هيئة الغبيه والضيرين ؟؟ بين ( الشيابين ) و( الدواسر ) .

[منصور بن فهيد]

مساكم الله بالخير جميعا

حدثت هذه الهيئه بين الفهيدات من الشيابين والمساعره من الدواسر في منطقة الهضب جنوب حلبان وهي قريبه من حدود وادي الدواسر وسبب تلك الهيئه هي قيام فخذ المساعره من الدواسر وبدعم من السديري وبعض من افراد الاسره الحاكمه بحراسة ابيار الهضب ومنعها عن الشيابين وذلك بحجة انها كانت لهم قديما مما اضطر إلى نشوب القتال بينهم وتمكن الفهيدات من الانتصار عليهم و قتل وأسر العديد منهم.
ولقد تمكن احد الفهيدات من قتل سبعةاشخاص من الدواسر في جيب واحد وصدر القرار من الملك فيصل رحمه الله بالعفو عنه على اعتبار ان الدواسر هم من قامو بالإعتداء وأما الفهيدات فلم يقتل منهم سوى أثنان.

والغبية والضيرين هما جبلين كانو الدواسر يخبئون قتلاهم فيها ويحتمون بها وهذان الجبلان في نفس منطقة الهضب .







ملاحظات :
هذه القصه لاتحتاج للأدلة لانها قريبه على نهاية حكم الملك فيصل وللمعلوميه من ذكر لي القصه هو احد المشاركين بها .

ذكر اخي ابن مشيب القصه سابقا ولاكن ليست هذه فقصته قريبه على عهد الملك خالد عندما عندما حصل ( الوقف ) لتلك المنطقه .


هذا والله اعلم ......

[فيصل المسعودي]

تشكر يالنويري


ونعم والله بالشيابين


تشكر على ذكر السالفه يالغالي


تحياتي

[قاطع طريق]

صدقت يالنويري

والقصه معروفه

ومن بركاتها قام السديري بتأليف كتابه أبطال من الصحراء

وأراد تهميش الحمده

لأن ابن حميد يوم شاف السديري فازع للدواسر

غضب وقال له:

(أنت وش دخلك في الدواسر أنت (.....) خشمك هالكبر)

وتبنها له الرجال

تحياتي ...

[منصور بن فهيد]

تشكر يالنويري


ونعم والله بالشيابين


تشكر على ذكر السالفه يالغالي


تحياتي


اخي الفاضل / فيصل المسعودي

ماعليك زود

ويعطيك الف عافيه على الحضور والمتابعه .

تحياتي

[منصور بن فهيد]

صدقت يالنويري

والقصه معروفه

ومن بركاتها قام السديري بتأليف كتابه أبطال من الصحراء

وأراد تهميش الحمده

لأن ابن حميد يوم شاف السديري فازع للدواسر

غضب وقال له:

(أنت وش دخلك في الدواسر أنت (.....) خشمك هالكبر)

وتبنها له الرجال

تحياتي ...

اخي الكريم / المنتقم

القصه اللي ذكرتها انا اول مره اسمع فيها هي يمكن حصلت بس يمكن تقصد مادار بين ابن حميد وبين السديري في مجلس الامير / سلمان عندما اتى ابن حميد وقام الامير سلمان ورحب فيه مرددا ياهلا بالأمير فقال السديري وين جته الاماره عندها قال ابن حميد :

( الأماره جتني عن طريق جداني ولا انت الاماره جتك عن طريق ؟؟؟؟؟؟؟)

عندها عاتب الامير سلمان ابن حميد على كلامه فزعل ابن حميد وسافر للكويت .

هذه القصه المعروفه اما انها حدثت بسبب تلك الهيئه فلا علم لي فيها .

ويعطيك الف عافيه على المرور والتعليق .

تقبل تحياتي

[(العــ{شــ}ــم)]

تسلم لي يا النويري
على التوضيح للقصة

[عتيبي نجد]

احسنت يالنويري وتسلم يمينك على ماتقدمت به من جهد ولكن لدي اضافه بسيطه ان هناك بعض من الحفارى قد حضر في هذا اليوم ومنهم جعمل ابن ضاوي الحفري وحامد ابن جداع الحفري وفهد ابن نغيمش الحفري وعايش ابن جعمل الحفري هذا مايحضرني الان وشكرا لك مره ثانيه يالنويري والله يعطيك العافيه

[منصور بن فهيد]

تسلم لي يا النويري
على التوضيح للقصة

اخي الكريم / العشم

الله يسلمك من كل شر

ويعطيك الف عافيه على الحضور والتعليق

تحياتي

[منصور بن فهيد]

احسنت يالنويري وتسلم يمينك على ماتقدمت به من جهد ولكن لدي اضافه بسيطه ان هناك بعض من الحفارى قد حضر في هذا اليوم ومنهم جعمل ابن ضاوي الحفري وحامد ابن جداع الحفري وفهد ابن نغيمش الحفري وعايش ابن جعمل الحفري هذا مايحضرني الان وشكرا لك مره ثانيه يالنويري والله يعطيك العافيه

اخي العزيز / عتيبي نجد

ونعم بمن ذكرت

ويعطيك الف عافيه على الحضور والتعليق

تحياتي

[النمر الروقي]

بسم الله الرحمن الرحيم

صدقت فيما ذكرت يا النويري

والقصه مشهوره ومعروفه

بس حبيت اضيف بشكل اوضح ان السدارى هم اللي كانوا يحرضون الدواسر على الشيابين .

والسدارى اشتهروا باذكاء الفتن والدسائس ولا يتورعون عن الافتراء على الآخرين .... الخ الخ . وشايفين حالهم بس هم الامراء مع ان كثيرين غيرهم احق بهذا اللقب منهم . والا ابن حميد فهو امير ابن امير وما هو السدارى اللي يقررون من هو الامير .


النمر الروقي

[منصور بن فهيد]

حياك الله اخوي النمر

والسدارى معروفين جذورهم تنتمي للدواسر

والسديري سابق الذكر حاول بشتى الطرق اخفاء قتلى الدواسر عندما وضعهم في خيام اعدت لهذا الغرض لكي يبعدهم عن العيان وهذه حيلة المهزوم دائما ولاكن محاولاته لم تفلح فألاد مشيب استطاعو الوصول لتك الخيام وكشف مابداخلها .

فسبحان اللذي يمهل ولايهمل

ويعطيك الف عافيه على الحضور والتعليق

تحياتي

[خيّال الرحمن]

ونعم بالشيابين

ونعم بالدواسر

الاخ النويري هل قيل في هذه الحادثه (قصائد)

اتمنى تزويدنا بها .

[منصور بن فهيد]

ونعم بالشيابين

ونعم بالدواسر

الاخ النويري هل قيل في هذه الحادثه (قصائد)

اتمنى تزويدنا بها .

اخي / خيال

حياك الله

بالنسبه للقصائد لم يرد لي حتى الان قصائد موثوقه تخص هذه الهيئه ولعل احد اسباب عدم توفر القصائد في تلك المعركه هي قربها فهي وقعت على حكم اللملك فيصل رحمه الله .

ويعطيك الف عافيه على الحضور والمشاركه

تحياتي

[الايداء1]

الأخ النويري

تشكر على هذا الموضوع ونعم والله بالآد مشيب

وأخذو حقهم وزود ..

ولكن هناك محاوره حصلت بين محمد الأحمد السديري والشاعر مطلق الثبيتي

هل لها علاقه في هذا الموضوع ..


يقول السديري .

الثبيتي ضعيف مادرى عن طعنا= مادرى أن السدارى يوردون الحديد

قال مطلق .
ماكسبنا الفخر من جادلٍ عند أهلنا = والسدارى دواسر والدواسر ؟؟؟

[خيّال الرحمن]

شكر اخي النويري


يا اخوان السدارى ونعم فيهم فيهم حقهم من الطيب

ولا ينبغي ان نتهجم عليهم بهذه الطريقه

[منصور بن فهيد]

الأخ النويري

تشكر على هذا الموضوع ونعم والله بالآد مشيب

وأخذو حقهم وزود ..

ولكن هناك محاوره حصلت بين محمد الأحمد السديري والشاعر مطلق الثبيتي

هل لها علاقه في هذا الموضوع ..


يقول السديري .

الثبيتي ضعيف مادرى عن طعنا= مادرى أن السدارى يوردون الحديد
قال مطلق .
ماكسبنا الفخر من جادلٍ عند أهلنا = والسدارى دواسر والدواسر ؟؟؟

حياك الله اخوي الايداء

ماعليك زود

وبالنسبه لإستفسارك فأنا باعتقادي الشخصي ليس لها اي طرف بالموضوع لأمرين :

الامر الأول : ماورد في البيت اللذي يخص السديري لايعطي دلالة واضحه على انه يقصد ماجرى في الهيئه لان السدارى لم يكونوا احد اطراف النزاع وانما شخص بعينه قام بتمويل قبيلة المساعره بالاسلحه .

الامر الثاني : ماورد في البيت اللذي يخص مطلق الثبيتي وبالتحديد الشطر الاول معناه واضح فهو يقصد امارة السديري والامر ايضا لايتعلق بتلك الهيئه .

ويعطيك الف عافيه على الحضور والمتابعه

تحياتي

[منصور بن فهيد]

شكر اخي النويري


يا اخوان السدارى ونعم فيهم فيهم حقهم من الطيب

ولا ينبغي ان نتهجم عليهم بهذه الطريقه

اخوي / خيال

حياك الله مره ثانيه

وكلامك عين العقل والسدارى ونعم فيهم بس هذا مايمنعنا من ذكر الحقائق التي تتعلق بهم وفي نفس الوقت هي ايضا تتعلق بنا فالتاريخ لايقبل بإنصاف الحلول .

يعطيك العافيه مره اخرى على الحضور والتعليق والمتابعه

تحياتي

[غشام نجد]

تشكر يالنويري


ونعم والله بالشيابين


تشكر على ذكر السالفه يالغالي


تحياتي

[خيّال الرحمن]

أشكرك يالنويري


لكن وانا اخوك التاريخ , لاينظر اليه من طرف واحد

يجب ان تنظر ايضا في رواية الطرف الاخر (الدواسر), وتقارنها مع

رواية عتيبه ,,والتاريخ بين الروايتين ,هو الاقرب للصواب

ثم ان القصه قريبة العهد وكثير من الاحياء عايشها ويروي تفاصيلها

بدقّه


والحمد لله على نعمة الامن والامان


ثم بالنسبه لاابار الهضب (الغبيا والضيرين ) اصبحت لمن الان ,,والا صارت منطقه

محايده ..منزوعة السلاح

وهذا يدل على عدل الحكومه الرشيده في حل المنازعات بين القبائل

[منصور بن فهيد]

تشكر يالنويري


ونعم والله بالشيابين


تشكر على ذكر السالفه يالغالي


تحياتي

اخوي / غشام

حياك الله وماعليك زود يالغالي

ويعطيك الف عافيه على الحضور والمتابعه

تحياتي

[منصور بن فهيد]

أشكرك يالنويري


لكن وانا اخوك التاريخ , لاينظر اليه من طرف واحد

يجب ان تنظر ايضا في رواية الطرف الاخر (الدواسر), وتقارنها مع

رواية عتيبه ,,والتاريخ بين الروايتين ,هو الاقرب للصواب

ثم ان القصه قريبة العهد وكثير من الاحياء عايشها ويروي تفاصيلها

بدقّه


والحمد لله على نعمة الامن والامان


ثم بالنسبه لاابار الهضب (الغبيا والضيرين ) اصبحت لمن الان ,,والا صارت منطقه

محايده ..منزوعة السلاح

وهذا يدل على عدل الحكومه الرشيده في حل المنازعات بين القبائل

اخوي / خيال

حياك الله مره اخرى

وشاكرلك على مداخلتك المميزه

اخي الفاضل لطالما أنت تكتب عن معركه او قصيدة فكن على يقين بإنك ستجد من يعارضك على موضوعك بسبب او بدون سبب ومن ثم سيتشعب الموضوع ويتوسع إلى ان يصل إلى درجة يفتقر فيها طرفي الحوار إلى الاسلوب الراقي كما حصل سابقا في موضوع ام الجواعر !!

فأنا ارحب بأي شخص من قبيلة الدواسر العزيزه لديه من الادله والبراهين مايثبت خلاف قولي !! ماعدا ذلك فلست مضطرا للرد عليه .

وقبيلة الدواسر الف ونعم فيهم لهم صولات وجولات وموضوعي لن يقلل من شأن تلك القبيلة .

للمعلوميه :
بالنسبه للهضب فهي لاتزال احد مناطق قبيلة الشيابين المهمه ومدة الوقف حصلت عند سفر الملك فيصل رحمه الله وحين عودته امر جلالته بفك الوقف وإعطائها للشيابين ولايزال هناك العديد من الشيابين يقطنون تلك المنطقه .

تحياتي

[suoltan]

ونعم بالاد مشيب



وبارك الله فيك اخي النويري

[عكاش]

يالنويري اكيد الهيات على الغبيه والضيرين واجد وانت ذكرت وحده منها

لكن المشهورة منها هي الاخيرة والي شهرها كلمة سلطان بن جهجاه بن حميد للسديري قدام الامراء بنيخيه يوم قال ( وابك انا امارتي امارة ابو عن جد ,,,, ولا انت امارتك امارة .... جايتك من ..... الحريم )


ولو تنشد اي واحد عن كلمة سلطان بن جهجاه للسديري قادم بنيخيه الامراء قام يضحك وعلمك بكلامه سلطان للسديري

وهالهيئة مات فيها ابن جهز الشيباني وابن عرنان المخيرمي من الدواسر

وفيه قصيدة لشيباني اسمه عايض خليفي يرد على واحد من الدواسر منكر فيها الحقايق
والله مانيب حافظ منها غير بيوت قليلة يقول

غواكم الشيطان يالدوسراني.......وجموعكم من كل جنسن ودارا

يقصد انكم مختلطين بين عبيد وبيضان

لين قال

عينت ابن عرنان يالهلقماني......يبكنه الخفرات ليل ونهارا
ذاق المنية من طول اليماني......الاد شيبان الفهود الحرار

وهي طويلة مار والله ماحفظ منها غير هالبيوت وان شاء الله متى مالقيتها نزلتها

[ابورجب]

الظيرين منطقة في حدود الدواسر الشمالية عند هضب آل زايد ، ويوجد بها عدة ابار وهي لقبيلة المخاريم الدواسر .

وفي احد السنين ورد الشيابين على احدى الابار ورفضوا تسليمه ، وكانت قد اغرتهم كثرتهم ، فاندلع نزاع مسلح بين المخاريم والشيابين .

وقام ابن ربيعان امير روق من عتيبه بارسال خمسين جمس كل جمس فيه ثلاثة رياجيل فزعه للشيابين ، فلمّا علم الأمير خالد بن أحمد السديري (رحمه الله )امير نجران انذاك، قام بتزويد المخاريم بالسلاح الذين كانوا قلة بنسبة للعتبان.

ودارت معركة استمرت يوما كامل وانتهت بهزيمة الشيابين ومن معهم وقتل واحد منهم والكثير من الجرحى لدرجة ان الاطباء بمستشفى بيشة العام تفاجئوا بكثرة الجرحى الذين اتوا منهم.

يقول الشاعر بخيتان بن ظافي بن مترك المخاريم


يوم ٍ على الظيرين مفطومه يشيـب=
من الصبح لين العصر حل وجابهـا
يوم المشوّك تصطلى نهاره لهيـب=
اللـي حضـر منـا كفـا غيّابهـا
(لاد المنيعي) هم عمى عين الحريب=
معهـم بلاجيـك ٍ تغـرّى رقابهـا
تغرّيه مـن دم المعـادي والطليـب=
ومن دمّهم يخضب عليها خضابهـا
الهضب والله من على وقت النهيب=
تهابها الأصحـاب هـي واجنابهـا
ياهيتيـن بينهـن وقـت ٍ قريـب=
سبـوع اللـي عارفيـن حسابهـا
فعل ٍ غريب وجاء بعد علم ٍ عجيب=
حيّـا العلـوم الطيّبـه حيّـا بهـا







وهذه قصيدة للشاعر محمد بن عبيد المخاريم :






ياسـلام الله كـل ماهبـت هـبـوب=
يارجال فـي اللقـا تحتمـي حدّانهـا
يوم ابن (وتن) يقطع على شلقة جيوب=
لابتي بلاً اربعـة ميـر ربـي عانهـا
لاد المنيعـي موطـيـة الصـعـوب=
تحتسي حسو النواميس فـي ميدانهـا
ان وزاهم مجرم لازم غصب(ن) يتوب=
يرجع لربـه ويعتـاذ مـن شيطانهـا
السبيعي طرد لين انقلع فاقصى الجنوب=
وذي عتيبـه للدكاتـر تشيـل اكوانهـا






لاد المنيعي: المخاريم
ابن وتن: من الشيابين







قصيدة عبدالله ابن محمد ابن حزيم الرجبان((االدندان))






راكب اللي ما بعد دوروا فيهـا الحليـب=
لاحـت اللعـاب ترمـح سمـارة ظلهـا
نصها اللي يفرقون الحبيب من الحبيـب=
لابـة لطـم المعاديـن عـادات لـهـا
دارهم من عصر بدران لا الجد القريـب=
دونها صلف أملح الـدرج مـازون لهـا
مشت الهضب المسمى عوى له كل ذيب=
مخلبك ياللـي تبـي منـه حيـد خلهـا
لاعوى ذيب من الهضب لج ألفين ذيـب=
كلبوهـا هضبهـا ورث جــدان لـهـا
كحلها البارود والصلف والراي الصليـب=
والسلال الخضـر يانافـدا مـن شلهـا
نـوم عينـي فعلكـم ياموطـة الحريـب=
يارجال الحـرب ياهـل المراجـل كلهـا
إلبسوا ثوب النقاء لا ارتفع صوت النديب=
والحبال اللـي عقـد روسهـا بيحلهـا
لين يسع بالمحط الشريب مـن الشريـب=
كون بالحسنـى فـلا الله بقطـاع لهـا




وبعدين ردي على اللي يذم السدارى السدارى امراء ترثة امراء
من قبل يناسبهم ابن سعود
والعارفه يعرف

والسود اخوانا اصحاب البشره السوداء عندكم وعندنا خير

وياكثرهم عند الامراء وان دل هذا فيدل ان الدواسر امراء وشيوخ

بدون اقصور فيكم ياعتيبه

تحياتي لكم--

[منصور بن فهيد]

ونعم بالاد مشيب



وبارك الله فيك اخي النويري

حياك الله اخوي سلطان

وماعليك زود

ويعطيك الف عافيه على الحضور والمتابعه

تحياتي

[منصور بن فهيد]

يالنويري اكيد الهيات على الغبيه والضيرين واجد وانت ذكرت وحده منها

لكن المشهورة منها هي الاخيرة والي شهرها كلمة سلطان بن جهجاه بن حميد للسديري قدام الامراء بنيخيه يوم قال ( وابك انا امارتي امارة ابو عن جد ,,,, ولا انت امارتك امارة .... جايتك من ..... الحريم )


ولو تنشد اي واحد عن كلمة سلطان بن جهجاه للسديري قادم بنيخيه الامراء قام يضحك وعلمك بكلامه سلطان للسديري

وهالهيئة مات فيها ابن جهز الشيباني وابن عرنان المخيرمي من الدواسر

وفيه قصيدة لشيباني اسمه عايض خليفي يرد على واحد من الدواسر منكر فيها الحقايق
والله مانيب حافظ منها غير بيوت قليلة يقول

غواكم الشيطان يالدوسراني.......وجموعكم من كل جنسن ودارا

يقصد انكم مختلطين بين عبيد وبيضان

لين قال

عينت ابن عرنان يالهلقماني......يبكنه الخفرات ليل ونهارا
ذاق المنية من طول اليماني......الاد شيبان الفهود الحرار

وهي طويلة مار والله ماحفظ منها غير هالبيوت وان شاء الله متى مالقيتها نزلتها

اخوي عكاش حياك الله

وبيض الله وجهك

بالنسبه لما ذكرت عين الصواب وهي الهيئه الثانيه وهي على حكم الملك خالد لان هناك هيئتين الاولى وقعت على حكم الملك فيصل وانتصر بها الشيابين وهي الهيئة التي ذكرتها انا في سياق الموضوع !!

والهيئة الثانيه وهي التي وقعت في حكم الملك خالد وانتصر بها الشيابين ايضا وقتل فيها ابن عرنان من الدواسر وكذلك قتل ابن زهيميل الفهيدي وليس ابن جهز الشيباني من طرف الشيابين !!

يعطيك الف عافيه ياعكاش على ماذكرت واتمنى ان لاتبخل علينا من القصائد ومن الاحداث الموثقه والتي تختص بهيئة الغبية والضيرين الاولى لانها تعتبر انتصارا قويا للشيابين ولعتيبه على حد سواء .

تحياتي

[منصور بن فهيد]

اخوي ابن رجب

حياك الله

ومالك لوى فيما ذكرت فأبن ربيعان لم يشارك في هذه الهيئه ولا اي طرف اخر في عتيبه شارك بهذه الهيئه وبالنسبه للسديري اللي ذكرت فهو الشاعر محمد بن احمد السديري وليس خالد السديري ولقد قام محمد السديري ومن معه من ........... بتمويل الدواسر بالاسلحه وبالسيارات الجيوب في الهيئتين الاولى والثانيه وفي الهيئه الاولى بالتحديد عندما سافر الملك فيصل للخارج قامت تلك الهيئه وانتصروا الشيابين وقامو بإجلاء الدواسر عن تلك المنطقه فما كان من السديري والدواسر الا ان استعانوا بإحدى بنات الملك فيصل لكي تقوم بوقف المنطقه وجعلها مناصفة بين الشيابين والدواسر وبالفعل تم ذلك ولما عاد جلالة الملك فيصل من سفره علم بما حدث فقال ( إلى اين وصل الشيابين في قتالهم فقالو لحدود وادي الدواسر فقال رحمه الله إذا فهي لهم ) وحصلت الهيئه الاولى بالتحديد في عام 1392 ه ثم بعد ذلك قامت هيئة الغبية والضيرين الثانيه بقيادة السديري ايضا بعد شهر من تولي جلالة الملك خالد الحكم وهزموا فيها ايضا .

اخي الكريم ابن رجب لقد اعترفتم بهزيمتكم في الهيئه الاولى والدليل على ذلك انكارها وعدم التطرق لها فلماذا لا تعترفون بهزيمتكم ايضا في الهيئه الثانيه فالأخ عكاش ماقصر ذكر مافيه الكفايه وجميع القبائل وبما فيها بعض من فخوذ الدواسر اعترفوا بالهزيمه .

ملاحظه :
من ذكر القصه لي هو احد المشاركين في الهيئتين الاولى والثانيه !!

ونعم بالدواسر بيضهم وسودهم
بس لاتنسى اخي الفاضل ان عتيبه سلاطين نجد !!

وللحديث بقيه ،،،،،،،،،

تحياتي

[عكاش]

لاهنت يالنويري وبيض الله وجهك

ويالدوسري مهيب اول مرة تغالط فالحقايق قبلها كون دلقان قلبتها لصالحك وانت مستيسر ومهزوم فيها
مهوب معجزك قلب غيرها من السوالف

وهذي مثلها مثل معركة الجزلى بين الدواسر والقحاطين والي سواء فيها الدندان قصايد انهم منتصرين وفالحقيقة عكس ماقاله الدندان ورد عليه الشاعر محمد بن جروان القحطاني وبين للناس كيف قلب الحقيقة من هزيمة لنصر
هذي مثلها


وتبي تبرر هزيمتك بمشاركة الروقة قال ويش خمسين جمس في كل جمس ثلاثة رياجيل مشاء الله تعرف عدد الروقة وعدد ربعك ماتعرفهم ولاتعرف كم معهم من سيارة صحيح ان الكلام يدل على شخصيت الرجال

وبعدين قلي كيف تنتصرون وانتم منحاشين وتاركين البير الي تبونها وراء منزلتوا فوقها يوم انتصرتوا

ثم السديري ماسبيناه هذي الي صار في مجلس ال سعود وكل الناس تعرفهم مهوب سر

[ابن هوازن]

ونعم بالدواسر ونعم بالشيابين


أتمنى أن يسود النقاش العقلاني بعيداً عن أي منقصه



وأن تحترموا الموتى ولا تذكروهم إلا بخير



هامش :


هذه ليست معارك ولا أكوان بل الحقيقه هي نزاع مسلح



كمنازعات الحدود بين الدول



وأعود وأقول أتمنى أن يسود الود والإحترام في النهاية





شكراً

[العكام]

لاهنت والله يالنويري وذكرت الهية الاولى وعكاش ذكر الثانية

وماشاء الله على الدوسري سوالفه وقصيدة من كيسه الخاص يقلب الحقايق عيني عينك مثل ماقلبها في دلقان وقولهم ان صلال بن شبنان بن حميد مات في معركة معهم وهو ميت بالجدري في حايل ومثبتته الكتب
بس مايلقون من القصص غير التوليف من كيسهم الخاص اذا كانت حقيقية وعليهم قلبوها لهم ولا سوو وحدة جديدة ماصارت من قبل وسوو عليها بيتين من كيسهم الخاص

يقول محمد بن سالم العلياني القحطاني للدوسري مزيف على القحاطين


دايم تزعزع زايد بالفاضي=ولاتحسب المدح لعب قمار
المدح يادجال سيف ومنسف=وعزم لاعسمت لشوار

سبب هالهية هو اعتماد الدواسر على ابن عمهم السديري واسطتهم عند بنيخيه وجو يبون البير ورجعو بخفي حنين
وهذي هي النتيجة جو يبون مطلوب ولاحصلوه يعني هزيمة

وابورجب هنيا حاط له انتصار باللسان وتنطبق عليه بيوت ابن جروان

والدواسر وهقتهم الوسايط مع الشيابين ومع القحاطين ويرجعون بخفي حنين يقول محمد بن جروان العلياني القحطاني

في هجوم للدواسر على القحاطين وفشل داعمه السديري واسطتهم ولاحصلوا منه شي


قبل سبعينن تعاوت على حدانا= والدواسر ماتعدو على بعض الحدود
ماخبلك يالي تبي مارثة جدانا=ماتجيلك بالوسايط وتزييف الشهود

وهي طويلة بس ذكرت منها الشاهد في وسايط الدواسر


والدوسري كريم بالسانه حاط فيها روقة وعددهم وجموسهم بعد مابقى غير يعد اسماهم واحد واحد
لا وجراحى ومستشفيات واكيد نها في ربعه وقلبها على الشيابين والروقة معهم مثل قلبتهم لدلقان بدل مهمب مهزومين ومستيسرين صارو فايزين واخذين البل بعد
هههههههههههههههههههههههههههههه


الله يبيض وجهك ياعكاش على ذكر السالفة الصحيحة وذكرك للحقايق منا ومنهم

كلمة سلطان بن جهجاه بن حميد للسديري قدام الامراء بنيخيه يوم قال ( وابك انا امارتي امارة ابو عن جد ,,,, ولا انت امارتك امارة .... جايتك من ..... الحريم )

عزالله ان هالكلام الي قاله الشيخ سلطان رحمه الله للسديري تعرفه الناس كلها

وصح اللسان عايض الشيباني

غواكم الشيطان يالدوسراني=وجموعكم من كل جنسن ودارا
عينت ابن عرنان يالهلقماني=يبكنه الخفرات ليل ونهارا
ذاق المنية من طول اليماني=الاد شيبان الفهود الحرارا

لاهنتوا والله

[منصور بن فهيد]

الاخوه الافاضل

عكاش و العكام

بيض الله وجيهكم كفيتو ووفيتو

والحقيقه كان لي جوله امس على منتدى قبيلة الدواسر ووجدت العجب العجاب ثلاثة اكوان مع قبيلة الشيابين تتحول إلى انتصار للدواسر ماهذا التزييف !!
===
بلإضافة إلى تحريف اخر وهو مقتل جهز بن هذال دلقان على يد احد فرسان الدواسر والفارس نفسه اللذي قتل جهز كما يدعون هو بنفسه من عقر ثلاثة خيول لهذال بن فهيد وقال لهذال ( لولا شحي عليك ولا خليتك تلحق ولدك ) يعني راحمه على قولتهم !! هذال بن فهيد الفارس اللذي عجز فيه ابن رشيد والفارس الملقب بالمجنون اللذي تهابه الفرسان من قبائل قويه يقع تحت رحمة احد فرسان الدواسر !! ماهذه السخافه !! اهذا جزاء الاحسان عندما اجار الشيخ هذال فرسانكم اللذين اسرهم واكرمهم !! وقصه اخرى فحواها بأن احد فرسان الدواسر قام برفع الفارس ضيف الله العفار من على جواده ووضعه في حضنه هههههههه اخاف الزير سالم رجع يارياجيل !!
===
اخواني الدواسر انتم لم تضيفوا لمنتداكم اي شئ يذكر سواء بطولات او غيرها من الامور التاريخيه والدليل على ذلك ذكركم قصة طرد سبيع للشيابين المزيفه كباقي انتصارتكم المزيفه !! فهي حتى لو كانت حقيقه وهذا بالاحلام طبعا !! اقول حتى لو كانت حقيقه فلماذا تضعونها في منتداكم !! اللي يبي يكذب ويزيف يجيب حاجه تخش العقل مايجيب قصص وخزعبلات من نسج الخيال !! بعدين بصراحه انا شفقان عليكم يعني ولا انتصار على عتيبه ولا حتى على قحطان !! بس لو يطاوعوني ربعي الشيابين ونعطيكم هيئة الغبية الضيرين الثانيه هديه !! ( بس هذا بالاحلام ) يعني الاولى والثانيه شطبوا عليها وبلغتنا المحليه اغسلوا ايديكم منها .

تحياتي ،،،،،،

[ابورجب]

اخواني اللي ردوا على الموضوع

كم تمنيت اني اخاطب ناس عقال

ماتخفي الحقايق

ولكن للاسف دام هذي علومك

وتكذيبكم للرجال وتبون النصر لكم

في كل هيه غصب اسمحولي

اصبح الجدال معكم عقيم

لان الرجال ماتغط فعول اخصومها

وانتم زدتوا بنوع من الاستهزاء

عطيناكم العلم تبون تقتنعون والا بصركم

وانا اترفع من بعض الردود لانها ماتستحق

الالتفات لها فشيمتي اللي تربيت عليها تمنعني من ذلك

وفي الحقيقه رد اخوي ابن هوزان هو رد العوارف

فياليتكم تتعلمون منه كيف تخاطبون الرجال

وانا اهديكم هذه الابيات--


دواسر ٍ يردون مفتوق الحديد=يوم المصاول وسعوا حدّانها

لاجاء نذير ٍ ماينوّون الشديد=ضد الحفيف متيهة ذيدانها

سيوف هند حدب ٍ من ماس ٍ وديد=ترهي العشاء لمكسرة جنحانها

مثل البحر لاجاك بالموجه يزيد=خطر ٍ على الديره يهد اركانها

وهذا الكلام اللي جرى علم ٍ وكيد =لا جاء البلا والصدق ربي عانها

لكم هنوف ٍ عقبهم طوت الجديد=جاها الحداد وفارقت خلاّنها

[منصور بن فهيد]

اخواني اللي ردوا على الموضوع

كم تمنيت اني اخاطب ناس عقال

ماتخفي الحقايق

ولكن للاسف دام هذي علومك

وتكذيبكم للرجال وتبون النصر لكم

في كل هيه غصب اسمحولي

اصبح الجدال معكم عقيم

لان الرجال ماتغط فعول اخصومها

وانتم زدتوا بنوع من الاستهزاء

عطيناكم العلم تبون تقتنعون والا بصركم

وانا اترفع من بعض الردود لانها ماتستحق

الالتفات لها فشيمتي اللي تربيت عليها تمنعني من ذلك

وفي الحقيقه رد اخوي ابن هوزان هو رد العوارف

فياليتكم تتعلمون منه كيف تخاطبون الرجال

وانا اهديكم هذه الابيات--


دواسر ٍ يردون مفتوق الحديد=يوم المصاول وسعوا حدّانها

لاجاء نذير ٍ ماينوّون الشديد=ضد الحفيف متيهة ذيدانها

سيوف هند حدب ٍ من ماس ٍ وديد=ترهي العشاء لمكسرة جنحانها

مثل البحر لاجاك بالموجه يزيد=خطر ٍ على الديره يهد اركانها

وهذا الكلام اللي جرى علم ٍ وكيد =لا جاء البلا والصدق ربي عانها

لكم هنوف ٍ عقبهم طوت الجديد=جاها الحداد وفارقت خلاّنها

اخي ابو رجب

حياك الله مرى اخرى

وحقك علينا إذا اخطينا

بس انت لازم تعذرنا يعني ثلاث اكوان يامسلم حرفتوها على الاقل لو وحده قلنا معليش بس ثلاث معارك وكلها مثبته ومدونه !!

واللي قالوه الشباب ماهي إلا طريقه عفويه بسبب مابدر منكم من مغالطات اعتبرها مضحكه مع احترامي الشديد لكم !!

فقبيلة الدواسر والله ونعم فيهم ولا عليهم قصور بس إذا انتم انكرتوا هزايمكم وكذلك السبعان وكذلك البقوم وش تبينا نسوي نجلس في بيوتنا اكيد نبي ندافع !! فلا تستغرب اخي الكريم اي تصرف يصدر من اي شخص وخصوصا من الشيابين !!

اخي الفاضل دعني ارد على نقطه مهمه اوردتها في ردك الاول على الموضوع :

ذكرت بأن هناك شخص ذكر في قصيده لأحد شعار الدواسر يقال له ابن وتي وهذه بداية التزييف فلا يوجد احد في قبيلة الشيابين بل في قبيلة عتيبه بكاملها شخص بهذا الاسم .

اخي الفاضل انت قمت بنسخ ردك الاول على الموضوع من منتدى الدواسر يعني لاتعلم عن هذه القصه هل هي موثوق فيها ام مشكوك فيها فيجب عليك اولا التأكد منها قبل نقلها فربما كانت من تنقيح بعض الشباب فيجب عليك استشارة كبار السن للتأكد منها قبل ان تحاجنا فيها !!

وسامحنا إذا غلطنا عليك

تحياتي

[النمر الروقي]

اخوي ابو رجب

الدواسر ونعم فيهم .. لكن ودي اسألك سوآل عن مخاطب الرجاجيل .

وش رايك بكلام سديريكم اللي يتبجح ويقول عن الامير / سلطان بن جهجاه ابن حميد . من وين جته الاماره ؟؟؟؟؟!!!!!!

الم يظلم حظه كان السدارى عندهم حظ ؟؟!!

وهل هذا من مخاطب الرجاجيل؟؟

واذا كان هذا منطوق امراكم اللي تدافعون عنهم فما بالك بالآخرين .

لكن الله يرحم ابن حميد انه عطاه الجواب الشافي .

[ابن مشيب]

بسم الله الرحمن الرحيم

الاخوة الاعزاء , السلام عليكم ورحمة الله وبركاته..........


اشكر جميع المتداخلين والمتحاورين , واثرائهم لهذا الموضوع الحساس , والذي يمس رموز كبيرة , وكان الفصل فيها بقرار من إمارة الرياض وقول احد ولاة الامر ( رجال برجال والبيار تدفن وتصير حد بين الطرفين )...

وذالك كانية عن عدم طلب القصاص والدية من احد الطرفين , وطمس هذه العدود , والتي نشبت حولها اكثر من وقعة.


وقد طرح هذا الموضوع فالسابق , وقررت حذفه , لتطرقه بعض الرموز , ولكن بما ان الموضوع مطروح في منتدى اخر كما ذكر الاخ النويري مشكور على متابعته , بعكس الحقيقة , لامانع من التطرق له وتوضيح الحقيقة.
اما مشاركة الاخ رجب فهي مقتبسه من رواية بخيتان المخيريمي الدوسري للرحالة الغربي (( للهيئة او النزاع الاخير للغبيا والضيرين )) , والذي استحوذ على الهضب جميعه بلسانه , وقال انهُ للدواسر , في قوله:

الهضب والله من على وقت النهيب=تهابها الأصحاب هـي واجنابهـا

وفي بيته يحلف بالله زور وبهتان , ان الهضب بلاده لااحد يقربه , والجهة الشمالية للشيابين ولهم فيها هجر وموارد مائية , والغربية للسبعان ولهم فيها املاك , والجنوبية لدواسر , ولكنه هنا انكر ذالك , واستحوذ على المنطقة بلسانه , وهو يتمنى ويحلم بملكه القديم , والذي سلب منه ابان كان المسيطر هو ضرب السيوف وطعن الرماح , وليس في عهد الواسطات والرمي بالبنادق من بعيد ومن خلف السواتر الحجرية وغيرها , والشمس لاتغطى بغربال.

وقال بخيتان عن هذا النزاع المسلح ان الدواسر (( انتصرو فيه انتصار غير كامل )) , وبداء يعبر ويستطرد في خياله امام هذا الرحالة الغربي , بقوله كثرة مصابين ومستشفيات , ولوكان مايقوله صحيح , لإستحوذوا على مطلبهم واخذو هذا الورد المائي , وقوله ان بيار الضيرين للدواسر , واعاروها للشيابين , وهو غير محق في قوله , والدليل هو قول الشيخ هذال بن فهيد , يخاطب الشيخ مناحي بن جرمان القحطاني:


ياراكباً من عندنا ثنتين=يم الجنوب مناحياً تلقاه
يحرم عليه الحزم (( والضيرين ))= والهضب مايشرب برايد ماه

ولكنه لايريد قول الحقيقة انهم عجزوا عن الإستيلا بماكانوا يريدون , ورجعوا بخفي حنين , فقال (( انتصارنا بنصر غير كامل ))) , رغم هجومهم المباغت المدعوم من السديري بالسلاح والتوسط عند ابناء اخته من الاسرة الحاكمة , على ((( مجموعة من الفهيدات ))) ومعهم عدد لايتجاوز اصابع اليد من الشيابين القاطنين على هذا الورد المائي , وكانت النتيجة عكسية , فبعد عجزهم عن التقدم لمطلبهم انسحبوا حاملي خفي حنين , وقد قال احد المشاركين فيه هذه الوقعة من الشيابين , بعد انسحاب الدواسر المجهزين بالعتاد والرجال , والمباغتين للموجودين على هذه البئر المسماة (( الغبيا )) , وصاحب الاحدية هو مهل بن جزل الدمخي الشيباني , يقول:


حلفت جم الغبيا ماتذوقونه=مادام حياننا في هاك الاوطاني
شربوا سراته وجال العد يطوونه=تربعوا وحتموه الادشيباني
وابن جهز بان فعله يوم تطرونه=وكثرت مصاويب غير مزِيد والثاني


والقصيدة اطول.


واحدية احد الشيابين المشاركين بعد انسحاب الدواسر:

ياملكنا الله يعزك بحكــــــمه وانتصار=دارنا ماهيــــــــب للي تعاف اديارها
خيلت من صبح لين انتحى نصف النهار=وبلها ضرب المشوك وحفظ اعيارها



اما الاخ رجب فقد حذا حذو بخيتان , وزاد عليه , فبخيتان يزيد ويقلب الحقائق , والاخ رجب يزيد ويقلب على كلام بخيتان , بمشاركة الروقة وعددهم ((( وعدد الجموس ))) , من غير ذكر عدد جموس وعدد افراد قبيلته المشاركه في النزاع , والانتصار المبجل الذي حققوه , وشر البلية مايضحك.


واتمنى من المشاركين ان تنصب مشاركاتهم حول الموضوع , بعيد عن المس والتهجم على احد , ويبقى الموضوع حدث انتهى بحل من ولاة الامر , ونسئل الله يكفي المؤمنين شر القتال.



وللجميع كل عام وانتم بخير , بمناسبة قرب شهر رمضان المبارك.

[منصور بن فهيد]

النمر الروقي

يعطيك الف عافيه على ردك المقنع وابشرك الرجال ماعاد له شوفه !!

اخي العزيز / ابن مشيب

لافض فوك والحقيقه مجهود متعوب عليه ولاكن وش اقول مااقول إلا ( ياشين الطمع شيناه ) يعني وش بيخسرون لو اعترفوا بهزيمتهم صدقني ماراح يقل من قيمتهم شي !! والحقيقه انا لومي ليس على قبيلة الدواسر لومي على بعض الشباب من قبيلة الدواسر واللذين يتفوهون بما لايفقهون وربما كان لهم مغزا من وراء ذلك وفي اعتقادي الشخصي لايتعدا حدود المفاخره المزعومه او ربما يحسون في نقص عن غيرهم هداهم الله وشفاهم .

مرى اخرى اشكرك اخي ابن مشيب على مداخلتك والتي اعتبرها متأخره بعض الشئ .

تقبل خالص تحياتي

[بن مسعر]

يالربع كل يكتب اللي وده

هية الضيرين والله انها معروفه من انتصر فيها

ونشدوا شيبانكم انا متأكد ان الشيبان لايكذبون

وبعدين الدلايل الاكيده معروفه

وبعدين اللي يكتب ويقول ان في الدواسر عبيد والله انه شي مضحك

والشرهه على مدير الموقع

المفروض الكلام اللي يسبب الحزازيات بين القبايل انه يحذف

الدواسر عبيدهم واجد بسبب الحروب القديمه كل غزوه ينتصرون فيها يكسبون الحلال والعبيد

وهذا شي معروف

ووجود العبيد ايضا لان عند الدواسر نخل يقومون بسقيها والعناية بها

يوم كل ميت على النخل ولا قدر يجيها

لدرجه ان فيه قبيله جاره لقبيلة الدواسر يوصون

افرادهم إذا مسكتوا دوسري اقطعوا باهمه عشان

مايتودم بالتمر في الحليب

[سهم جده]

ونعم في اولاد مشيب