تسجيل الدخول

مشاهدة النسخة كاملة : زدتني شوق يالابس الغندري

مشاري الروقي
07-Sep-2005, 10:29 PM
السلام عليكم ورحمة الله وبركاته
والمجال مفتوح لأي شاعر..............



من يبا هبة الريح يحضر معي = داخـل المـنـتـدى والأداره تشــوف
مرحبا والتقارير لأســرع قلــم = زدتـني شـوق يـالابـس الغــنـدري
من يحكم القوافي ترا مطـمعي = يتعب الفكر ويجيب جزل الحروف
مانـبـاها تـرَوح وتسـري سـلـم = زدتـني شـوق يـالابـس الغـنـدري
واسم اللاحي
07-Sep-2005, 10:41 PM
مرحبا يامشاري

واستلم


ياعسى خير يابارق تلمعي=فالسماء جعل ربي بخلقه يروف
والبقاء عد مايرتفع من علم=زدتني شوق يالابس الغندري
هيه يابو العلاء جالك الاصمعي=لاتلفلف وتقعد تهز الكتوف
ابك انا افسر الحلم للي حلم=زدتني شوق يا لابس الغندري
مشاري الروقي
07-Sep-2005, 11:08 PM
صح لساك وأستلم


صف لحسابك المنتضر وأجمعي = لايردك عن الدرب بعض الظروف
راقب سْهـيل بـادي وسَـج القــدم = زدتـني شـوق يـالابـس الــغـنـدري
جابك الله بأشارات راس أصبعي = لاتـعـدَي عـلاك الرمـوز وتـطـوف
مـانـي مـدورٍ مــنـك حـبـة خـشـم = زدتـني شـوق يـالابـس الـغـنـدري
ابن شلواح
07-Sep-2005, 11:20 PM
واسم اللاحي
:
مشاري اروقي
صحة ألسنتكم ياشعااااااااااار وسجلوا متابعتي يالربع


أخوكم ابن شلواح
واسم اللاحي
07-Sep-2005, 11:43 PM
انت لو تستمر يامشاري معي=كان اخليك فالدرب غصب محذوف
راقب سهيل والبدر فوق النجم= زدتني شوق يالابس الغندري
كان تبغى النصايح فلاتطمعي= انت طامع بخصم يلوذ ويحوف
ولالكم عندنا كود صنع العجم=زدتني شوق يالابس الغندري
واسم اللاحي
07-Sep-2005, 11:52 PM
الاخ
ابن شلوااح

صح بدنك

وحيااااااااااااااك الله

وجودك شرف يالغالي

واسم اللاحي
مشاري الروقي
08-Sep-2005, 12:10 AM
صح السانك والليل قدام يافنان

لـو روحـت فـي درب ماترجــعي = تتعب الساق لن جيت بين الصـفوف
ماتلفت على اهل الوثن والصنم = زدتـنـي شـوق يـالابـس الـــغـنــدري
ياعيون الحزين ارقدي وادمعي = ماتعيشين مـن تحـت حـدب السيوف
السوالـف تحـاول بها من عــدم = زدتـنـي شـوق يـالابـس الــغـنـــدري
واسم اللاحي
08-Sep-2005, 12:30 AM
صح بدنك واستلم


انت من بعد ماجاك وقت السعي= ليش ترجع تقول ابعود واطوف
كلها لاجل تسجد لها وتهشم= زدتني شوق يالابس الغندري
لنشد الناس تخبرك ويش سنعي=كان تجهل قبل لاتجيك الكفوف
سيفك لو سطى ماينوش العظم= زدتني شوق يالابس الغندري
فراج القرقاح
08-Sep-2005, 12:40 AM
...

ابداااااااااااااااااااااع صح ...

واصلوووووووا لاهنتوا ...
مشاري الروقي
08-Sep-2005, 01:18 AM
الرجاء ملاحظة الشطر( سيفك لو سطى ماينوش العظم ) غنه صح
واســــــــــتلم,, واسف على التأخير لانقطاع الاتصال
مـاتـشوف الـمـنـازل ولا تـســـــمعي = اخـذ ثـوبـيـن صـيـفي وثـوبـيـن صـوف
حـاكـمك بـالامـر ما تـعرف اتـحـكـــم = زدتـنـي شــوق يـالابـس الـغـنــــــدري
لـو تـصـل الـثريـا تـصـف اربــعـــــي = الـيـديـن الـرقـيـقة عشـاها امـعــروف
جـايـز اتـعـض لـصـبعـك عـيظ ونــدم = زدتـنـي شــوق يـالابــس الـغـنــــــدري
واسم اللاحي
08-Sep-2005, 01:38 AM
الاخ
مشاري الروقي
اشكرك على الملاحظه والشطر بالاصل"سيفكم لو سطى ماينوش العظم"

واستلم

انت رجال فاهم وعندك وعي=مار مالك على الطيبين معروف
لاتحوص بعد جتك تحت اللحم=زدتني شوق يالابس الغندري
احمد الله من كفي ابشبعي= واكسب بعير لن كان تكسب خروف
ولاندمنا على شان بني وهدم=زدتني شوق يالابس الغندري
مشاري الروقي
08-Sep-2005, 01:59 AM
طيب طيب واستلم
لـن تـوفــيت نـكـتـب رسـالـة نـعـي = فـي مـجـلـة فـواصـل وفـهـرس قـطـوف
لـو عـرقـك نـبـض قـيل ماسـال دم = زدتـنـي شــوق يـالابـس الــغـنـــــــــدري
الـحـبـيـني يـجـمَــع ولا يـقـنـعـــــي = كـل مـاهـــبـت الـريـح صـاح مْـعـصـوف
لو تطـول المسـافه مايـلـقـى نـسـم = زدتـنـي شـوق يـالابـس الـغنـــــــــــدري
واسم اللاحي
08-Sep-2005, 02:22 AM
انت من قو غبنك على مسمعي = تطري الموت تبغى خصيمك يخوف
ويمكن اقتلك قدام لاتنهزم= زدتني شوق يالابس الغندري
ابشر انا بنعطيك حق السعي = دام دورتها لين جبت الزروف
ياجخاخه تذري بغصن السلم=زدتني شوق يالابس الغندري
مشاري الروقي
08-Sep-2005, 02:53 AM
استلم

الـحـبـال الـضـعـيفـة تـبـى تـقـطــعــي = دوك زادك وزاد الـرجال امـغـروف
نـعـرف اهـل الـمواقيف واهـل الكرم = زدتـنـي شــوق يـالابــس الـغـنـدري
سـلـهمي يـاعـيون الـشقا واذرعـــي = والـغـناوي مايـرضى بـمال الضعوف
كـنه الـصقـر شـيهـان مـاهـو رخــــم = زدتـنـي شــوق يـالابــس الـغـنــــدري
مشاري الروقي
08-Sep-2005, 03:00 AM
الاخ/ واسم اللاحي
افضل ان تكون النهاية من عندك لان الليل تأخر. ومثلك يشرفني اللعب معه لاعدمناك

اخوك / مشـــــاري بن محـــــــيا
((الدلبحي))
08-Sep-2005, 03:07 AM
مشاري الروقي

قوه في البدع ومعرفه بالحان المحاوره

واسم اللاحي

لاهنت على ردك

تحياااااااااااااااااااااااااتي
واسم اللاحي
08-Sep-2005, 03:18 AM
يامشاري بالارزاق لاتدعي=وانت قسمك مع القوم كرش وردوف
ولاندور تمر عند راع العجم= زدتني شوق يالابس الغندري
سلهمي ياعيون الشقا واجرعي = دمعتك لين تجرح ضمير رجوف
وقولي لصاحبك عقب عذبك نم= زدتني شوق يالابس الغندري
واسم اللاحي
08-Sep-2005, 03:21 AM
الدلبحي

حياك الله ياولد العم

وابرك الحزات حضورك
شرفتناااااااااا

واسم اللاحي
واسم اللاحي
08-Sep-2005, 03:49 AM
الاخ

مشاااااااااااري

المعذره مانتبهت لك انك تريد النهايه الابعد ماارسلت ابياتي

لكنتشرفنا باللعب معك وابرك الحزات
ولايجي في الخاطر شي تراها مزووووووووووووح

لك تقديري

واسم اللاحي
ماجد الهذلي
08-Sep-2005, 04:30 AM
زدتني شوق يا لابس الغندري

قديم نديمك لو الجديد أغنااااااك

لحن قديم ورائع يا مشاري ومجاراه من واســـــــــم

صحت ألسنتكم

تحيااااااتي
فيصل المسعودي
08-Sep-2005, 06:05 AM
صحت السنتكم


وسجلووووو اعجااابي يالغالين


لكم


مني


أحلى


التحايا
مرزوق حمدان العتيبي
08-Sep-2005, 09:57 AM
....
.
مشاري الرائع
وواسم المبدع ...
صحت السنتكم في هالمحاوره المميزه ...
سجلوا شكري وتقديري........
اخوكم.
الايداء1
08-Sep-2005, 03:10 PM
المبدع الصغير

الشاعر المميز

مشاري بن محيا

أبداع في أبداع لك مستقبل باهر بأذن الله
الايداء1
08-Sep-2005, 03:14 PM
واسم اللاحي

صح السانك

على الأبداع أستمتعنا بجودة شعرك أنت ومشاري

والى ألامام دائماً
مشاري الروقي
08-Sep-2005, 07:59 PM
الأخوه
الدلبحي / ماجد الهذلي / مرزوق العتيبي / الأيدء1 / فيصل المسعودي
شكرآ على مروركم وتشجيعكم المتواصل


الأخ / مـــاجد طلبك مجاب وأبشر بالطواريق القديمه وأنت تامر

أخوكم / مشاري بن محيا المورقي الروقي