تسجيل الدخول

مشاهدة النسخة كاملة : قوم ياسيف المعاني نبا ناخذ مجال .....

فراج القرقاح
15-Aug-2005, 06:08 PM
سلامي تسليم وافي وارتجي رده =من شاعر ٍ يالربع مااحد ٍ وصل حده
لكن حذرا ترا ماني على قده=والبيت مايثبت الا فوق سيسانه

،،،،،،،،،،،،،،،،
قوم ياسيف المعاني نبا ناخذ مجال=والسوالف ياصحيبي لها ذوق وحلاه
قالوا ان القايده تعتلي فوق الجبال=والصحيح يصح مير من لحقه بغثاه
ابن شلواح
15-Aug-2005, 06:20 PM
ياسلام بدايه موفقه أخوي الداهيه

وفي أنتضار سيف المعاني


وانا في صف سيف لحاجه في نفسي :)

متاااااااااااابع
فيصل المسعودي
15-Aug-2005, 06:25 PM
يسلام يالداهيه


في انتظار سيف المعاني


متااااابعين يالغالين


ووااااصلوووووااااااا
أبو محالة
15-Aug-2005, 06:46 PM
الله على المعاني
وننتظر سيف المعاني
ونطمع الى الافضل
فراج القرقاح
15-Aug-2005, 06:57 PM
ابن شلوااااااااااح ارحب تراااااااااحيب المطر ..هههههههههه مرحبابك يالغالي... والصفوف وحده..لحاجة ٍ في خاطري ..|12|

فيصل المسعودي ... شرفتنا يالغالي ... بهالطله الحلوه ...

ابو محااااله ... الله يحيك ولاهنت يالغالي على المرور ...
سيــف المعانـي
15-Aug-2005, 07:45 PM
يا الداهيه مرحبا خمسة عشر مره
في دار قومٍ من العارض ليا الحره
لا والله اللي .. لفانا عاقـل المره
والبيت ما يثبت الا فووق سيسانه


حاضراٍ ياللي تنادي على روس الرجال = وسط سوقٍ نفرقه يا عميلي من غلاه
قبل اجاوب هات نبذه عن اطراف السوال = لين اميز باع سوقك واميز مشتراه
سيــف المعانـي
15-Aug-2005, 07:47 PM
ابن شلواح مرحبا بك

امسك الصف لا عدمتك ياغالي

تحياتي
سيــف المعانـي
15-Aug-2005, 07:48 PM
فيصل المسعودي

خوي الجنب لاهنت


حضورك منبع الجمال هنا

لك تحياتي
سيــف المعانـي
15-Aug-2005, 08:08 PM
ابو محاله

منور منور ياغالي

لاهنت على اشراقتك البهيه هنا
ماجد الهذلي
15-Aug-2005, 08:16 PM
يا سلام يا سلا م

الدهيه وسيف وبيوت جزله

متابع وفي صف الداهيه بدون أي شي في نفسي

تحياااتي
سيــف المعانـي
15-Aug-2005, 08:29 PM
ماجد يا هلابك

والشك زااايل

:) والله يطول عمر سود الليالي
فراج القرقاح
15-Aug-2005, 09:18 PM
صح لساااااانك ياسيف ....


دام البقى بك ولكن كان ذا علمك=ياغليم اسمع عدل اسمع وانا عمك
الليله انته تراك هادر ٍ دمك=والبيت مايثبت الا فوق سيسانه

،،،،،،،،،،،،،،،،،،،
الحمول الكايده مالها غير الجمال=والثقيله يالسنافي مدري تقدره علاه
اكة الهاص اللعينه ترا محور جدال=وشايب الديمن يهون ولا ادري وش بلاه
فراج القرقاح
15-Aug-2005, 09:23 PM
ارحب ياماجد تراحيب المطر والله يحيك .... والله بالصفوف .. ولا سيف الله بيعيني عليه ...

والشكر موصول لكل للجميع ...

عاقل المره ياسيف هااا...<<<<<<<<يعني لاقطها:d:d
المسرّي
15-Aug-2005, 09:50 PM
سيف والداهيه

على القووووووووه

متــــــــــــــــــــــــــتابع
سيــف المعانـي
15-Aug-2005, 10:04 PM
اظبط اللحن يا عميلي :)

الداهيه قمت اخمه خمه ويخبط
ياكل حروف الهجاء .. ويشيل ويظبط
ما يدري انا نحل .. العقد ونربط
والبيت ما يثبت الا فوووق سيسانه



ادحم الجنب المتين .. وتعين للعيال = امسكو صفه قبل ترتعد منا يداه
يا عميلي صاغت الخطه احداث الليال = واكة الهاص اللعينه على حيد الحصاه
سيــف المعانـي
15-Aug-2005, 10:08 PM
عاقل المره ياسيف هااا...<<<<<<<<يعني لا قطها:d:d

..........
ياليل ياعين
http://www.asmilies.com/smiliespic/happy/060.gif (http://www.asmilies.com)
سيــف المعانـي
15-Aug-2005, 10:12 PM
المسري ارحب ارحب


يا لله حيه منور الصفحه
فراج القرقاح
15-Aug-2005, 11:36 PM
اسف على التاخير وذلك لظروف العمل ... وانا حالياً في العمل ...

و اللحن مضبوط ... يالغالي ..

استلم ...


سيف المعاني معه مرسم وكراسه=من بعد ذيك السنه ماخذله دراسه
مدري علامه علينا نافخ ٍ راسه=والبيت مايثبت الا فوق سيسانه

،،،،،،،،،،،،،،،،،،،،
ياصحيبي لاتشيطر ترا موتك حلال=والتحيه يالنشاما على روح الوفاه
الحوادث تنطوي طي كطوي المحال=وشايب الديمن ترا حدته يم الخلاه
فراج القرقاح
15-Aug-2005, 11:43 PM
المسّري ...

حياك يالغالي ...

لاهنت على المرور ...
سيــف المعانـي
16-Aug-2005, 01:19 AM
الله الله استلم لاهنت :

انا على الشــعر ماني نافخٍ راسي
لاكــن به ناس بالاقــدام تنداسي
والا انت يالداهيه راسي وانا راسي
والبيت ما يثبت الا فوق سيسانه



يا عميلي كان ودك بشرب الماء زلال = لاتهوز البير والبير من حوله رماه
خل عنك الشايب اللي يبا كثر الجدال =اعرف ان دواه عندي وانا داه ودواه
فراج القرقاح
16-Aug-2005, 12:58 PM
طيب طيب ... وعلى فكره الجدال قد سرت ...

استلم ...


بعض العرب ياصحيبي مالها تالي=وانته كما اللي يقول الساحه لحالي
لكن ياسيف والله قدركم غالي=والبيت مايثبت الا فوق سيسانه

،،،،،،،،،،،،،،،،،،،،،
ياصحيبي عله تهجدك حقوق الخيال=من بعد ذيك الليالي ترا صابك عماه
الا ياسيف المعاني ترا وضعك محال=من بعد ضاع الدليله وضيّع مستواه
سيــف المعانـي
16-Aug-2005, 01:56 PM
:) هلابك يا عميلي
استــــــــــــــــــــــلم
يا طيب يالداهيه لعبك وموالك ..!
بس انك احيان تاطاها على فالك ..!!
اضبط شماغك .. وزين سكبت عقالك..!!
والبيت ما يثبت الا فوق سيسانه




والله اللي ثار موجٍ كما صم الجبال = والحجج كثرة وكثرو محامين الدعاه



كل الشكر لك طال عمرك
واستاذن انا
عندي اشغال تشرفت باللعب معك يالداهيه
لك احترامي
فراج القرقاح
16-Aug-2005, 10:09 PM
يامرحبا ... ياسيف ...

الله لايهينك ... ولا قصرت ...

والشكر موصول للجميع ...