يا راكب اللي وردوه الامارات ...... ( والله كلام )

[ابـن نـعـيـس]

السلام عليكم ورحمة الله وبركاته

الشاعر للاسف ما عرفه


يا راكب اللـي وردوه الإمـارات
من مصنع التايوت فـوق السفينـة
عليه من ديـوان زايـد علامـات
لدق سلفه ضـاع حـس المكينـة
مثل الامام اليـا ابتـداء بالتحيـات
مومن ويقراء باالهـداء والسكينـة
دقات ماطـوره مخافـت عفيفـات
بنات حصن وعند حصناً حصينـة
متخيره راعية من عشـر صفـات
آخـر موديـلٍ للطلـب جايبينـة
حافه وشغل صاحب الصنف بالذات
داس الأبنص وقـام يقـرا قرينـة
صوت المراوح لنتهض تقل غشنات
ديـمٍ دقـاق وفيـة للـودق عينـة
أوراق جمرك صدروه الجـوازات
من مركز البطحاء رقـم لوحتينـة
تصميم لاندكـروز للجيـب لـذات
حوضاً خليجـي والمزايـا ثمينـة
عبّارة الصحراء بريد الصعيبـات
توضع على متنه شمـال ويمينـة
وليا عطاله عثعثـاٍ درب هافـات
يذكـر علـي الهـاف ياعارفينـة
يشرب غزير الماي ويجيه سكرات
يسكر لياشاف الوعـر قـدم عينـة
عن مفرعه تنباج راس الطويـلات
مثل سحاب ٍتبلـج الشمـس بينـة
بالبر له نظـره وميـزه وفـزات
وان جاء البلد شيـخٍ دخلـه مدينـة
يازين سجاتـه وللنفـس شرهـات
ولمعة قزازة بيـن عذفـاء ولينـة
ابيه ليا ضاقـت علـي الوسيعـات
باب الفضـاء مفتـوح لمخاطبينـة
منوت عيـالٍ ينطحـون المهمـات
أهل الوفـاء والطيـب متوارثينـة
ناخذ لنا مع خايـع البـر سجـات
والرزق عند اللـي حبالـه متينـة


وسلامتكم

[ذيب دمخ]

منوت عيـالٍ ينطحـون المهمـات*** أهل الوفـاء والطيـب متوارثينـة

بيض الله وجهك اخوي ابن النعيس وقصيدة جميلة وماقول ( الاّ كنا على اظهره ) ومشكوووووووور

[ابـن نـعـيـس]

ذيب دمخ


الله يبيض وجهك ويسلمك


ومشكووور على مرووورك الكريم


تحياااااااتي

[غشام نجد]

ابن نعيس سمعت انها لبندر ابن اسرور
والله واعلم


تسلم يمينك على هذا الموضوووع


وبيض الله وجهك

تحيااااااااااااتي

[فهد العصيمي]

إبن نعيس

صح لسانك ولسان شاعرها

ولاهنت على هالرائعه

[ابـن نـعـيـس]

غشام نجد


والله ماعلم لكن صح بدنك والله يسلمك


ومشكوور على مرووورك الكريم

تحياااااااااتي

[ابـن نـعـيـس]

فهد العصيمي


صح بدنك والله يعافيك


ومشكوور على مرووك الكريم


تحيااااااااتي

[فيصل المسعودي]

صح لسانك يالغالي


ولسان قايلها


وتشكر على نقلها


تحياتي

[ابـن نـعـيـس]

فيصل المسعودي



صح بدنك والله يسلمك



ومشكووور على مرووورك الكريم


تحياااااااااااااتي