قصيدة جزله جزله قرأها (ويهمني مرور كل عضو)

[الامير]

قصيده لشاعر المبدع حمد مخلد قطيم المطيري

وهي موجه لي وزير الدوله محمد ضيف الله شرار

وهي قصيده تستحق ان تسمى (معلقة بن شرار)


قم يا عبيد يا سلايل هل الطيب =ياذخر راسي جعل عمرك يدومي
لنا على الطيب حقوق ومواجيب = والا الردي تقصر عليه العلومي
اخذ الكتاب وكب عنك المناديب=يا شوق من يزهاه دق الوشومي
وحذراك تاقف دون بيت المعازيب= منصاك نجم(ن)ماغطته النجومي
منصاك بيت(ن) ساسه العز والطيب=بيت الاماره والفخر والزعومي
منصاك بيت معرب الجد تعريب = لبن شرار الصيرمي العزومي
ليثن ولد ليثن عريب المناسيب= نسل الزعامه والرجال القرومي
(الناس من دونه نجوم ومشاهيب = واليا بدت شمسه تغيب النجومي)
واخذ التحيه مع سلام وتراحيب =ترحيبتن تملا السل والحزومي
ترحيبتن يصاحبها الفكر ويغيب=يزهابها شيخن قوي العزومي
ورتبله الموضوع بالشرح ترتيب=قله ترى وضعي عليه محسومي
قله (حمد) دارت عليه الدواليب=دكت بقلبه كايدات الهمومي
همن غداله من كبار العواقيب=وغارات بقعا كل يومن ترومي
ما يهتني لا في طعام ومشاريب=بانت عليه امن اليالي ثلومي
بين الرجا والياس والشك والريب=لا طاب مجلاسي ولا طاب نومي
وننصاك ياشوق البني الرعابيب= ما شاقنا فزعت عيال الرخومي
ولنا على شرواه حق ومطاليب =يسعا معي لعل حظه يقومي
له ماقفن يشف القلوب المعاطيب=واسمه يطوح عاليات الرجومي
((واليا قضيت الهرج قله ترى عيب = نرجع وحنا ماقضينا اللزومي))

الامير

[فيصل المسعودي]

((واليا قضيت الهرج قله ترى عيبنرجع وحنا ماقضينـا اللزومـي))


تشكر يالغالي


على النقل الموفق والرائع


وتسلم يدك على نقلها


وصح لسان شاعرها المطيري


لك تحيااااتي

[غشام نجد]

تشكر يالغالي


على النقل الموفق والرائع


وتسلم يدك على نقلها


وصح لسان شاعرها المطيري

[ابـن نـعـيـس]

الامير


صح لسانك ولسان المطيري



تحيااااااااااااااتي

[مرزوق حمدان العتيبي]

...
..
.
صح لسان شاعرها يالامير
وشكرا لك على النقل ..
والقصيده وبكل صراحه طيبه
ولكنها اقل من هالهاله التي اعطيتها بكثير..
بل ااعتبرها عاديه ...
فالشاعر اردف كثيرأ ... في كلمتي النجومي
وكذلك العزومي..
وهذا يعتبر ه الشعراء نقص في مقدرة الشاعر رغم ان القافيه سهله
والابيات محدوده ...
تحياتي

[مشاري الروقي]

صح لسانك ولسان قايلها والقصيده طبيعيَه أشاره ألى قوله أرداف كلمة النجومي والعزومي صحيحه وواضحه لاتقول لي شقر لأن الشقر معروف ولهو محترفينه كما أنه أردف في كلمة الطيب على كل حال محاوله جيده وقصيده تعبر عن مقصدها

[فواز الشيباني]

اخي الامير القصيده لاباس فيها تعتبر اقل من عاديه اشكرك على النقل

[((الدلبحي))]

صح السانك والسان شاعرها

ونعم الرياجيل

تحياااااااااااااااااااااتي

[ضاري]

الاخوة الاعضاء شوي شوي على الرجال وبعدين اخوي محدن منعك من تعليقها بس ياليت تختار المكان المناسب

[ابوخطاف]

عز الله انها قصيده لها مدلولات مار قل من يفهمها مشكور ياخوي على القصيده

[الامير]

يا هلا المسعودي

و ابن نعيس

وغشام نجد

الله لا يهينكم على المرور

وبيض الله وجيهكم

الامير

[الامير]

...
..
.
صح لسان شاعرها يالامير
وشكرا لك على النقل ..
والقصيده وبكل صراحه طيبه
ولكنها اقل من هالهاله التي اعطيتها بكثير..
بل ااعتبرها عاديه ...
فالشاعر اردف كثيرأ ... في كلمتي النجومي
وكذلك العزومي..
وهذا يعتبر ه الشعراء نقص في مقدرة الشاعر رغم ان القافيه سهله
والابيات محدوده ...
تحياتي


يا مرحبا يا مرزوق

1- وحذراك تاقف دون بيت المعازيب=منصاك نجم(ن)ماغطته الغيومي

اخطأت في النقل و((الدليل المعنى واضح))

2-اما انك تقول ان ترديد الكلمه نقص في مقدرة الشاعر هذا
خطأ منك، ولكن نقص في مقدرة الشاعر اذا كانت رديه بين الشاعر صح تصير نقص لعجزه




وانا سمعت لشاعر كبار يردد الكلمه ولو انه نقص في مقدرته ما ردد الكلمه

منها

قصيده للسديري

يقول

ان كان بي عذروب حبي لهل نجد = احبها واحب شمة هواها
الى ان قال
اللى نود القاه يا على ما وجد= الله يلحق كل نفسن هواها

واخرى يقول

يابن زبن ياعمير يوم انت براق= ترى سميك لاح لى منه بارق
الى ان قال
الى ذكرته صار بالقلب دقاق= واذكر جبينه كل ما شفت بارق

وغير السديري مرشد البذال ((شاعر الكويت))

يقول
كوده اليا اونسته بالاضلاع مكنون=يندار فكر القلب للي يحاكيه

الى ان قال
بيحت من خافي الحشا كل مكنون=اعزي لقلبن بيح الحب خافيه

وبندر بن سرور

يقول
دوك السويـك وشغـل الـفـرت يامنـيـر " " افـحـص عــلاه ودخـلـه بالكـراجـي
الى ان قال
ربـع رسـو بـيـن الحذيفـيـن يامنـيـر " " مسلـمـوا لـــدور الـبــاج بـاجــي

وفي نفس القصيده يقول

ثـم قـل لبـو بنـدر تـرا وقتـنـا غـيـر" " تبـدلـت سـحـب المـطـر بالعجـاجـي
الى ان قال
امـا مـن المـشـرق تـثـور المعاصـيـر" " ولا مـن المـغـرب يـهـب العجـاجـي

هذولا اعلام الشعر النبطي يردد الكلمه هل اصبحت نقص في المقدره

غريب نقدك يا مرزوق

3- انت تقول اعتبرها عاديه ((هاذي وجهت نظرك ما اجدلك فيها))

4-اما تقول اقل من الهاله التي اعطيتها بكثير

((هاذي وجهت نظري ..................))



ومشكووووووووور على مرورك


الامير

[الامير]

يا هلا ياروقي

ومشكور على مرورك

الامير

[الامير]

يا هلا الشيباني

وجهت نظرك

ويا مرحبا


الامير

[الامير]

يا هلا الدلبحي

والله يبيض وجهك

ومشكووووور على المرور


الامير

[الامير]

((محدن منعك من تعليقها بس ياليت تختار المكان المناسب ))

ضاري

سكت دهرا ونطق كفرا

الامير

[الامير]

ابو خطاف


يا هلا ومرحبا


ولاهنت على المرور


الامير

[مرزوق حمدان العتيبي]

...
..
قصيدة جزله جزله قرأها (ويهمني مرور كل عضو)
وتستحق ان تكون معلقه.
الاخ الامير ....
القصيده طيبه وانا ذكرت هالشي في بداية مداخلتي ومعناها قيّم....
ولو انك ماطيرتها فالسماء واعطيتها من الثناء فوق ما تستحق
لقلنا قصيده طيبه وصح لسان قايلها ومثلها مثل اي قصيده
لكن كون انها متميزه تميّز يجعلها معلقه او انها اجمل اجمل قصيده غير صحيح ..
وحنا ماذكرنا هالكلام الا من باب الانصاف والبعد عن المجامله ..
نرجع للابيات التي استشهد فيها...

ان كان بي عذروب حبي لهل نجد = احبها واحب شمة هواها(1)
الى ان قال
اللى نود القاه يا على ما وجد= الله يلحق كل نفسن هواها(2)
(1)هنا يقصد الشاعر الهواء (النود)
(2) وهنا يقصد الشاعر هواء النفس (الرغبه ) الشي اللي تحبه
فرق بين المعنييين وهذا مايسمّا الشقر...

....................................

يابن زبن ياعمير يوم انت براق= ترى سميك لاح لى منه بارق ---> يقصد به البريق اللمعان..
الى ان قال
الى ذكرته صار بالقلب دقاق= واذكر جبينه كل ما شفت بارق-------> يقصد به البرق نفسه
وهذا شقر ... والمعنى مختلف...
بعكس الكلمات التي اردفها الشاعر في القصيده القضيه
فهي نفس المضمون و المعنى .. ولايوجد بها شقر
1_سلايل هل الطيب
2- ساسه العز والطيب
---
1- نجم ٍ ماغطته النجومي
2- تغيب النجومي
على شان كذا ..
ليس له عذر بأن يردف حيث ان القصيده بس 19 بيت
وفيصل الرياحي سوى قصيده 1000 بيت
ما اردف ولو بكلمه ...
وكون البذالي اردف
او بندر بن سرور .. مو معناته ان الافضل في حق
الشاعر تكرير ماذهب من البيوت..
على العموم هذي وجهة نظري ...

والقصيده من شاعر مافيها كلام ..
لكن الاعتراض فقط هو على تصنيفك لها...
فقط ... من غير بخس في حقها...



اسجل حترامي الشديد
لك ولصاحب القصيده
...

[ابو قلبً عطيب]

الناس من دونه نجوم ومشاهيـب......

واليا بدت شمسه تغيب النجومـي)

صح لسان المطيري وتسلمك يدك على نقلها وعسى الله لايهينك