااااااااااتي

[((الدلبحي))]

صح السانك والسان صاحب القصيده


تحيااااااااااااااااااااااااااااتي[/b]