ابن سهااااااج تعال للمباشر

[ماجد الهذلي]

يا ابن سهاج ابتدى الليل وتعداك = والليل ما عاد تلقى فيه راحه
من جابك لقوم يم القوم وداك = والكف به خمس أصابع وإله راحه

[فيصل المسعودي]

يعين يعنين


الهذيلي صح لسانك


وفي انتظار ابن سهاج


ابن سهاج معاد فيها نوووووم مباشر يالغاااااالي


ماااااار ماعليك انا في صفك والميل على الهذيللللللي


تحياتي

[فراج القرقاح]

ياسلاااااااااااااام ياماجد ... صح لسانك ...
في صفك ... وفي انتظار ابن سهاج ...
والليل الليل ...

|165||165||165||165||165|

[ماجد الهذلي]

فيصل المسعودي دائما ً في المقدمه

حياك الله منور

تحيااااتي

[ماجد الهذلي]

بارك الله فيك يالداهيه

الصف عامر بوجودك والنعم فيك

تحيااااااااتي

[سلوبودان]

سلوبودان يقول

صح لسانك ياماجد كعادتك رائع

وينهو ابن سهاج بليز كوم هير كوكلي

[ماجد الهذلي]

هلا يا سلوبدان حياك

وابن سهاج علمي علمك

يمكن الرجال خرج

تحيااااتي

[ابن سهاج]

فيصل المسعودي

الداهيه

سلوبودان


حياكم الله سواءا في صفي والا صف الهذلي

وانا والله مادريت على الطاروق المباشر الا الان

كنت عند ربع ٍ لي في مكان اخر :)



مرحبا ياماجد واعز من جاء

[ابن سهاج]

يابن سهاج الله يعينك ويحماك=العد غثرب ولايصفي قراحه

اليا تسوكت ياماجد من الراك=لا تحسب انك من اشيوخ السماحه

[ماجد الهذلي]

الله الله


العد صافي وجم العد غطاك = واللي ورد ما نشدنا عن مراحه
خل المساويك لمثالك وشرواك = طيحتك يا شيخ ند القوم طاحه

[ابن سهاج]

ماجد الربع علامهم تورسلوك كل ٍ يصيح علاك من جهه :)

على العموم اخذ وقتك وتراك مخير لو تقضي علاهم

وتعود عليّ :)

[ماجد الهذلي]

والله مدري يا ابن سهاج

بدعت لك يوم تأخرت قلت منت جاي غير اليوم الثاني

ولقيت سلوبدان ورديت عليه

وألا أنت مدري من وين جاااي :) وفيه محاوره مع الداهيه حمد لله إنه أنهاها

[ابن سهاج]

يانجم ياللي سبح في غب الافلاك=وش موقعك في قناوات الملاحه

في عام الالفين والاخبار تدهاك=رواية أهل السنن لبن رواحه

[ماجد الهذلي]

يا سلام يا سلام

أستلم إستلم


لد وتــعــّــين وفرق ذاك عن ذاك = وأنشد عن اللي بدى في كل ساحه
لو رحت وين أنت بعد اليوم نلقاك = جبت الحديث وتعلمت الفصاحه

[مرزوق حمدان العتيبي]

....
..
.
مانقول غار الله يقويكم ..
ابكم حتى الليل ماتمرحونه ...
ادخل على الله هههههه

[ماجد الهذلي]

هلا والله بمرزوق

لا ليل ولا نهار المنتدى كله محاورات

تحيااااتي

[ابن سهاج]

مرحبا يامرزوق يالله انك تحييه ههههههههه

والله اني منول يامرزوق امرح مع الطيور واقوم معها

مار طرحتوني في السهر هههههههه

يامرحبا في الجميع

[ابن سهاج]

ماني بناشد وانا ماقمت لولاك=آكوسر القاف يا لاحيّ لاحه

هذي ترى فرصة ٍ ماهيب تخفاك=يامّا وسام البطل والا وشاحه

:)

[ماجد الهذلي]

يا ابن سهاج انتبه والعلم يخفاك = صدرك لوسع العلوم يصير باحه
إن جيتنا من هنا وإن جيت مناك = كل السوالف تجي يسر ٍ وراحه