تسجيل الدخول

مشاهدة النسخة كاملة : مراده شعريه بين الشاعر بندر بن سرور و النحاوي أحد من رافقوه في أسفاره

الشاهر2000
24-Aug-2005, 01:45 AM
السلام عليكم ورحمة الله وبركاته. أما بعد.

أحببت المشاركه بهذه القصيده التي وصلتني حديثا وهي لشاعر بندر بن سرور القسامي العتيبي. العلم الشعري المعروف وقد رد عليه النحاوي الذي قيل أنه ممن رافقوه في أسفاره.. وقد قال فيها.

رسمتــــــلي مع طلعت الشمس خطه
وبليل غيرنا تجاه الخريطــــــه
أشيـــــل بميزان الروابع وحطــــــه
الله من بحرآ قطعنا محيطــــــــــه
أنا الذي قاسيت راحه وشــــــطــه
وبحلت بيامي وثرها بسيطــــــــــه
مايطلع القرناس من عش بطه
والجبو مايحيي النوامي شفيطــــــه
لاصار من ربعك أقيشر ونطه
هز المحاله لين يفرد شــــــــريــطـــه
تراه ماينفع عســــاها تلطــه
خيال دجا مثل عنز الربيطـــــــــــــــــــه

(فرد عليه النحاوي قائلن)

عزاه ياقلبآ بلا الــــــــروح عطه
ينقط على معلوق قلبي نقيطــــــــه
من فعلها الأيام شيلــــــه وحطه
أصرف وجمع والليالي محيطــــــــه
كم مرقبن في عـالي الرجم أنطه
لكن على المحوال عسرن هبيطـــه
كم خايعآ خالن خلاوي يعطــــــه
من فوق فرتن يوم تسمع شفيطــــه
نوبن ورى ثمود ونوبن بقطـــه
ونوبن ورى نزوا ونوب بشبيــــــــطه
صبرك على نفسك بدارآ أقشطه
أخير من شوف الوجيه البليطــــــــــه



وتقبلوا فائق التحيه,,,,
فيصل المسعودي
24-Aug-2005, 01:50 AM
تشكر اخي الشاهر


على النقل الموفق


وصح السنة الشعار


لك تحياااتي
((الدلبحي))
24-Aug-2005, 01:57 AM
الشاهر

الله يعافيك والله يرحم متنبي اعتيبه

تسلم يمناك واختيار موفق

تحيااااااااااااااااااااااتي
الشاهر2000
24-Aug-2005, 02:02 AM
مشكور أخوي فيصل على المرور
الشاهر2000
24-Aug-2005, 02:49 AM
ومن قال سالم ومشكور على المرور أخوي الدلبحي ونطلب منكم المزيد
راع العرف
12-Aug-2006, 01:30 AM
صح لسان الشعار وللعلم ان الشاعر النحاوي
هو الصديق الخاص للشاعر بندر ابن سرور
واسمه .. عبيد النحاوي الفريدي الحربي
ومقيم حاليا ً باالمنطقه الشرقيه .. في مدينة الجبيل
وقد جلست في مجلس وكان .. عبيد النحاوي موجود
بالمجلس وكان يقول سالفه جرت له هو وبندر ابن سرور
ولا قدر يملك نفسه وتذارفت دموعه .. وقام يصيح مثل
صياح الورع الصغير وترك المجلس وهو يقول ماعاشرت
مثل بندر بن اسرور صدقوني انا كنت حاضر شخصيا ً
وقبلها كان يقول سالفه صارت له هو وبندر ابن سرور
بالقصيم وانشاء الله اقولها بعدين...
يقول بندر برفيق دربه .. عبيد النحاوي الفريدي الحربي

ياعبيد غنت سيور الهاف @@@@ لايابعد كل من غنى
خشم الابيتر رماه خلاف @@@@ دليلته واحد ٍ منـــــا
والابيتر عقم مشهور بمنطقة القصيم ......
وعبيد عنده سوالف كثيره وبإذن الله أقولها لكم بعد
ماأجمعها وللعلم أنا فيه واحد يقربلي يدرس عيال
النحاوي بالهيئه الملكيه بالجبيل وفيه مره عبيد هرب
بندر من سجن الخفجي بعد ماجاب الهاف (الونيت )
ولزه جنب جدار السجن ويوم طب بندر بالحوض انكسرت
رجله وقال فيها قصيده وراح اجيبها لكم بعدين....
وتقبلو تحياتي ......
أخوكم @@@ الــــــــحربي @@@
عتيبي معاصر
14-Aug-2006, 09:54 AM
الشاهر 2000تسلم على المراده الرائع

ولاهنت

.................................................. ..............................................
ونحن في انتظارك يالحربي

ولاتنسى

عجل علنا لاهنت

.............................

عتيبي معاصر
ابـن نـعـيـس
14-Aug-2006, 06:00 PM
لاهنت


يعطيك العافيه



تحيااااااااااااااااااااااااااااااتي
راع العرف
15-Aug-2006, 03:50 AM
السالفه اللي صارت لبندر ابن سرور هو ورفيق دربه عبيد النحاوي
كانو ا جايين من القصيم اول مامشوا جاهم عبري ( حضري )
ويوم قالهم خذوني معكم مامانع بندر لانه كريم ولايرد احد مثل
مايقول النحاوي وركبوه شوي الا انطردوا ويهج بندر من الحكومه
ويقطعون الابيتر والابتر واستمروا لين وصلو ا مكانهم اللي يبغونه
وكانوا ناسين الحضري مايدرون انه راكب معهم ويم انزلوا ولا الحضري
رابط نفسه بالحبال اللي بالحوض وشوشته منفوشه ويصيح ..
هههههههههههههههه ........ والسالفه ماهو شرط تضحك لانها تجسيد لحيات
الشاعر الأسطوره بندر بن اسرور مثل مااحب اسميه .. وانا هنا ادون لكم بعض
السوالف اللي صارت لهذا الأسطوره لان فيه ناس كثير يتشفقون على اخباره
انتضروا المزيد
مع تحياتي .... اخوكم

@@@@ الحـــــربي @@@@
ابو عنقا
16-Feb-2007, 05:35 PM
الله يرحم بندر بن سرور

ولاتتنسى يا راعي العرف تجيب القصص
محمدالمري
10-Jun-2007, 08:35 PM
نشكر الاخوان الذين زادونا بقصايد النحاوي ونتمنا
منهم المزيد اما النحاوي فهو معروف لدي تماما

ولكم جزيل تاشكر,,,,,,,,,
متعب العصيمي
11-Jun-2007, 12:08 AM
يعطيكم العافيه على ألنقل..

لا خلا ولاعدم..

ولكم جزيل الشكر..
ذيب الوادي
11-Jun-2007, 10:40 PM
السلام عليكم ورحمة الله وبركاته

يعطيك العافيه يالشاهر وانت مشهور بالمواضيع والردود المميزه

تقبل تحياتي
اخـــــــــــــــــــــــــــــــوكـــــــــــــــ ــــــم

ذيـــــــــــــــــــــــــــب الــــــــــــــــــــــــــوادي
الحدب
14-Jun-2007, 01:25 PM
راع العرف


وقام يصيح مثل صياح الورع الصغير وترك المجلس


اخوي الحربي حياك الله بس الله يهديك وبعد إذنك لو ارتقيت عن هذه الجملة يكون أحسن.

تحياتي
الحدب
14-Jun-2007, 01:33 PM
شاهر بيض الله وجهك يا غالي

اختيار ممتع

تحياتي