وين أنت ياصبي هذيل خذها من ولد روق

[مشاري الروقي]

السلام عليكم ورحمة الله وبركاته
استلــــــم ياماجد الهذلـــــــي ولاهانو أخوانــــــــــي الشعـــــــــــــار

يامرحبا في محل الطيب ياماجد = لكن خلك على الميعاد متواجـــــــــــــد
نبا نغني سوا وصفوفنا واجــــد = سبحان رب السماء والأرض سبحانه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ


ياهذيل اصحابنا من قديمات الليــال = الوعد قــدام.والنار من شبابهتا
كل رجال(ن) يكمل مواجيب الرجال = يتعب الأقدام.والنار من شبابهـا

[فراج القرقاح]

...
ياسلااااااااااااام يامشاري ..متألق دائما ً...
صح لساااااااااانك وفي انتظار ماجد حتى تكتمل الليله ...
ومتااااااااااااااااااااااااابع ...

[مشاري الروقي]

صح بدنك يالداهيـــــــــه ونورت الصفحه ووجودك أكبر شرف لي

[ابن شلواح]

بدايه رائعه يامشااااااااااااااااري
وفي انتظااااااااااااااار شاعر هذيل سجلوا متااااااااااابعتي

أخوكم ابن شلواح

[مشاري الروقي]

أهــــــــــــلآ وسهـــــــــلآ يابن شلواح ــــــــــــــ يامرحبا عد برقٍ لاح
هلـــــــت على المنتدى الأفـــــــــــراح ــــــــــــــ ياليل ياليل ياســــاري

[ابن شلواح]

دام البقا بك يامشاري روق ـــــــــــــــــــ عداد ما لاح السما ببروق
يانجم ياللي معتلي من فوق ـــــــــــــــــــ ياليل يا ليل ياســـــــــاري

[مشاري الروقي]

صح لسانك يابن شلواح ومنك نستفيد
أخوك / مشــــــــــــــاري بن محــــــــــــــيــا الروقي

[ماجد الهذلي]

لي خمس دقايق اتأمل المحاورات اللي بين الشعار

وأقول الليله بتفرج وأثر فيه بدعه معااااي يالله سترك


دام الوفا والكرم والعز والهيبه
فالوعد ما نختلف للوعد ترتيبه
والطرق حنا نغنيه وتغني به
سبحان رب السما والأرض سبحانه


شب نارك لا يجي علم ويطول الجدال = وأنتبه للشام والنار من شبابها
كل شهر ٍ يا ولد بان ليله والهلال = أحتزم بحزام والنار من شبابها

[ماجد الهذلي]

حيا الله الجمــــــــيع

منورين ومشرفين المحاوره يالربع

والظاهر بغى يجي قاف ثاااني في الموووضوع هذا

تحيااااااتي

[مشاري الروقي]

صح لسانك وأستلم..

طبيت سوق الغلا والمال برجاله = كلٍ يحاسب نهار العرض بأعمالـــــــه
والخصم قدامنا مشروب فنجالـه = سبحان رب السماء والأرض سبحانه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ



لو أشب النار ماعاد تلقالك مجال = والفرح مادام والنار من شبابها
خيَل خْيال الحيا وأنتثر وبل الخْيال = رفت الأعلام والنار من شبابهــا

[ماجد الهذلي]

أريت لي علم له أشكال وألواني
لو شبت النار كان نشوف دخاني
لاكنّ حذراك حذرى لا تحداني
سبحان رب السماء والأرض سبحانه


يا مشاري رحت حايل وجاك الأحتيال = مثل حكم إعدام والنار من شبابها
قابض السيف المحنا وجاهز للقتال= للذلول خطام والنار من شبابها

[مشاري الروقي]

أستلم ياماجد والمعذره تراني أتعلم

عز الله أنك صديق ورحـــت في فمهـــا
الواجب أنـك بعــــد ماجيـــت تفهمـــــها
عيد السوالف على الأصحاب ونضمها
سبحان رب السماء والأرض سبحانـه


ماجد المذكور دافع وراسه بالضلال== مصدرين احكام والنار من شبابها
لاتحسب العافية توخذ بخشـم الريال== هبـت الانســام والنـار من شبابـها

[ابن شلواح]

يالربع يالربع ياسلاااااااااااااااام

ماوالله أترك هالمحاوره هاذي ان شاء الله لين تنتهي
واااصلو وسجلووووووووا متابعتي يالمبدعيييييييين
وأزهل الصف يابن العم مشاري على الهذيلي الليله.........

أخوكم ابن شلواح

[مشاري الروقي]

حياك الله يابن العم واقول ,,,,,,

يامرحبا ترحيب من صدق وشعور == نطق اللسان ونابعه من فؤاده

والمعــــــــــــــــــذرة ,,

[ماجد الهذلي]

ممتاز يا مشاري وهات اللي عندك

لا توفر شي والوضع عاااادي


أستلم طال عمرك


يطول بك وقت وألا يقصر المادي
أحسب حسابك ترى ما عنك نشادي
أتلقي الضلع وألا تعطي الوادي
سبحان رب السماء والأرض سبحانـه


بعد مال الوقت ظلك تحت ظل الجبال = من يفك إلحام والنار من شبابها
البروق تلوح وتسيل وديان وجبال= نطلب بنظام والنار من شبابها

[مرزوق حمدان العتيبي]

....
..
.
مشاري وماجد كلاكما مبدعين....
طاروق يجبر المتذوق على المتابعه لاهنتم .....

[فيصل المسعودي]

مشاري الروقي


ماجد الهذلي


سجلوووووااااا اعجاااااابي


متااااااااااااااااااااااابعين


لكم واااااااصلواااااااا


تحياتي

[مشاري الروقي]

استلم ياماجد وأسف على التأخير لانقطاع الاتصال

ياماجد اليا بغيـت الحــق ماتــدري
ياحارس المنتخب عـدت ترا كبـري
علاك نقرا العصروالنوروالفجـري
سبحان رب السماءوالارض سبحانه

الحمول تحط وتشال في ظهور الجمال == ياسعد تمام والنار من شبابها
البروق تلـوح وأنحــل صعبات الحبـال == نرحم الايتام والنار من شبابها

[ماجد الهذلي]

ابن شلواااح

مرزوق العتيبي

فيصل المسعودي

ياهلا ويا غلا منورين المحاوره يالربع

المحاوره بوجودكم تكتمل

تحياااتي

[مشاري الروقي]

مرزوق العتيبي ( على العز والطيبي )

فيصل المسعودي( صاحب الجاه والجودي)
,,,,,,,,,
,,,,,,,,,
منورررررررريــــــــــن الصفحــــــــــــــــــــــــــة

[فراج القرقاح]

...

طيب طيب ومتااااااااااااااااااااااابع ...
واصلووووووووووا لاهنتوا ودامكم بصف مشاري ازهل الصفوووووووووف ياماجد ...
والليل الليل ...

[مشاري الروقي]

حياك الله يالداهـــــيه ( وارد العدود الراهــــيه)

[ماجد الهذلي]

تقرى وتلعب ولا تدري ولا تعلم
لا كن ّ أظنك تحلم قوم لا تحلم
مسلم ولي سيف والكافر معي يسلم
سبحان رب السما والأرض سبحانه


لا تزلزل ما نبا الزلزله يا ابن الحلال = شيل حمل العام والنار من شبابها
إعتدل قدام نفرض عليك الإعتدال = حقكم ينضام والنار من شبابها

[مشاري الروقي]

طيب طيب واســــتلم
ضيعتها مع هـبوب الريـح وتنــازي
صحيح من قال لاتمزح مع حجازي
يزعم بروحه وكنـه حضرة الرازي
سبحان رب السـماءوالارض سبحـانه
لاتـلـد العـين كحلتها بكحـل الـدلال == استريح ونام والنار من شـبابها
جاك نص الفال يقفاه ياذيب العقال == ادخل الاسلام والنار من شبابها

[مشاري الروقي]

الاخ / ماجـد
ارسـل ردك ويعتبر النهاية من قبلك..
واشـكرك على تواضعك للعب معي
والمعذرة اذا جاء خطا مني

اخــــــــــوك / مشـــــاري بن محـــــــــــــــيا الروقـــــــي

[دستور الهيلا]

مشاري الروقي

+

ماجد الهذلي


صح لسانكم ،،،،، وابيات لها وزنها من الجزاله ،،،،،،

[ماجد الهذلي]

ما روّحت من يديني يالفتى الروقي
محروق دمك.. ولا لي دم محروقي
ما ينمحي علمنا في غرب وشروقي
سبحان رب السما والأرض سبحانه


كحلك فــ عينك وخل التدلل والدلال = نلجمك بلجام والنار من شبابها
الجواب يجيك والحل في فهم السؤال = كثرة الأنعام والنار من شبابها

[ماجد الهذلي]

صح لسانك

وما جاء منك إلا كل خير

وتشرفت باللعب معك

وسامحني إذا جاء مني غلط وألا زله

تحيااتي

[مشاري الروقي]

دستور الهيلا
مشكور على المرور

وصح السانك ياماجـد الهذلي
على ان (الدلال) ســــــــــرت
وصدق المثل اللى يقول...
غلطت العاقل بعشـــــــــــــــــره ياماجـــــد ياماجد ياماجد

[ماجد الهذلي]

دستور الهيلا

صح بدنك ومشكـــور على المرور والمتـــــابـــــعة

تحياااتي

[ماجد الهذلي]

لا لا لا


ما سرت يا مشاري وترى منتبه للدلال اللي أنت تقولها

الدلال اللي تقولها أنت كحل الدلال ومعروووف

واللي أقولها أنا معناها مختلف مأخوذه من التدلل

تحياااتي

[طويل الذراع]

مشاري وماجد كلاكما مبدعين

تقبلواا تحياتي

[الايداء1]

الله

الله

عليكم من شعار

كيف فاتتني هالمحاوره الطيبه

لكن الجايات أكثر سجلووووو أعجابي

[مرزوق حمدان العتيبي]

...
محاوره رائعه بحق
ماقصرتوا وبيض الله وجيهكم ...
اخوكم ...