في منتدى الهيلا

[مسري الشعار]

في منتدى الهيلارجال المواقيف
سلام ياهل العز والطيب والكيف
وحنى الدواسر جنة الجار والضيف
والادمي يتعب لدينه ودنيا ه

في محلات الرجال الي ينومس منتداها0ماتجي فيه الرباع ولاتجي فيه الثنيه

الرجال اهل الوفاوالطيب نعطيها جزاها-طبعنى وسلومنافي الدين ولاالجاهليه

[مرزوق حمدان العتيبي]

...
..



في منتدى الهيلا نزيد التراحيب=
نفرح لياجونا رجال المواجيب
والطيب مايفعل سوى في هل الطيب=
والادمي يتعب لدينه ودنياه



الدواسر قوم طيب ولالنا زود ٍ علاها = والمراجل بابها مفتوح لرجال الحميه
هات علم ٍ يالسنافي يستفيد اللي قراها = وانت كفو ٍ للعلوم الطيبه في كل هيّه

[الايداء1]

الله

الله

يامرزوق

صح السانك

وسبقتني بالرد بابو محمد

وتراي بصفك ولا يهون الدوسري

[مرزوق حمدان العتيبي]

..
.......

هلابك اكثر يا استاااذي
وابرك الساعه ... اجل استمر مع مسري والمجال لك ...
وربي انها تطربني ابيوتك
واتشوق الى ابداعك....
والحال من بعضه وانا اخوك....
..

[الايداء1]

بيض الله

وجهك يابو محمد

والله أنه يعجبني أبداعك
ولاني قالط عليك

[ماجد الهذلي]

متااابعينكم

يا مسري ويا مرزوق

غاب المسري وجانا مسري

تحيااااااتي

[مسري الشعار]

بعض المواقع يخلط الزين بالشين
والشعر مايصلح يجي بين جنسين
هذاه رائي يالرجال المسمين
الادمي يتعب لدينه ودنياه

هات رايك و العرب ماحدن قدر يدرك رضاها
جاتكم مني وصيه واعطني منك وصيه
سرها مسرا الذيابه في ارضها ولاسماها
سرها مسرا الذيابه لاعليك ولاعليه

[مسري الشعار]

الاخ الايداء والاخ ماجد الف شكر لمروركم المشرف

[محمد العتيبي]

يا سلام ياسلام ياسلام

صح لسانكم جميعا .... ولاهنتوا .... ومرحبابك يالدوسري ...

ولايمل من عذب القوافي من لسانك يالمدير ..

[ابن شلواح]

ياسلااااااااااام ياسلااااااام
أذا أبدع المدير ماعلينا سوا الأستمااااااع والأستفاااااده
واصلواا وسجلو متابعتي أخوكم ابن شلواح

[فيصل المسعودي]

يا سلام ياسلام


مسري الشعار مرحبابك في منتدى الهيلا


بين اخوانك


والأخ مرزوق قام بالواجب ووفى


ووواااااااصلووووووواااااا


متااااابعين لكم ولابداعكم


لكم تحياتي

[مرزوق حمدان العتيبي]

من فضل ربي منتدانا تعلاّ
ومعزبه لا جاله الضيف هلاّ
ولا هوب للي يفسدونه مخلاّ
واللي تبيه العين تتعب وتلقاه

..

الهنوف اللي تمشط شعرها تنذح وراها = مالها في مجلس الابطال دلّه شاذليه
وانت ياراع العلوم الطيبه في محتواها = كلمتك هذي ترى نفخر بها صبح وعشيّه

[مرزوق حمدان العتيبي]

...
..
شعراءنا الذين نفتخر بتواجدكم
وتواصلكم ..
ولحروفكم ضياء يكشف لنا طرق الابداع..
الشكر لكم بكل لغات العالم :)

الايداء..


ماجد الهذلي...
ابو مشعاب..
ابن شلواح
فيصل
والله انكم استاذه في كل العلوم الغانمه ..
تحياتي

[الايداء1]

الله

الله

صح السانك يابو محمد

وحنا متابعين

الهنوف اللي تمشط شعرها تنذح وراهـا=مالها في مجلس الابطـال دلّـه شاذليـه
وانت ياراع العلوم الطيبه في محتواهـا=كلمتك هذي ترى نفخر بها صبح وعشيّه

[مرزوق حمدان العتيبي]

....
..
.

الايداء بهذا حزنا على الشرف العظيم...
الا وهو متابعتك ...

تحياتي

[مسري الشعار]

اصاحبي مرزوق مد النظر مد
الناس قامت تخلط المزح بالجد
وماخرب الدعوى يكودالمقرد
الادمي يتعب لدينه ودنياه

المثل معروف من دور على حاجه لقاها
وراعي اليمنى الكريمه مايجازى بالرديه

والذبيحه من تركها في الخلا جا من كلاها
سمها عيد رمضان وسمها عيد الضحيه

[مسري الشعار]

الاخوه ابومشعاب 0وابن شلواح00وفيصل المسعودي

لاهنتو على المتابعه وبيض الله وجيهكم

[مرزوق حمدان العتيبي]

الله الله

اللي تقوله للمشاهد مبيّن
تبغى الحقيقه شي ماهوب هيّن
ومن هم في فعل الرديّه يعيّن
واللي تبيه العين تتعب وتلقاه


ليه بعض الناس بيته شال بيدينه ذراها = من يبا يدخل دخلها مقتنع مافيه شيّه
ياعجايب يالزمان اللي بدا يظهر خفاها = والله ان المشكله في حجمها تكبر شويّه

[مسري الشعار]

جرحتني بالحيل يالاخ مرزوق
تقول كلن قام ينذخ مع السوق
اثر مصر ماعاد تخضع لفاروق
والادمي يتعب لدينه ودنياه

الذلول تطيع كان الراكب يحرك عصاها
وان غدة منه العصى وشلون يستاق المطيه

النوافل من حفظها والفريضه من نساها
اعتبرها حسنتن في بطنها سبعين سئه

[مرزوق حمدان العتيبي]

...
..
.


ماكان قصدي جرحكم يالسنافي
لكن هذا شي ماهوب خافي
إمع الخطيه ماتدوم العوافي
والادمي يتعب لدينه ودنياه


فيه ناس ٍ غيرت بعض المبادي من دهاها = والرعيه ودهم تعصا على راع الرعيه
واجب انا كلنا ننهض وناقف في نحاها = واذكري وش كان مجدك يالسيوف الصيرميه

[((الدلبحي))]

الاخ مرزوق_ مسري الشعار

تسلمون على قو المحاورها واهدافها

تحياااااااااااااااااااااتي

[محمد العتيبي]

تحياتي لمسري الشعار

وصح لسانك يا مسري ... ولاهنت .. فوااااصل المسيره .





الاستاذ : مرزوق العتيبي .

على القوه وانا اخوك .. ولا زلت اتلذذ بجزالت الابيات ..
ا ، س ، ت ، ا ، ذ .

او

م ، ع ، ل ، م ......

[الايداء1]

الله

الله

يامرزوق

والله أنه أعجبني هذا البيت

إمع الخطيه ماتدوم العوافـي

[الايداء1]

الأخ

مسري الشعار

شاعر ولا كل الشعار

جزل وماتجيب الا الجزل

[مسري الشعار]

خوان ولابوان وعيال وازواج
تكفون وضع000يبغاله علاج
كان الشجر معووج ينقص منعاج
والادمي يتعب لدينه ودنياه

بارك الله في سبالن قامت بواجب لحاها
وكان مافكت لحاها عرضوها النافعيه

رحلتن مع صاحبي مرزوق عالي مستواها
والمعذره في النهايه كان جا مني خطيه

[مسري الشعار]

الاساتذه00000 الدلبحي00 وابو مشعاب 000والايداء
وجودكم يشرف المحاوره واهلها

[مرزوق حمدان العتيبي]

...
..
الزميل والاخ الغالي
الدلبحي..
شرفتنا بهذا الحضور الزاهي ..
اخوك..

[مرزوق حمدان العتيبي]

..
..
.
الشاعر المبدع
ابو مشعاب ... كل الشكر
على الحضور والاطراء ...
ومن الطيبين
مثلكم نستفيد ... اسعدني تواصلك ...
اخوك ....

[مرزوق حمدان العتيبي]

...
..
,
الشاعر المتميز
الايداء...
ماعليك زود واعجابك شرف ..
لاعدمتك ..

[مرزوق حمدان العتيبي]

...
..

قد قالها تركي عذاب الخصومي
من لا تعلم ماتفيد العلومي
واللي يصلي لازم انّه يصومي
والادمي يتعب لدينه ودنياه


كل نفس ٍ تفعل الخير عند الله جزاها = والحلول اظنها في يديك وفي يديّه
رحلتي معكم ترى طاب كيفي بــ معناها = ياقوي المعرفه ثم يازبن الونيّه


مسري الشعار
طبت وطاب مبداك ..
اقول لك مشكور
وسدد الله على الخير خطاك..
الى اللقاء بطاروق اخر والله لايهينك...

[اللطّــام]

محــــــــــــــــــــــــــاوره بجــــــــــــــــوده عاليــــــــــــــــه
صحـــــــــــت السنتــــــــــــــــــــــكم على دروســـــــــــــكم المجانيـــــه.

[مشاري الروقي]

صح لسانك يابو محمد وليس غريب عليك الأبداع وصح لسان أخونا مسري الشعار

تلميذك / مــــشــــاري بن مــحيـــا

وقد أشغلتني الدراسه عن مواصلتكم هذه الأيام

[مسري الشعار]

الا خوه اللطام00ومشارى الروقي لاهنتو على المرور والمتابعه

[مرزوق حمدان العتيبي]

...
..
.

الشاعر المبدع اللطام..

الشاعر العذب مشاري الروقي.....

الف شكر لكم على هذا الحضور
ولاعليكم زود ...
تحياتي