تسجيل الدخول

مشاهدة النسخة كاملة : الخراص وينك يالخراص

نادر بن طريخم
09-Sep-2005, 09:21 PM
السلام عليكم ورحمة الله وبركاته



سلام الله سلام الله على الخراص من ملتاع=جمادى غاب عنا مع رجب ويغيب شعباني

وانا ادري ماسلى في نجد في صيفٍ ولا مرباع=ولاعلم ٍشغل وقته ولازوجه وصبياني
ماجد الهذلي
09-Sep-2005, 09:53 PM
الله الله يا ابن طريخم

من طول الغيبات جاب الغنايم وأنت بتجيب الخراص

الأثنين لكم فتره غايبين والله مفتقدينكم

والآن القاف بيجمعنا بكم

متاااااااابع

تحيااااااااتي
مرزوق حمدان العتيبي
09-Sep-2005, 09:57 PM
السلام عليكم ورحمة الله وبركاته



سلام الله سلام الله على الخراص من ملتاع=جمادى غاب عنا مع رجب ويغيب شعباني

وانا ادري ماسلى في نجد في صيفٍ ولا مرباع=ولاعلم ٍشغل وقته ولازوجه وصبياني

مرحبا تراحيب المطر يانادر
كلكم ياثنين عليكم غرااامه :)
يا اخي وش هالقطاعه عن عيون ناس ٍ يغلونكم....؟
لكن تدري بهالطاروق انتهى كل شي.....
صح لسانك وننتظر الخراص...
تحياتي
نادر بن طريخم
09-Sep-2005, 10:18 PM
الأخ الشاعر / ماجد الهذلي

شرفتنا بحضورك وحييت مليون
وسعيدين بوجود شاعر متابع مثلك وشرواك


الأخ شاعرنا الكبير / مرزوق العتيبي

المعذره ياطويل العمر
وترانا متابعين الموقع كل يوم لو ماشاركنا

وجودك شرف كبير

تقبلوا شكري وتقديري
الخــراص
09-Sep-2005, 11:03 PM
هلا يأبو ماجد والساعه المباركه



هلا يامرحبا ياصاحبٍ فيه الوفا ماضاع=يميل الوقت لكن ماتغيَر ذرب الأيماني
تقوله وانته ابخص بالضروف وتبخص الاوضاع=ومرزوق العتيبي يعرف المضلوم والجاني
الخــراص
09-Sep-2005, 11:13 PM
.......
ماجد الهذلي

مرحبا مليوون

ولاهنت

ويشهد الله ان لك وحشه

.........

مرزوق العتيبي

المسامح كريم

وانت ماتقصر

وفكنا من الغرامات

يكفي عنك المرور قاصٍ

ضهري بالغرامات!!
مرزوق حمدان العتيبي
09-Sep-2005, 11:17 PM
.........

مرزوق العتيبي

المسامح كريم

وانت ماتقصر

وفكنا من الغرامات

يكفي عنك المرور قاصٍ

ضهري بالغرامات!!

احسن من قالك تسرع هههههههه
--------> يقول اكيد سيارته كامري :)
نورت يالخراص ماعتبنا عليكم الا من غلاكم ..
كل الود
نادر بن طريخم
09-Sep-2005, 11:52 PM
خلووووووووووووووهااااااااااا


ألا يا بدرنا اللي صار لك ليل الدجى مطلاع=تبين زين في صدر السما وتشوفك اعياني
جمعنا موقع الهيلا وصيته بالمواقع ذاع=وانا وان طول غيابي هنا لابد تلقاني
الأمــير
09-Sep-2005, 11:56 PM
صح لسانك













ولك تحيــــــــــــــــــــــــــــــاتي 00000000000000
الخــراص
10-Sep-2005, 12:40 AM
استلم يابو ماجد لاهنت



ألا ياليت نادر حدر الهرجه على الأسناع=توقع لا تقلب لك على تنده وبيباني
تهاجملك ذيابه والذيابه ياعميل إجياع=وقعت وصرت لقمه بين ضرسيني ونيباني
نادر بن طريخم
10-Sep-2005, 01:01 AM
استلم يابن مقعد لاهنت



ألا ياصاحبي فزتك هاذي فزة المرتاع=وانا اللي مانويتك بالردى لكن تبلاني
ومادامك لمست ازنادها ماعاد به مرجاع= على صهوة حصان الحرب بالميدان سهراني
فراج القرقاح
10-Sep-2005, 01:27 AM
ياسلاااااااااااااااام عليكم ... شعار ووافين ...

لاهنتوا .. متااابع ...
الخــراص
10-Sep-2005, 01:59 AM
ههههههه الله يرجك

استلم استلم


أعرفك زين مايحتاج لك نخوه ولا فزاع=تشب النار لكن ناركم شعله ودخاني
تسول نفسك القشرا لك انك تقدر الاقلاع=ولكنا نشوف انك طعام السيف شاماني
فيصل المسعودي
10-Sep-2005, 04:38 AM
نادر بن طريخم


والخراااااااص


هلا بكم يالغااااالين


ووواااااصلوووواااا


متاااابعين


لكم


تحياتي
ابن شلواح
10-Sep-2005, 07:11 AM
ياااااااااااسلااام ياسلاااااااااااام
نادر ابن طريخم xالخــــــــــراص

الله يكثر من امثالكم في هذا المنتدى وافين وجزلين يالغالين
واااااااااصلوا ياأسااااااااتذه متااااااااااااابعين

أخوكم ابن شلواح
الفراهيدي
10-Sep-2005, 10:30 AM
ياسلام ياسلام

واصلو متابعين

تحياتي
نادر بن طريخم
10-Sep-2005, 10:57 PM
خلوووووووووووووووووها

للموال دور



من يرد السيل عن عش القشاشي=ساعةٍ والمزن فوق الراس ناشي
مايرد الرمح عن صدرك قماشي=والله الوالي ولاغيره ولي



انا اعرف صيدتي واسري بها من جحرها للقاع=وارددها عن جبال ٍتناوشها وشعباني
ولا يسري عديم الناب في بيدا ًتظم اسباع=تبادله السباع الضاريه واحد ورى الثاني
نادر بن طريخم
10-Sep-2005, 11:09 PM
الإخوة الأعزاء/

ذيب الحنابج

الداهية

فيصل المسعودي

بن شلواح

الفراهيدي

لاهنتوا على المتابعه وسعيدين بتواجدكم معنا
محمد العتيبي
11-Sep-2005, 05:21 PM
صح لسانكم ... ولاهنتوا .....

عمالقه فالشعر ... وعمالقه بالمعاني ... وعمالقه بالاخلاق .