سالفة العوارض من مطير وجيش ابن رشيد ... والكذب الواضح ..!!

[سناعيس شمر]

الســـلام عليكـــم ورحمــة اللــــه وبركاتــــه

مساكم الله بالخير

يمكن الكثير منكم سامع بسالفة وقعة مشذوبة بين 10 من فرسان مطير وجيش ابن رشيد واكيد اكثركم مصدقين هالسالفه اللي مااقدر اوصفها الا بالاكذوبة ...؟

اقولكم السالفه ... نبدتي به (( بسم الله ))

يقال أن العوارض قد غزوا على ديار شمر ويقال أنهم حوالي عشـــرون
رجل وقد وصفهم صاحب كتاب (قصايد شعبية) لمـــؤلفه عبد العزيز سعد
المطيري بأنهم من بطن حافل بالبطــولات ومتشبع بالشجاعــة والاقـــدام وقال أنهــم قــد أنتخبوا بعضهم البعض من بين قبيلة مطير وقال المطيري أن الغزو قد شاهدوا معسكر لبن رشيد عبدالعزيز المتعب وذلك عندما قام أحـــدهم بصعــود إلى تل يقال له (مشذوبه) وشاهد جموع بن رشيــــد وقـــد عاد الرقيبة المطيـــري إلى جماعته للتشاور معهم وبعد أخذو رد اتفقوا المطران على الأنكاف والدفاع عن النفس أذا لحق بهم أحد وقد وصف صاحب الكتاب المذكور عبــدالعزيز سعــد المطيري وصف ما حصل الوصف التالي نـــورده دون تحـــريف وحرفياً قال المطيري ( وكانت أول طائفة من قبل بن رشيد بقيادة غانم بن زويمل ولم يطل الغياب بين القيادة والعيون حتى كان اللقاء ).


المذهل بين هذه العيون وبين ركب العوارض فالتحـم القتال بينهما وقـد أمتلأت

الأرض من قتلى بن رشيد وخيله وابله وأجبـروه أن يتراجع أمام الحفنة القليله

لتقول الأخبار أن بن رشيـد بغضه وغضيضه لم يستطــع أخضاع عشــــرون

رجل والنتيجة هي غروب الشمس وأختفى العوارض تحت جناح الليل ) انتهى كلام المطيري ولنا تعقيب على ما ورد في كلام المطيري.


((التعقب على كلام المطيري ..))

الحقيقة وبدون أن نحط من قــــدر وشجاعة العـــوارض وهـــم لاشك قد أثبتوا شجاعتهم وبطولتهم في هذه الحادثه رغم أنهم قاتلوا قتال المنهزم الذي يريد أن يتخلص من خصمه في أي وسيلة من أجل الهروب منه وهــــم كا من يريد أن يتخلص من الأسد عندما يفترسه الا أن الحقيقة أيضاً وبدون تحيــــز أو مبالغة هي أن قصة العوارض مع بن رشيد قد اعطيت حجما أكبر مما حدث وشـــمـر يعترفون ببطولة العوارض وشجاعتهم الا أنهم يقولون أنه لم يلحق بهم ســـوى عيون بن رشيد وهم ما يشبه الدوريات البسيطة وهذا شي اعتـــرف به مــؤلف الكتاب المذكور حيث ذكر أنه لحق بهم العيون بقيادة غانم بن زويمل ويقولـون شمر ام البيرق والجموع الكبيرة والضاربه لم تتحـرك مــــن مكانها والدليل قول شاعرهم :-
(( يحسب أنا نعود عند مندوبه.....قام يرسل علينا خيله ارسالي))

ولكـــن العيون قد أخبروا عبدالعزيز المتعب بطريقة سريه وقال لهم لاتخبروا شــمـــر بذلك فسوف ألحق بهم وحدي واقتلهم
وبالفعل فقد ذهب مع العيون دون أن يخبر جيشه بذلك وعندما لحق بالعوارض فقد دافعوا عــن أنفســهم بالرماية عـــن بعد وقد قتلوا فـرس عــبد العزيز التي يركبها دون أن يصيبه أذى ولــم يـقتل مــن الطرفين أكثر مــن واحــد أو اثنين بعكس ما قال المطيري فــي كتابه المذكور الذي قال أن الجنائز تغطي الأرض والسبب أن العوارض قــد أدركهم الليل وأختفوا كما ذكر المطيري بنفسه وقــد ذكـر المطيري أن عــدد المطران أثناعشر رجل وهــل يعقل أن اثناعشر رجل يهزمون بن رشيد وجيشه الضارب المعروف الذي استولى بـه اكثر اراضي نجد فــما بالك بأثناعشر رجل ولكن يبدو أن المطيري صـاحب الكتاب المذكور قــد شاقه لــه نفسه أن يرسم له مــن هــذه القصة البسيطة جداً سناريو ضخم وكبير ويصوره تصوير مبالغ فيه جداً وكما يقول المثل (صنع من الحبة قبة) والا ما معنا قول شاعرهم:ـ


يوم عدى الرقيبـه راس مشذوبـه=قال زلوا وجتك الخيـل زرفالـي
شفت انا شوف ريبه لا بليتوا بـه=شوف ريبه ومنه القلـب يهتالـي
لحقت الخيـل بالتومـان مركوبـه=مشتهين الطمع مرخيـن الأمالـي
انتخينـا وكـل جــادع ثـوبـه=محتسين الشجاعة بالخلا الخالـي
وحولوا لابتي فـي كـل مسلوبـه=واقفت الخيل معها الـدم شلالـي
كم جواد بزين الصـدر مصيوبـه=راح رجلي وعوضنا عنها الأحبالي
سبق الخيل ذبحت بالسهل صوبـه=وذبحوا كل فارس فوق مشوالـي
شافوا الفعل من ربـع تمنـوا بـه=وقفت الخيـل معهاالـدم وشالـي
يحسب انـا نعـود عنـد مندوبـه=يوم يرسل علينـا خيلـه ارسالـي
هجننا مـا ركبهـا كـل زاروبـه=كود من هو عريب الجد والخالـي
الركايـب عيـال مطيـر عيوبـه=واحتموا جيشهم ماضين الأفعالـي
الظفر ساعـة وان حـل ماجوبـه=والمراجل لها حـزات وارجالـي
مل عين بكـت ماهـي بمصيوبـه=في نهار رخص ماكان به غالـي
كلمـا قلـت عنـا هـودوا نوبـه=الحقـوا سربـة تسعيـن خيالـي
ويوم لحق الأمير ولحقت الشوبـه=لا قرايـاولا مزبـن ولا جـالـي
شيخهم ما يعرف الموت بالنوبه=ضارياً يضـرب العــايــل بعيالي
ياعمار بسـوق المـوت مجلوبـه=ما هقينا علـى الدنيـا لنـا تالـي
مادرى اناهرجنا بالي هرجتوا بـه=مـارثـة جدنا فكـاكـة التـالـي
والولد في شبابـه رأس عذروبـه=كان ماهو يلطم كـل مـن عالـي
وساعة العسر معها اليسر مكتوبـه=ونحمدالله ونشكـر ربنـا الوالـي
من شريق الضحى ياغافر التوبـه=لين غابت وحنـا هـوش وقتالـي
وفعلنا اللي بقى والنـاس عجوبـه=يرفع الراس مع تاريـخ الاجيالـي
والله اللي يقـدي العبـد بدروبـه=ينفع العبد في بعضات الأحوالـي

(( بن رشيد يقتل العوارض ))

ولكن بن رشيد وبعد عام من تلك الحادثة كان نازل هو وجيشه بضواحي لينــه وهي قرية تقع في ديار شمر وكانوا العوارض نفسهم الذين جرت عليهم القصة السابقة كانوا غزو مرة أخرى عـلى ديار شمر وقــد ضافوا عند ناس يقال لهــم الصلبة وهـم ناس معروفين عـند القبائل لا يغزون عليهم ولا يــأخذون حـلالهم وذلك مــن باب الترفع عــنهم حيث أنهم ناس ضعفاء ولكــن أكثرهم يقوم بدور المخبرين بين القبائل وعندما ضافوا عندهم العوارض ذهب أحدهم سراً وأخبر عبدالعزيز آل رشيد بهم وقد ذهب عبدالعزيز معه سراً وهجم عــلى العوارض وقتلهم شر قتلة وبدء يجر منهم واحدا واحدًا بالسيف ولم ينجوا منهم سوى شاب انطلق وردف مع الشيخ الفارس / برغش ابن طوالة شيخ بطن الاسلم من شمر واجاره الشيخ وسلم من القتل وهناك رواية أخرى تقـــول أنه لــم يسلم مــنهم ولا رجــل واحد ومــع الأسف فأن مــؤلف (قصايد شعبية) عــبدالعزيز سعد المطيري لم يشــر إلــى هــذه الحادثه المــعروفة والمشهورة.


هذه هي القصه الحقيقيه لوقعه مشذوبة من غير كذب
ولو اني ابي اكذب كان ماقلت انه ذبحوا فرس الامير / عبدالعزيز الجنازة
بس ذي حقائق تاريخية لا انا ولا غيري يقدر ينكرها

شكرا على المتابعه
وتحياتي

محمد الشمـٌـــــــري

[محـــارب]

خخخخخخخ

ماعليش يامحمد الشمري

،
،
لا تزعل طال عمرك على ذبحة الفرس،، كانت غلطه الله يهديهم

مادروا انها لعبدالعزيز الجنازة والا كان جلسوها في صدر البيت:)

،
،
وانا اعتذر لك ولشباب شمر الصغار نيابة عن ربعي مطير عن فعل العوارض ،،مالهم حق مخطين ماعليش|1|
،
،
والقصه ماهي حقيقيه ابد ابد

الحقيقه ان العوارض كانوا مارين على ديار شمر تهريب بدون جوازات ومعهم جولات بندا|62|
وتخبر ذاك الوقت كانت ممنوعه

ويوم طلبوا منهم الدورية التابعه للامن الداخلي التوقف وابراز استمارات الركايب حدث تبادل اطلاق نار بسيط
ادى الى اعطاب الية مدرعة لقوت الامن وهي فرس الجنازه|55|
ولاذوا بالفرار
ولم تتمكن امن طرق شمر رصدهم لانهم طلعوا قطوع|66|

،
،
هد اعصابك يامحمد ولا تزعل
هذي علوم مضت مع اهلها وكانوا اعلم منك فيها
رياجيل احتموا ماقفهم وركايبهم وهذا عادة البدوا اهل الشاعه منول
ولا سب شاعرهم شمر ولا الجنازه وعد الصدق
وشعار ورياجيل منول ما يكذبون يعدون الحق لهم والا عليهم
لو ان شاعر العوارض كذب كان ردوا عليه شعار شمر في وقتها يوم كلن يعد الحق

اما هالحين فريح نفسك ولا تتعبها القصه معروفه عند قبايل نجد وكلامك لا يقدم ولا يأخر
ومطير مثلها مثل القبايل الاخرى تنتصر وتنهزم
ولا فيه قبيلة ماتنهزم
وحروب منول يوم لك ويوم عليك
والانتصار شرف والهزيمه شرف وعاداتهم وفعولهم تدل عليها

والقصه لا تدل على اهانه لشمر ولا تزيد من شرف مطير


ريح بالك وشارك مع اخوانك بمايفيد بادب وحترام وتبادل الطيب مع اهل الطيب



وتحياتي لك

[الايداء1]

الأخ العزيز / محمد الشمري

أحترم وجهة نظرك ولكن ,,,,,

أخي العزيز أرجو التمعن جيداً في الأبيات التاليه .


الظفر ساعة وان حـل ماجوبـه=والمراجل لها حـزات وارجالـي
مل عين بكت ماهـي بمصيوبـه=في نهار رخص ماكان به غالـي
كلما قلـت عنـا هـودوا نوبـه=الحقـوا سربـة تسعيـن خيالـي
ويوم لحق الأمير ولحقت الشوبـه=لا قرايـاولا مزبـن ولا جـالـي
شيخهم ما يعرف الموت بالنوبـه=ضارياً يضـرب العايـل بعيالـي
والقصه والقصيده معروفه لجميع القبائل ولو تمعنت جيداً بالقصيده لوجدت أنها تشرح ماحدث بين العوارض وأبن رشيد بالتفصيل .
وشعار شمر ومثقفيهم وأدبائهم كثير ولديهم من العلم والأدب والثقافه مايليق بهم من بين قبائل المملكه ولكن لم أقراء أو أسمع منهم أو عنهم من رد على هذه القصه أو القصيده من وقتهم الماضي إلا وقتنا الحاضر .
أخي محمد الشمري
إذا كان هناك أحد من أدباء شمر قد سبق وأن رد على هذه القصه أرجو ذكر أسمه والمصدر حتى نتابع هذا الموضوع بالبحث عن الحقيقه.
وأنا أعلم أن قبيلة شمر من القبائل الكبيره والمعروفه بالكرم والشجاعه وكذلك قبيلة مطير وقبيلة العوارض من مطير يتمتع أفرادها بالشجاعه والكرم ومن أفضل قبائل مطير .
أخي العزيز محمد الشمري
أنا ماني مطيري ولا لي هدف أبحث عنه ولكن الحقيقه يجب أن تظهر .
تحيـــــــــــــــــــــــــــــاتي

أخوك / محمد الأيــــــــــــــــــــــــــــداء المورقي

[سناعيس شمر]

اترفع عن الرد عن محارب
لانوه هالمكان مو مكان ضحك وانا ماني جاي ادور الضحك
محارب ياليت انك تحترم المكان وتحترم موضوعي كانك تبي تضحك في منتدى مخصص لهالشغلة ...!!
والاحترام للمكان ولا كان رديت عليك
ورجاءا لاتحط صورك مرة ثانية بالموضوع ..!
ولاتستهزء بالمواضيع الجد

_______________________________________________

اخي العزيز الايداء مطير شيقولون ...
يقولون انوه صارت بين جيش ابن رشيد وعشر فرسان بس :) والله هذا شي يضحك .. المهم
انا اجيب لك من كلامهم واحجهم بوه شاعرهم قال :-
(( يحسب أنا نعود عند مندوبه.....قام يرسل علينا خيله ارسالي))
وهذا مو الجيش جماعات وانا موضح بالموضوع .

بعدين انت فكر به ... جيش ابن رشيد اقوى جيش بنجد على اياموه
مطير بام الجماجم سوا بهم سوات
يعني مايقدر لعشر فرسان ..... ولاتنسى ان ابن رشيد من اشجع الفرسان بالجزيرة العربية اذا ماكان اشجعهم وانت تدري بسالفتوه مع ابن سعود يومن سماه الجنازة ...
يعني شخص مثل هذا ومعاه جيش مايقدر لعشر فرسان ؟؟

ولاتنسى انوه شمر على ايامها كانت شبه دولة وهذا علمهم كانك مو مصدق
علم أمارة جبل شمر (( 1835 - 1920 )) http://www.dndon.com/uploads/img4090c9d5444f0.jpg

وهذا علم ثاني بفترة ثانية
علم أمارة جبل شمر (( 1920 الي 2 /11 / 1921 )) http://www.dndon.com/uploads/img4090cb0e172ee.jpg


يعني دولة ماتقدر لعشر فرسان ...!!!!!!!!!!!!!!!!!!
شي ولا باالاحلام

يالايداء يابعد حيي ... انت لاتقول كل القبايل تدري بهالسالفة
انت سألت به شمري فاهم ؟؟
....
....
انت سألتن عن المصدر بإذن الله اليوم او بكره المصدر عندك
..
..
وبعدين انا مو جاي اسوي مشكله انا جاي اوضح لكم السالفة الصحيحية
مطير ونعم بهم .... لكن بهالسالفة سووها فلم اجنبي من انتاج هوليوود

..
..

انطرن يالايداء والمصدر عندك

تحياتي

[محـــارب]

ترفع على كيفك يابعد حيي:)
،
،
،
ماهو ضارنا والله عدم ردك
ولاهو منقص منا شي:cool:
،
،
وضحكي والله لان موضوعك يضحك
جاي بمنتدى عتيبه وتهرج بمطير!!!
اعتقد لكم منتدى ولمطير منتدى
ممكن ترد عندكم والا عندهم
وتناقشون
ولا تقول اني جايب قصه تاريخيه عامه
لوكان صحيح كان جبت رواية شمر بدون ماتطرق لكتاب المطيري
لان عتيبه عليها من القصه ماهو تجي وتنقد عندهم
رح لاهل الشان وتنقدهم
والا جب روايتكم لها بدون ذكر مطير يكذبون وسويلفاتك الثانيه|1|
،
،
وعلى فكره اذا انك تبي علوم منول ترا اللي سويته عيب
تجي عند رجال وتهرج برجال
عطنا قصص شمر بدون ماتتعرض لحد
والا ناقش عتيبه بايام شمر معهم

اما تجي تهرج عن مطير هنا ماله داعي
ومطير لها ثلاث منتديات تخير واحد منها ورح ناقشهم|31|
،
،
وسالفة العوارض معروفه والايداء قالك
وحلو قولتك سألت به شمري فاهم
يعني الشمري اللي يثبتها ماهو فاهم
الفاهم بس اللي يقول كلامك!!!|49|
واذا بتقول مطير يكذبون بنقول شمر يكذبون
واذا قلت شيبانا بنقول شيبانا
واذا قلت كتاب بنقول كتاب السناح
،
،
التاريخ معروف ولانت مغيره

،
،
وعلا فكرة قبل ما امشي قرائتك للاحداث التاريخيه خطأ
لانك جالس تحت مكيف وتفنجل شاهي وتقيس الامور بفكرك
ولا تدري عن الاحداث التاريخيه المشابه

اذا منت مصدق قصة العوارض العشرة وكيف انتصروا على ابن رشيد
وانه مستحيل عقلاً

انشد عتيبه وخصوصاً روق عن وقعة طلال
وقلهم كم عددكم وكم عدد اللي حاربوكم ومنهم
وشف وش بيقولون
،
،
الله يصلحك بس

استفد من المنتديات بالتعرف على الرجال اخير لك من دورة الطلايب


تحااياااي

[الــوآفــي]

انشد عتيبه وخصوصاً روق عن وقعة طلال
وقلهم كم عددكم وكم عدد اللي حاربوكم ومنهم
وشف وش بيقولون


اخوي محارب اولا ليست مطير كعتيبه

وليست المعركه كالاخرى وليست الضروف متشابهه

وكذلك الاعداد تختلف

800 عتيبي ضد ابن سعود وهو 8000 كلاهما جيش ولكن جيش كبير وجيش صغير

اما 10 و20 فهؤلاء جماعه ولا قدره لهم بجيش بن رشيد

تقول دافعوا عن انفسهم ضد مجموعتن اكبر منهم لين اظلم الليل وانسحبوا انا معك

اما ان عشره او عشرين او حتى 100 يقفون ضد جيش بن رشيد وليس لهم هدف للقتال ( دفاع عن الحلال والمال والنساء ) فهذي مالها مطار لان جيش بن رشيد كان جبار في وقته وكان ابن رشيد حااااكم على ايامه

اخيرا اخوي محارب

نرجو البحث عن مصدر آخر لاثبات ان عشرة رجال فقط حاربوا جيش بن رشيد وانتصروا عليه من ((( خارج قبيلة مطير ))) يعني ماهوب مطيري .... محـــــــــــايــــــــــد ....


انا لست ضد القصه بس اشوف انها مملحه حبتين :) الا ثلاث حبات هههههههههههه

تحياااتي لكم

[سناعيس شمر]

اقول يامحارب عطن شمري واحد مثبت هالسالفة
انا قايل اني بترفع عن الرد لانك ماخذ الامر ضحك وصرقعه


انت اصبرلي شوين وبجيبلك المصدر اللي يثبت صحة كلامي
وبهذي صدقت المفروض اني اكتب هالموضوع بمنتديات المطران
لك حق انك تقول اكتب هالموضوع هناك
بس مالك حق تقول ليه تكتبوه اهنيه
انت مالك شغل ياحبيبي اهل المنتدى العتبان يقولون هالكلام
ولو اي عضو قال لي امسح الموضوع اقول لوه حاضر وابشر
بس انت مالك شغل


على العموم انا كلامي مع الاخ الايداء وانشاء الله بجيب لوه المصدر

[سناعيس شمر]

الاخ (( ذيبان ))

الف شكر لك يابعد حيي على المرور
هم شيقولون عشر فرسان اهزموا جيش ابن رشيد
وارض المعركة انترست من فرسان ابن رشيد
يعني بالعربي هالعوارض ارثعوا بجيش ابن رشيد
..........................
وتوضيحك لمعركة العتبان مع جيش ابن سعود
كلام صحيح جيش قليل قدام جيش كبير
اما جماعات قليلة من مطير مايتعدون 20 فارس يكسرون جيش ابن رشيد شي مستحيل ولا يدش العقل

كل الشكر لك يابعدي ياذيبان
وانا راح اجيب المصدر ان شاء الله
وراح تقرونه

وفي الختام سلام

[قاطع طريق]

والله ونعم
بمطير حمران النواظر
وبشمر أهل الركاب الضمّر
قبيلتين من أعز القبائل لدينا
وأنا اختلف مع الاخ الذي شبه هذه المعركة بمعركة طلال

=================================

الاخ سناعيس شمر
تشكر على مشاركاتك
وخصوصاً وضعك لأعلام دولة ابن رشيد
لأنها بالنسبة لي تعتبر معلومه جديدة لا علم لي عنها سابقاً
كما اني أسأل عن الحداة


يا اهل الرمك بالهونكم = خلو عمامي يلحقون
نثارة الدم الحمر = قطاعة ما يرحمون

لمن؟
وما المناسبة؟

أكرر شكري

[سناعيس شمر]

الاخ (( المنتقم ))
ونعم بك وبأهلك عتيبة لطامة العايل ذباحة الحايل


وهلابك اخوي واشكرك على المرور

وماعليك من المطيري قاعد يشبة بعشر فرسان يكسرون جيش

بجيش عتيبة القليل قدام جيش ابن سعود الكبير وانهزام ابن سعود

يعني يقارن جيش بجماعات صغيرة ماتتعدى العشرين

..
..
يعني تزوير بالتاريخ

..
..
كما اني أسأل عن الحداة

يا اهل الرمك بالهونكم........خلو عمامي يلحقـون
نثـارة الـدم الحمـر.............قطاعة ما يرحمـون

لمن؟
وما المناسبة؟



والله ياخوي ماادري بس ان شاء الله اجيب لك سالفته كاملة
اصبر لي اسأل عنها وبجيب لك الخبر

سلاااااااااااااام

[مشعل بن حويد]

الســــــــــــــــــــــــــــــــالفه اللي عندي

ان ابن رشيد كان متوجه بجيشه ((والله ماذكر وين قالو متوجه)) وانه كان يرسل سرب تشوف عن العوارض

وكل ماراحت سربه ماعودت (ذبحوهم) مطير المتحصنين بمشذوبه وابن رشيد مايدري واذ ابطت السرب لحقها


سربتن ثانيه

ورجعلهم ابن رشيد على الحول وذبحهم

هذي السالفه اللي عندي والمشهوره

تحيااااااااااااااتي

[الــوآفــي]

الســــــــــــــــــــــــــــــــالفه اللي عندي

ان ابن رشيد كان متوجه بجيشه ((والله ماذكر وين قالو متوجه)) وانه كان يرسل سرب تشوف عن العوارض

وكل ماراحت سربه ماعودت (ذبحوهم) مطير المتحصنين بمشذوبه وابن رشيد مايدري واذ ابطت السرب لحقها


سربتن ثانيه

ورجعلهم ابن رشيد على الحول وذبحهم

هذي السالفه اللي عندي والمشهوره

تحيااااااااااااااتي


اخوي عطيب بالضرايب

شكرا لك وهذي السالفه المتعارف عليها

بس الاخوان في مطير مخلينها من سوالف الف ليله وليله

تحياااااتي لك

[محـــارب]

اقول يامحارب عطن شمري واحد مثبت هالسالفة


انت اللي عطني شمري لحق بالقصه هاك الوقت وفندها بقصيده

وخل عنك سوالف شمر النت بها الوقت،، ماهي بمعقوله وماتجي يابعد حيي

تجي ويجي اعبر منها
ويوم مثلتلك بموقعة طلال ابيك تعرف ان العدد مايخلي الجيش ينتصر
وابن حميد قال ((المسعد اللي حظ ربعه يقومي)) او فيما معناه

وفيه قصص ثانيه بعد دلت على ان رجال ينطح خمسين ويضدهم
وصارت لعتيبي والا منت مصدقها ذي:)

واذا صدقتها وظنتي تصدقها
سو معادله بسيطه
واعتبر ان كل عارضي عن خمسين وضربه بعددهم يطلع لك خمس ميه شمري|31|
يعني جيش;)




وبهذي صدقت المفروض اني اكتب هالموضوع بمنتديات المطران
لك حق انك تقول اكتب هالموضوع هناك

مادام انك اعترفت انك مخطي زين
والتراجع عن الخطا اطيب من التمادي فيه

بس مالك حق تقول ليه تكتبوه اهنيه
انت مالك شغل ياحبيبي اهل المنتدى العتبان يقولون هالكلام
ولو اي عضو قال لي امسح الموضوع اقول لوه حاضر وابشر
بس انت مالك شغل



غريبه والله ،،ومنطق عجيب

هذي صراحه ماني راد عليك فيها
وخلي الرد لاهل المحل

واقولهم ياعتيبه الرجال اخطى علينا يامطير بمحلكم وبعترافه
ونزل موضوع باسلوب فيه استهزاء وكان من المفترض ينزله بمنتدى مطير
ونزله عندكم
لانه يشوف انكم منتم قايلين شي اذا سبت مطير عندكم
وانتم ربعنا وخوالنا وبنيخينا واللي في مطير فيكم واللي فيكم في مطير
وبينا دم ونسب

عطونا حقنا وقولوا لشمري رح لمنتديات مطير وحاجهم


وسلااام

[صدوق]

بسم الله الرحمن الرحيم
ياخواني هدوا الوضع السالفه معروفه وكلن خابرها
انا يسولف علي مطيري من الحمادين يردها عن جده (اقضب العلم)
يقول ان العوارض اللي جاهم مراسيل ابن رشيد ماجا ابن رشيد ولاجا كل جيشة اللي جاهم ولحقهم شوي من الجيش او ربع ابن رشيد ويوم العوارض حسوا بالخطر العوارض معروفين شجعااااان شجعااااان ماينطحهم احد المهم انهم يوم دريوا انهم في خطر ويقومون وكل واحد منهم يحط ظهرة على ظهر خوية ووجيههم مقابلة للعدو وهم عددهم عشرة وجلسو على شكل دائرة مقابلين ربع ابن رشيد ودافعوا عن انفسهم الرياجيل بالرمي كلن معه سلاحة وفشقة ويرمي وذبحو من ربع ابن رشيد واجد لكن ماش اللي معهم من فشق قضى وطول الله عمرك قاموا يموتون واحد واحد على حسب اللي يقضي مامعه من فشق لين مابقا منهم الا ثنين لكن فالنهايه ماتوا لكن موتت شرف ماستسلموا وسلموا انفسهم لابن رشيد فضلوا المقاومة لين الموت وفعلاً ذبحوا من ربع ابن رشيد واجد واجد وهذي وانا اخوك مابها شي هذي موتتن ترفع الراس ومن وقفات المطران المشهورة وهذا موقف من شجاعة المطران ,.لكن مسألة ان ابن رشيد جا بنفسة لا ومسألة ان العوارض مماتوا بس قاوموا وانحاشوا لا هذي حقايق كلن خابرها.
اسمع ماقيل حاضراً في هالكلام :
عشرة عوارض من مطير السلاطين ..............ردوا جيوش ابن رشيد الغفيرة.هذا الكلام مصدرة شيبان مطير ماهوب مني .
وحبيت افيدكم بما عندي
تقبلوا تحيااااتي / صدوق ابن روق

[عتيبي نجد]

انا ابعرف بس هل شيبان مطير ديناصورات كل ماجانا واحد من مطير قال الشياب الفلاني يقول كذا وكذا وكان الشياب الفلاني لاحقن على الاولين وهو عمره ماتعدا 60 سنه ودائما مايطعنون في المؤرخين واللذين عاصروا والاحداث ويعتمدون روايات ضعيفه ينقلونها ناس لم يحضروا هذه الاحداث الله المستعان بس واليكم هذا الخبر الجديد لقد صدر كتاب جديد لشخص يدعا ردن الدويش ولقد تطرق لموضوع العبيات واسقاط الطائره وفالحقيقه اللذي اسقط الطائره رجل اسمه خليف الجباري الشمري كان جالي مع مطير ويؤكد صحت الروايه امير قبيلة الوساما من بريه وتقبلوا تحياتي

[شلاش العتيبي]

السلام عليكم ورحمة الله وبركاته

اخوي الشمري لو انها بالحمايا ابشر بنا ولا يهون اخوي المطيري

ولاكن هذا تاريخ مايرحم احد اللي لك يذكره واللي عليك يذكره

انت ذكرت دليلين على عدم صحت انه جيش ابن رشيد
الاول قلة عدد المطران
الثاني قول الشاعر(قام يرسل علينا خيله ارسالي)

وهذي كلها غير مقبوله والسبب

اما القله فقد حارب فريق من( ذي ربعي) من الحفاه من الروقه
ابن رشيد على (النير) وكان عددهم لا يتجاوز العشرين
ويقول اليابس من الحفاه

خيّل خيالٍ طلعت الشمس وامطر=سيله من الدم الحمر شختور
ياذيب ياللي بايمن النير وايسره=تعال اكل من جثايا الخيل يامعثور
تلقى على الساقه حصانٍ ومهره=وتلقى عيالٍ لابسين كمور
كم صاح غب الكون من شمريه=حناها طناها حنية الباكور
وقد قتل من الحفاه مجموعه
قال اليابس

وا ربعي اللي كل ما قلت اظنهم=لاكن يهدم في البلاد اقصور
وابن لغيصم طاح منا على الثرى=وعيا على التالين ابن صمعور

وهناك وقعه اخرى مع ابن رشيد ايضا
كان مغيرا على بعض القبايل
وفي ذهابه لقى اباعر الدغالبه من برقا , وابلهم على الضعيّنه
ولم يكن عندها الا سته من فرسان الدغالبه
وكانت يتعزوون بـ(انا اخو بتلا)
لا ادري هم اخوان او بني عم
فلما عجز ابن رشيد عنهم قال كلمته المشهوره
:::[اتركوها عيو عليها اخوات بتلا]
وافتكوا ابلهم من ابن رشيد

وهناك قصص كثيره مثلها
واكثرها ضد ابن رشيد

ولاتنسى ان المخطي ما ينصره الله

اما الدليل الثاني:
فهو ايضا غير صحيح
لان الجيش الكبير لا يهجم على الجماعه القليله كله سوا كما هو معلوم
بل يرسلون مجموعه من الفرسان ويسمونهم
(سربه , كردوس , حثلوم , رِسل , زافه .....الى آخر المسميات)

مثل يوم الرحا

كان ابن رشيد يرسل على امير عتيبه ابن هندي وحده كراديس الخيل

كل كردوس من خمسة عشر الى عشرين فارس

وكان يكسرها

وهذي علوم راحت ياخوان

وتبقى المحبه والعلوم الطيبه بيننا

اخوكم شلاش

[سناعيس شمر]

(( عطيب الضرايب )) يالله حيوو
هلابك ومشكور على المرور
_____________
(( ذيبان )) هلابك نوبتن ثانية :)
مشكوووور على مرووورك

[سناعيس شمر]

واقولهم ياعتيبه الرجال اخطى علينا يامطير بمحلكم وبعترافه
ونزل موضوع باسلوب فيه استهزاء وكان من المفترض ينزله بمنتدى مطير
ونزله عندكم
لانه يشوف انكم منتم قايلين شي اذا سبت مطير عندكم
وانتم ربعنا وخوالنا وبنيخينا واللي في مطير فيكم واللي فيكم في مطير
وبينا دم ونسب
عطونا حقنا وقولوا لشمري رح لمنتديات مطير وحاجهم
وسلااام

يابعدي انا ماغلطلت على مطير ولا بكلمة وحده
ومطير قبيلة كبيرة والتاريخ يشهد له

متى انا استهزأت بمطير ومتى سبيتهم

واذا شفاوا العتبان مني غلطة وحده على مطير لايلغون الموضوع وبس
لأ انا اقولهم الغوا عضويتي بعد ؟؟

فاهمن يالمطيري

[صدوق]

اخوي عتيبي نجد مساك الله بالخير وشلونك عساك طيب انا مان مطاري
لكن اسمح لي ابرد على مقالك يوم تقول :
(انا ابعرف بس هل شيبان مطير ديناصورات كل ماجانا واحد من مطير قال الشياب الفلاني يقول كذا وكذا وكان الشياب الفلاني لاحقن على الاولين وهو عمره ماتعدا 60 سنه ودائما مايطعنون في المؤرخين واللذين عاصروا والاحداث ويعتمدون روايات ضعيفه ينقلونها ناس لم يحضروا هذه الاحداث الله المستعان )
آلحين انا اللي اباسألك المؤرخين ومؤلفين الكتب اللي حنا دايم نضعها كمراجع مثل ابن بليهد وغيرة من اين جابو كلامهم اورواياتهم ؟؟؟؟
اكيد من الشيبان ولولا الله ثم الشيبان كان ماحد عرف عن التاريخ شي !!!!!!!!
الشايب لوماعاصر القضيه اوالمعركة اكيد انه ذاك الوقت طفل ويعلم بالشي ذا ولو لم يعلم يعلمونه اهله ثم تتناقل الحكاوي من الاب لابنه !!ولايخفاك انت اكيد عندك روايات ودراية بمعارك الاولين سواء عتيبة اوغيرها منين جتك من ابوك او جدك وابوك من ين جابها من ابوة وهكذا.
الحق حق ياولد عمي
ويكون بعلمك الشيبان هم اللي عندهم العلم ,
لو سولف ولد شباب في مجلس عن احد المعارك القديمة جداً ورد علية شايب من تبي تصدق الشايب او الولد أكيد الشايب لانه اعرف (اكبر منك بيوم اعرف منك بسنه) وهواللي يوخذ منه العلم ,وانا شخصياً اعرف مؤلفين ومؤرخين يدورون كبار السن (الشيبان)للاستفسار عن بعض مايريدون ويأخذون بأقوالهم.

هذا ماحبيت اوضحة لكم
وتقبلوا تحياتي ///////////////صدوق ابن روق

[سناعيس شمر]

بسم الله الرحمن الرحيم
ياخواني هدوا الوضع السالفه معروفه وكلن خابرها
انا يسولف علي مطيري من الحمادين يردها عن جده (اقضب العلم)
يقول ان العوارض اللي جاهم مراسيل ابن رشيد ماجا ابن رشيد ولاجا كل جيشة اللي جاهم ولحقهم شوي من الجيش او ربع ابن رشيد ويوم العوارض حسوا بالخطر العوارض معروفين شجعااااان شجعااااان ماينطحهم احد المهم انهم يوم دريوا انهم في خطر ويقومون وكل واحد منهم يحط ظهرة على ظهر خوية ووجيههم مقابلة للعدو وهم عددهم عشرة وجلسو على شكل دائرة مقابلين ربع ابن رشيد ودافعوا عن انفسهم الرياجيل بالرمي كلن معه سلاحة وفشقة ويرمي وذبحو من ربع ابن رشيد واجد لكن ماش اللي معهم من فشق قضى وطول الله عمرك قاموا يموتون واحد واحد على حسب اللي يقضي مامعه من فشق لين مابقا منهم الا ثنين لكن فالنهايه ماتوا لكن موتت شرف ماستسلموا وسلموا انفسهم لابن رشيد فضلوا المقاومة لين الموت وفعلاً ذبحوا من ربع ابن رشيد واجد واجد وهذي وانا اخوك مابها شي هذي موتتن ترفع الراس ومن وقفات المطران المشهورة وهذا موقف من شجاعة المطران ,.لكن مسألة ان ابن رشيد جا بنفسة لا ومسألة ان العوارض مماتوا بس قاوموا وانحاشوا لا هذي حقايق كلن خابرها.
اسمع ماقيل حاضراً في هالكلام :
عشرة عوارض من مطير السلاطين ..............ردوا جيوش ابن رشيد الغفيرة.هذا الكلام مصدرة شيبان مطير ماهوب مني .
وحبيت افيدكم بما عندي
تقبلوا تحيااااتي / صدوق ابن روق

صدوق مشكور على المداخلة
مابوه اثنين يختلفون على شجاعة العوارض وعلى شجاعة وتاريخ مطير بكبره
بس انا ضدك انوه جيش ابن رشيد واجههم كلوه
لو سمحت رد اقرى موضوعي من الاول
انا معاك ان العوارض ذبحوا من جيش ابن رشيد
بس ابن رشيد كان يدز لهم مجموعات
واخر شي واجههم ابن رشيد وذبحهم كلهم
وهم هالسالفة مذكورة ببداية الموضوع
كل الشكر لك على المرور

مع التحية

[سناعيس شمر]

(( عتيبي نجد ))

هلابك مليون
ومشكور على المداخلة
وعساك على القوة

مع التحية

[سناعيس شمر]

(( شلاش العتيبي )) هلابك
ياخوي السوالف اللي قلته اول مرة اسمع به
بس هذا مو معناته اني انكرها .... لا ابد

بس حبيت اوضح لك على مشذوبة مرتن ثانية

اللي يثبت من قصيدة الرجال المطيري انهم ماواجهوا جيش ابن رشيد
هاك هالبيت

لحقت الخيل بالتومـان مركوبـه=مشتهين الطمع مرخيـن الأمالـي
هذا يدل ان اول المراسيل للعوارض جماعة من التومان من شمر




كلما قلـت عنـا هـودوا نوبـه=الحقـوا سربـة تسعيـن خيالـي
"وبهذا يقصد الفتره الي بين المراسيل يعني يقول كل ماقلت انهم اتركونا يرجع ويرسل لنا مجموعه اخرى"





ويوم لحق الأمير ولحقت الشوبـه=لا قرايـاولا مزبـن ولا جـالـي
واهنيه يقصد ان بعدين جاهم ابن رشيد ... الامير يعني عبدالعزيز الجنازة
يعني ماكان موجود من البداية





يحسب انا نعود عند مندوبه=يوم يرسل علينا خيله ارسالي
وهذا اكبر دليل ان المعركة كانت مجموعات
وماكان حاضره كل جيش ابن رشيد



وشكرا

[سناعيس شمر]

يا اهل الرمك بالهونكم = خلو عمامي يلحقون
نثارة الدم الحمر = قطاعة ما يرحمون
لمن؟
وما المناسبة؟
أكرر شكري

والله يابعد حيي اني سألت
وواحد من الشباب قال لي انوه قاري هالسالفة
بكتاب عشائر الشام واللي قايل هالقصيده
من عشيرة التركي من الهذال شيوخ مشايخ عنزة
وهالسالفة صارت بالشام

..
يابعدي هذا اللي قدرت اجيبوه لك
واسمحلي على القصور :)

[قاطع طريق]

مشكور يالسنعوسي
بس حسب الروايات عندنا أنها تخص شمر
ومادامك من اهل الشأن
اعتقد انك حسمت الامر

/////////////////////////////////////////////////////////////////

أخوي شلاش
حنا يالعتبان لا نمتلك صلاحيات أثبات مشذوبه أو انكارها
وما نقول إلا حيا الله الطرفين ولهم ما شاءوا في حدود الادب
ولتعذرني الادارة

ومدام التاريخ لا يرحم
فرجاءً لا تقارن نطاق مع مشذوبة

(انطاق) غير
ومعترف بها من جميع الطرفين (عتيبة وشمر)
وتعتبر مجزرة حق وحقيق
وفخر لنا ولهم


أول كلامي طلبة الله وذكره = ذكرت ربي كل بادي نور
يقول ابن حافي بدا راس مرقب = في مرقبٍ عالي بروس القور
يرد من زين المثايل وينتقي = مثل العسل حلو بدون امرور
كلام احلى من لبن شمخ الذرا= لا روحت من حاجر ممطور
بعد جاء خيالٍ طلعت الشمس وامطر = ثعوله من الدم الحمر شختور
وبروقه بأيمان النشاما سيوفهم = ورعوده من افواه السلاح يثور
( يعني سيوف وبنادق وليست بنادق فقط)
قبلي خشم (انطاق) لا طقه الحيا = شمالٍ من العد الهماج حدور
نطحنا العدا من يوم جتنا اجموعهم = على سردهم والبيرق المنشور
(يعني بعضهم ناطح بعض وجه لوجه ولم يكن هناك مراوغة)
وطاحوا به الفرسان منا ومنهم = وردوا هل العادة على الصابور
وسقيناهم السم الذحاح وسقونا = مثل انمور صادمت لنمور
وابن لغيصم طاح منا على الثرى = من طاح بالميدان ما يثور
يا ذيب ياللي بأيمن النير وايسره = كل من مداس الخيل يامعثور
واكل من الصبيان والجيش والرمك = وليا ضميت اشرب من المنجور
تلقا عل الساقه حصان ومهرة = وتلقا عيالٍ لابسين اكمور
و صوّت لذيبٍ يم حشة مليّة = وخلوا لغياب السباع جزور
كم صاح غبّ الكون من شمرية = حناها طناها حنية الباكور
من اولاد حافي لابتي ذي فعولهم = اهل ماقفٍ يوم اللقا مشهور
وردوا علينا وردة في عزيمة = وهج الحلال وزرفل المظهور
وحاطوا بنا قومٍ تهاذب مهارهم = ولجت حداويهم على المامور
ورمينا العمايم واعتزينا بحافي = وثبت لهم كل ابلج منعور
كروا علينا ثم رجعنا عليهم = واقفت بهم جرد المهار اعبور
وطاحن جياد الخيل من ضرب لابتي = والدم الاشقر بيننا منثور
عيا على أولنا سْمير وزايد = وعيا على التالين ابن صمعور
أيضا وبن هزاع وعميش قبلهم = وحزام شوق الجادل الغندور
وافتكت اللقوة بكثر الرزايا = وكل اخذ حقه من الميسور
جنايز الظفران حافي وشمري = أمسى بها سبع الخلا مسرور
واربعي اللي كل ما قلت اظنهم = كن يتهدم فالجبال اقصور
اهل مرحبا وان جت ليال الشدايد = واهل الكرم وان جت ليال اعسور
يا حيسفا يا ريف هجنن حفايا = يوم الردي عن خاطره مثبور
وجدي عليهم وجد من بات ساهر = يجر العوى من عظمه المكسور
والوجد الاخر وجد من باع ذمته = ولقوا عليه الطيبين اعقور
ولاّ وجودي وجد راعي هجمه = أخذها الذويبي من طرف مجرور
واستغفر الله قبل تكتب عليه = في كل عمري ما ذكرت الزور
تمت وصلى الله على صفوة الملا = اعداد ما يزهى الفلا بزهور


لا مقارنه
( نمور واجهت نمور مثل ما قال الشاعر )

يقول

عيا على اولنا (سمار) وزايد = وعيا على التالين ابن صمعور

سمار من الصقور وليس من ذوي ربعي واخوه سمران
وسمران جد الشاعر خلف ابن هذال بن محمد ابن سمران الحافي العتيبي
يعني المعركة فيها ذوي ربعي والصقور فلا تبخس الصقور حقهم

[عتيبي نجد]

اخوي عتيبي نجد مساك الله بالخير وشلونك عساك طيب انا مان مطاري
لكن اسمح لي ابرد على مقالك يوم تقول :
(انا ابعرف بس هل شيبان مطير ديناصورات كل ماجانا واحد من مطير قال الشياب الفلاني يقول كذا وكذا وكان الشياب الفلاني لاحقن على الاولين وهو عمره ماتعدا 60 سنه ودائما مايطعنون في المؤرخين واللذين عاصروا والاحداث ويعتمدون روايات ضعيفه ينقلونها ناس لم يحضروا هذه الاحداث الله المستعان )
آلحين انا اللي اباسألك المؤرخين ومؤلفين الكتب اللي حنا دايم نضعها كمراجع مثل ابن بليهد وغيرة من اين جابو كلامهم اورواياتهم ؟؟؟؟
اكيد من الشيبان ولولا الله ثم الشيبان كان ماحد عرف عن التاريخ شي !!!!!!!!
الشايب لوماعاصر القضيه اوالمعركة اكيد انه ذاك الوقت طفل ويعلم بالشي ذا ولو لم يعلم يعلمونه اهله ثم تتناقل الحكاوي من الاب لابنه !!ولايخفاك انت اكيد عندك روايات ودراية بمعارك الاولين سواء عتيبة اوغيرها منين جتك من ابوك او جدك وابوك من ين جابها من ابوة وهكذا.
الحق حق ياولد عمي
ويكون بعلمك الشيبان هم اللي عندهم العلم ,
لو سولف ولد شباب في مجلس عن احد المعارك القديمة جداً ورد علية شايب من تبي تصدق الشايب او الولد أكيد الشايب لانه اعرف (اكبر منك بيوم اعرف منك بسنه) وهواللي يوخذ منه العلم ,وانا شخصياً اعرف مؤلفين ومؤرخين يدورون كبار السن (الشيبان)للاستفسار عن بعض مايريدون ويأخذون بأقوالهم.

هذا ماحبيت اوضحة لكم
وتقبلوا تحياتي ///////////////صدوق ابن روق تبقا هذه وجهة نظرك وانا احترمها ولكن يجب ان لا نصدق كل مايقوله الشيبان لان هناك مصادر اقرب للحدث من الشيبان فالشيبان فيهم من يتجاهل فعل بعض القبايل لغرض ماء في نفسه وفيهم من ينسى وفيهم من يزيد من عنده ولكن المؤرخين يصورون ماكان يدور في ساحة الميدان وكانك تعيش معهم في وقتهم خلاصة الكلام يجب ان نعتمد على المصادر الموثوق فيها مثل ابن ابن بشر وغيره وغيره وغيره واما كلام الشيبان فتسعين بالميه منه كذبوخرافات وتقبا هذه وجهت نظري انا ايضا :) وتقبل تحياتي