فواز الشيباني
08-Sep-2005, 11:57 PM
أبا أتمنى عندي الفين مليوووون
--------------------------------------------------------------------------------
هذي قصيدة أبا أتمنى .. والرد عليها
علماً بأن القصيده لها رد ثالث من شاعره ... وللأسف الشديد
لا أعرف أياً منهم ..
القصيده موجوده عندي وكذلك الرد من سنين بدون أسماء ...
أعرضها لجمالها ... ولكي تتضح لنا أسماء الشعراء إن كان لأحد اي علم بهم .
أبا أتمنى
أبا أتمنى عندي ألفين مليون
وبيتٍ مسوبع راكزٍ بالحمادي
وأبي شقاق البيت حرير .. ويكون
مخيوط في سلك الذهب خيط عادي
والفين خلفه والحرس ماينامون
واربع رعايا وضح شيّ(ن) وكادي
وخمسة بنوز مجهزه بالتيليفون
والأجهزه دايم علينا تنادي
والفين دله والأباريق مليون
وبالليل مايطري عليك الرقادي
وخمسين جمس وفوق خمسين صالون
وإمن الحفيز وكلبوهن جدادي
وأربع إعيال(ن) لأدمس الليل يمشون
على أحمر الكبوت وقت البرادي
وأبا أتمنى صخيّف العنق مزيون
اللي عليه دموع عيني عوادي
وأبي أسد الدين عن كل مديون
وأصبر على الشدات صبر المهادي
الرد
ياللي تمنى عندك ألفين مليون
وبيتٍ مسوبع راكزٍ بالحمادي
والله لو عندك كثر مال قارون
ماينفعك شيّ(ن) وراه النفادي
المال كثره شر وإبليس ملعون
وكم من غنيّ(ن) ماأهتنى بالرقادي
وأبا أتمنى يوم صرتوا تمنون
عسى يتحقق من منايه مرادي
أبي تعود القدس والرمح مسنون
ماأبغى بها داعي الخبايث ينادي
ويعود الأقصى وفيه قوم(ن) يصلّون
متحررين(ن) تحت راية جهادي
وأبغى العرب فوق الخلايق يهلّون
متكاتفين ورافعين الأيادي
يرجع لنا ماضي له سنين وقرون
وبياضها يمحي بقايا السوادي
وأبا أتمنى من ثرى المال مليون
ماهو ببذخ ولابي غير الوسادي
منها عطى الله يقصدوني يسِإلون
وأكرم ضيوف الدار حضر وبوادي
أقولها يومنكم به تقولون
لكني بوادي وإنتم بوادي
مقدر أسد الدين عن كل مديون
رزق الخلايق عند رب العبادي
--------------------------------------------------------------------------------
هذي قصيدة أبا أتمنى .. والرد عليها
علماً بأن القصيده لها رد ثالث من شاعره ... وللأسف الشديد
لا أعرف أياً منهم ..
القصيده موجوده عندي وكذلك الرد من سنين بدون أسماء ...
أعرضها لجمالها ... ولكي تتضح لنا أسماء الشعراء إن كان لأحد اي علم بهم .
أبا أتمنى
أبا أتمنى عندي ألفين مليون
وبيتٍ مسوبع راكزٍ بالحمادي
وأبي شقاق البيت حرير .. ويكون
مخيوط في سلك الذهب خيط عادي
والفين خلفه والحرس ماينامون
واربع رعايا وضح شيّ(ن) وكادي
وخمسة بنوز مجهزه بالتيليفون
والأجهزه دايم علينا تنادي
والفين دله والأباريق مليون
وبالليل مايطري عليك الرقادي
وخمسين جمس وفوق خمسين صالون
وإمن الحفيز وكلبوهن جدادي
وأربع إعيال(ن) لأدمس الليل يمشون
على أحمر الكبوت وقت البرادي
وأبا أتمنى صخيّف العنق مزيون
اللي عليه دموع عيني عوادي
وأبي أسد الدين عن كل مديون
وأصبر على الشدات صبر المهادي
الرد
ياللي تمنى عندك ألفين مليون
وبيتٍ مسوبع راكزٍ بالحمادي
والله لو عندك كثر مال قارون
ماينفعك شيّ(ن) وراه النفادي
المال كثره شر وإبليس ملعون
وكم من غنيّ(ن) ماأهتنى بالرقادي
وأبا أتمنى يوم صرتوا تمنون
عسى يتحقق من منايه مرادي
أبي تعود القدس والرمح مسنون
ماأبغى بها داعي الخبايث ينادي
ويعود الأقصى وفيه قوم(ن) يصلّون
متحررين(ن) تحت راية جهادي
وأبغى العرب فوق الخلايق يهلّون
متكاتفين ورافعين الأيادي
يرجع لنا ماضي له سنين وقرون
وبياضها يمحي بقايا السوادي
وأبا أتمنى من ثرى المال مليون
ماهو ببذخ ولابي غير الوسادي
منها عطى الله يقصدوني يسِإلون
وأكرم ضيوف الدار حضر وبوادي
أقولها يومنكم به تقولون
لكني بوادي وإنتم بوادي
مقدر أسد الدين عن كل مديون
رزق الخلايق عند رب العبادي