فواز الشيباني
20-Aug-2005, 09:42 PM
تستر لين تدخـل رأسهـا فـي المشغـل الشغـال !!!
--------------------------------------------------------------------------------
عثى فينا جهاز الدش .. بـث وعـرض وإستقبـال
محاقيـن الـردى لا بـارك الله فــي محاقنـهـا
بدأ وقت الفتن يطلع عسـى الله يصلـح الأحـوال
ولا نقـدر نقـول إلا عـسـى ربــي يزينـهـا
طلـع جيـل يشيّـب بالرضيـع ويذهـل العقّـال
بعض نـاس ذكرهـا المصطفـى شفنـا عواينهـا
لقينا الكاسيـات العاريـات الوصـف والأشكـال
عليهـا لبـس .. لكـن لبسهـا يبـرز مفاتنـهـا
تميل عن الطريـق المستقيـم ومـن تبعهـا مـال
خبيثة شكـل .. ظاهرهـا يمثـل خبـث باطنهـا
ترحّلها إبليـس وإنجلـى عنهـا الحيـاء وإنجـال
ولـو قامـت تلملـم .. مـن يصدقهـا ويآمنـهـا
تستر لين تدخـل رأسهـا فـي المشغـل الشغـال
وعلـى الشغـال بالمشغـل مذارعـهـا تبيّنـهـا
غدت ماعاد تجفـل مـن عيـال الهنـد والبنغـال
تغنّـج لـه إليـن يهـزّ رأســه ثــم يديّنـهـا
على ذا الحال يمكن تفتن الصاحـي مـع البطّـال
مـادام إنهـا تغـنّـج لــه وكلمتـهـا تلينـهـا
تجرد عـن لبـاس المسلميـن وتلبـس البنطـال
مـع قـل الحـلا .. تلبـس لهـا لبـس يشينهـا
يقولون الرجال " إن الفـرس فـي دبـرة الخيـال
ورى الخايـب يخلـي الخايبـة تبـرز محاسنهـا
ولا يؤدب ولا ينصح ولا ينظـر لهـا فـي حـال
يعاملهـا بهيمـة ... بـس مـابـه إلا يسمّنـهـا
وبعضهم لو يبي يؤدب وينصح زوجته مـا أحتـال
ولا ينكـر عليهـا شـيء وإن زعلـت يساكنهـا
خذت منه القوامة وأصبح الحرمـة وهـي رجـال
تخلـي الثـوب نصـف السـاق وثيابـه يطمّنهـا
ولا جاء الليل .. كل راح له سائـق ولـه جـوال
إلى من جات .. ما تلقاه ... وإن جاء مـا يعيّنهـا
تحدد نسلها تبغـى الرشاقـة .. مـا تريـد عيـال
مـع عـدوان ديـن الحـق .. معلنـة تضامنهـا
وظيفتهـا عساهـا البعـد بيـن الناسقيـل وقـال
تجيـب الهـرج وتودّيـه .. والفتـنـة تكوّنـهـا
ولا أعمم لأن الخيـر فـي بعـض البشـر لازال
وكـم مصيونـة فـي بيتهـا والـرب صاينـهـا
ولا يمكن يضحّي بالشرف والديـن بنـت رجـال
لأن الطيبـة يحمـي شرفهـا طـيـب معدنـهـا
عطاها الرب عقل ودين .. مافيهـا جهـل وخبـال
نتيجـة قـوة التيـار مــا تخـلـف توازنـهـا
على زلة زوجهـا .. لـو يكررهـا وسيعـة بـال
تحدث في المحاسـن ... والعلـوم القشـر تدفنهـا
لها في مهجته منزل .. ولـه فـي قلبهـا منـزال
تبادلـه الغـلاء .. ماهيـب خاينـتـه وخاينـهـا
ولا ننسـى شبـاب إبتلـن بـه طيبـات الـفـال
تبـي العفّـة وستـر الحـال والداشـر يجننـهـا
مريض وناقص عقله .. خفيـف وتشعفـه الأزوال
ومنيحه من ردى حظـه .. ومـن خبثـه يحينهـا
نهاره نوم .. وإن جاء الليل يسهر في ردى وهبـال
ولا جاء الفجـر جـاك يسحّـب رجيلـه مطيّنهـا
من آثار المخدّر .. كنّ في جوفـه مـرض سـلال
مـن التدخيـن كـنّ شفـاه .. بالنيلـة يلوّنـهـا
ومنهم من تميّز بالنعمومـة .. والظفـور طـوال
وذيك القذلـة اللـي مـن دهـون أختـه يدهنهـا
تحلـى بالإنوثـة مابقـى إلا يلـبـس الخلـخـال
يشـوف إختـه تجمّـل للعريـس وغايـر منهـا
إلى منه هرج في المجتمع .. جات الهروج هزااااال
يـدوّر للرخامـة ... والمراجـل مـا يواطنـهـا
يضايقه الآذان ... ويطرب الداشـر مـع المـوّال
قضى ليلة مـع الشلّـة .. وبنـت النـاس هاينهـا
ولا أعمـم لأن المجتمـع لازال فـيـه أبـطـال
وترى الدنيا من أهل الطيـب ماخليـت مخازنهـا
رجال تلتـزم نهـج الرسـول وللحمـول جمـال
ولا يخـرج حديهـم كلمتـه .. يـا كـود وازنهـا
ولا ننسى قضية من مسكهـا لأجـل حـب المـال
لأجل المال .. وصلـت بنتـه الخمسيـن راهنهـا
يبيع ويشتري فيهـا .. كمـا السلعـة مـع الـدلال
يبي ينظر مـن اللـي يدفـع أكثـر مـن زباينهـا
ترى هذا ومثلـه فـي المجالـس عـدّه الفنجـال
جـزى اللـي علشـان الطمـع .. بنتـه يخزّنهـا
إلـى جـوه رجـال طيبيـن الديـن والأفـعـال
يحوّلهـم علـى أم البنـت والخـايـب ملقّنـهـا
تقول : أبغى المهر اللحين نقد ريـال فـوق ريـال
نبـي فـوق الميـة مـن غيـر حاجـات تأمنهـا
تحتـه ليـن يبقـى رأس مالـه غتـرة وعـقـال
يـدوّر الدداسـن فــي المـعـارض ويتدينـهـا
ألا وآشيب رأسـي شاخـت النسـوان والأنـذال
ولا يعتـزّ جيـل .. شيّـخ الحـرمـة ومكّنـهـا
أنا مانيب شامت .. بس أبيّـن وأضـرب الأمثـال
لعـل أهـل العقـول الطيبـة .. تـردع مجننهـا
أبحـاول عـلاج عصـر الــدش والأهــوال
وناس ماتبـي تسمـع كلامـي مـا علـيّ منهـا
يقولـه واحـد يخطـي مـع التفريـط والإهمـال
ولكن فـي رجـاء الرحمـن لا صعبـت يهوّنهـا
إلى منـا هوينـا فـي المقابـر والحمـول ثقـال
وبدينـا فـي حيـاة الآخــرة وأول مساكنـهـا
وجاء يـوم عبـوس قمطريـر يشيـب الأطفـال
نهـار فيـه نـاس يفرحـون ونــاس يحزنـهـا
ورود النار هـذا شـيء ثابـت ماعليـه إشكـال
ولكن النجاة اللـي تبـي .. مـا أحـد بضامنهـا
تسمّع يا وسيـع العـرف لاتجهـل مـع الجهّـال
أبعـرض النصيحـة وإنـت ياجعـلـك تثمنـهـا
تخيـل يـوم ينقطـع النفـس وتضيّـع الآمــال
ونفسك عن هجـوم المـوت مـا تقـدر تحصّنهـا
ولا ينفع ولدك ولا ولـد عمـك ولا إبـن الخـال
مسجّـى والمكـفـن عـنـد جثمـانـك يكفنـهـا
ألا يـا الله يـا اللـي بيـدك الأرزاق و الآجـال
ولا للنـاس غيـرك .. رب يرحمـهـا ويأمنـهـا
تجاوز عن خطايانا إلى مـن عرضـت الأعمـال
نهـار فيـه نفـس العبـد مـا يجـدي تغابنـهـا
عراة مـا علينـا لبـس .. وحفـاة بـدون نعـال
نهـار فيـه يجمـع ظالـم الأمــة ومحسنـهـا
الشاعر راجح العجمي
--------------------------------------------------------------------------------
عثى فينا جهاز الدش .. بـث وعـرض وإستقبـال
محاقيـن الـردى لا بـارك الله فــي محاقنـهـا
بدأ وقت الفتن يطلع عسـى الله يصلـح الأحـوال
ولا نقـدر نقـول إلا عـسـى ربــي يزينـهـا
طلـع جيـل يشيّـب بالرضيـع ويذهـل العقّـال
بعض نـاس ذكرهـا المصطفـى شفنـا عواينهـا
لقينا الكاسيـات العاريـات الوصـف والأشكـال
عليهـا لبـس .. لكـن لبسهـا يبـرز مفاتنـهـا
تميل عن الطريـق المستقيـم ومـن تبعهـا مـال
خبيثة شكـل .. ظاهرهـا يمثـل خبـث باطنهـا
ترحّلها إبليـس وإنجلـى عنهـا الحيـاء وإنجـال
ولـو قامـت تلملـم .. مـن يصدقهـا ويآمنـهـا
تستر لين تدخـل رأسهـا فـي المشغـل الشغـال
وعلـى الشغـال بالمشغـل مذارعـهـا تبيّنـهـا
غدت ماعاد تجفـل مـن عيـال الهنـد والبنغـال
تغنّـج لـه إليـن يهـزّ رأســه ثــم يديّنـهـا
على ذا الحال يمكن تفتن الصاحـي مـع البطّـال
مـادام إنهـا تغـنّـج لــه وكلمتـهـا تلينـهـا
تجرد عـن لبـاس المسلميـن وتلبـس البنطـال
مـع قـل الحـلا .. تلبـس لهـا لبـس يشينهـا
يقولون الرجال " إن الفـرس فـي دبـرة الخيـال
ورى الخايـب يخلـي الخايبـة تبـرز محاسنهـا
ولا يؤدب ولا ينصح ولا ينظـر لهـا فـي حـال
يعاملهـا بهيمـة ... بـس مـابـه إلا يسمّنـهـا
وبعضهم لو يبي يؤدب وينصح زوجته مـا أحتـال
ولا ينكـر عليهـا شـيء وإن زعلـت يساكنهـا
خذت منه القوامة وأصبح الحرمـة وهـي رجـال
تخلـي الثـوب نصـف السـاق وثيابـه يطمّنهـا
ولا جاء الليل .. كل راح له سائـق ولـه جـوال
إلى من جات .. ما تلقاه ... وإن جاء مـا يعيّنهـا
تحدد نسلها تبغـى الرشاقـة .. مـا تريـد عيـال
مـع عـدوان ديـن الحـق .. معلنـة تضامنهـا
وظيفتهـا عساهـا البعـد بيـن الناسقيـل وقـال
تجيـب الهـرج وتودّيـه .. والفتـنـة تكوّنـهـا
ولا أعمم لأن الخيـر فـي بعـض البشـر لازال
وكـم مصيونـة فـي بيتهـا والـرب صاينـهـا
ولا يمكن يضحّي بالشرف والديـن بنـت رجـال
لأن الطيبـة يحمـي شرفهـا طـيـب معدنـهـا
عطاها الرب عقل ودين .. مافيهـا جهـل وخبـال
نتيجـة قـوة التيـار مــا تخـلـف توازنـهـا
على زلة زوجهـا .. لـو يكررهـا وسيعـة بـال
تحدث في المحاسـن ... والعلـوم القشـر تدفنهـا
لها في مهجته منزل .. ولـه فـي قلبهـا منـزال
تبادلـه الغـلاء .. ماهيـب خاينـتـه وخاينـهـا
ولا ننسـى شبـاب إبتلـن بـه طيبـات الـفـال
تبـي العفّـة وستـر الحـال والداشـر يجننـهـا
مريض وناقص عقله .. خفيـف وتشعفـه الأزوال
ومنيحه من ردى حظـه .. ومـن خبثـه يحينهـا
نهاره نوم .. وإن جاء الليل يسهر في ردى وهبـال
ولا جاء الفجـر جـاك يسحّـب رجيلـه مطيّنهـا
من آثار المخدّر .. كنّ في جوفـه مـرض سـلال
مـن التدخيـن كـنّ شفـاه .. بالنيلـة يلوّنـهـا
ومنهم من تميّز بالنعمومـة .. والظفـور طـوال
وذيك القذلـة اللـي مـن دهـون أختـه يدهنهـا
تحلـى بالإنوثـة مابقـى إلا يلـبـس الخلـخـال
يشـوف إختـه تجمّـل للعريـس وغايـر منهـا
إلى منه هرج في المجتمع .. جات الهروج هزااااال
يـدوّر للرخامـة ... والمراجـل مـا يواطنـهـا
يضايقه الآذان ... ويطرب الداشـر مـع المـوّال
قضى ليلة مـع الشلّـة .. وبنـت النـاس هاينهـا
ولا أعمـم لأن المجتمـع لازال فـيـه أبـطـال
وترى الدنيا من أهل الطيـب ماخليـت مخازنهـا
رجال تلتـزم نهـج الرسـول وللحمـول جمـال
ولا يخـرج حديهـم كلمتـه .. يـا كـود وازنهـا
ولا ننسى قضية من مسكهـا لأجـل حـب المـال
لأجل المال .. وصلـت بنتـه الخمسيـن راهنهـا
يبيع ويشتري فيهـا .. كمـا السلعـة مـع الـدلال
يبي ينظر مـن اللـي يدفـع أكثـر مـن زباينهـا
ترى هذا ومثلـه فـي المجالـس عـدّه الفنجـال
جـزى اللـي علشـان الطمـع .. بنتـه يخزّنهـا
إلـى جـوه رجـال طيبيـن الديـن والأفـعـال
يحوّلهـم علـى أم البنـت والخـايـب ملقّنـهـا
تقول : أبغى المهر اللحين نقد ريـال فـوق ريـال
نبـي فـوق الميـة مـن غيـر حاجـات تأمنهـا
تحتـه ليـن يبقـى رأس مالـه غتـرة وعـقـال
يـدوّر الدداسـن فــي المـعـارض ويتدينـهـا
ألا وآشيب رأسـي شاخـت النسـوان والأنـذال
ولا يعتـزّ جيـل .. شيّـخ الحـرمـة ومكّنـهـا
أنا مانيب شامت .. بس أبيّـن وأضـرب الأمثـال
لعـل أهـل العقـول الطيبـة .. تـردع مجننهـا
أبحـاول عـلاج عصـر الــدش والأهــوال
وناس ماتبـي تسمـع كلامـي مـا علـيّ منهـا
يقولـه واحـد يخطـي مـع التفريـط والإهمـال
ولكن فـي رجـاء الرحمـن لا صعبـت يهوّنهـا
إلى منـا هوينـا فـي المقابـر والحمـول ثقـال
وبدينـا فـي حيـاة الآخــرة وأول مساكنـهـا
وجاء يـوم عبـوس قمطريـر يشيـب الأطفـال
نهـار فيـه نـاس يفرحـون ونــاس يحزنـهـا
ورود النار هـذا شـيء ثابـت ماعليـه إشكـال
ولكن النجاة اللـي تبـي .. مـا أحـد بضامنهـا
تسمّع يا وسيـع العـرف لاتجهـل مـع الجهّـال
أبعـرض النصيحـة وإنـت ياجعـلـك تثمنـهـا
تخيـل يـوم ينقطـع النفـس وتضيّـع الآمــال
ونفسك عن هجـوم المـوت مـا تقـدر تحصّنهـا
ولا ينفع ولدك ولا ولـد عمـك ولا إبـن الخـال
مسجّـى والمكـفـن عـنـد جثمـانـك يكفنـهـا
ألا يـا الله يـا اللـي بيـدك الأرزاق و الآجـال
ولا للنـاس غيـرك .. رب يرحمـهـا ويأمنـهـا
تجاوز عن خطايانا إلى مـن عرضـت الأعمـال
نهـار فيـه نفـس العبـد مـا يجـدي تغابنـهـا
عراة مـا علينـا لبـس .. وحفـاة بـدون نعـال
نهـار فيـه يجمـع ظالـم الأمــة ومحسنـهـا
الشاعر راجح العجمي