الطارف الموجود

[فارس المورقي]

يامرحبا في محل الطيبين = للي بقى منّهم قيد الحياه
ايام راحت لها شوق وحنين = واليوم ماعاد ربح ولا غناه

[بناخي الكعاري]

يا للي ترحب عساكم سالمي == في تالي الليل وش طارن علاه
يالله سلم جميع المسلمين== من جايحة الكرونا والوباه

[بناخي الكعاري]

سالمين* .......

[فارس المورقي]

جينا ندوّر ربوعٍ غايبين = الوصل واجب مثل فرض الصلاه
الناس مما جرى متباعدين = واللي يقرّب من الثاني عداه

[بناخي الكعاري]

المورقي خابره ضلعه متين== ما يترك اسلوم جده والزكاه
خوالي اللي قساهم ما يلين== واللي على العبد مكتوبن لقاه

[بناخي الكعاري]

الليل
باقي دقيقتان على الصلاة

[بناخي الكعاري]

أسمع المؤذن يؤذن (خروج للصلاة )

[فارس المورقي]

حنا كماكم على تقوى ودين = والخير فالناس والله في علاه
مدري سخط من فعول الخاربين = ولا من الكفر وديار العصاه

[فارس المورقي]

تقبل الله منا ومنك صالح الاعمال

يبغالنا نجي بدري عشان مايضيق علانا الوقت

[بناخي الكعاري]

تقبل الله منا ومنك صالح الاعمال

يبغالنا نجي بدري عشان مايضيق علانا الوقت


وين نجي بدري - تراني ما ني شاعر - مغير طواري

[بناخي الكعاري]

حنا كماكم على تقوى ودين = والخير فالناس والله في علاه
مدري سخط من فعول الخاربين = ولا من الكفر وديار العصاه


ما صابنا غير من كسب اليمين= عالم بنا وكل علمن ما خفاه
عذاب للجاحدين الكافرين== وتكفير عن كل مسلم وإن بلاه

[فارس المورقي]

عساك حطيت قفاز اليدين = وان رحت غطيت وجهك بالغطاه
هذي نصيحة كبار العارفين = واهل الفتاوي وحقين القضاه

[بناخي الكعاري]

عساك حطيت قفاز اليدين = وان رحت غطيت وجهك بالغطاه
هذي نصيحة كبار العارفين = واهل الفتاوي وحقين القضاه

اسلم اسلم :
على الله الحي رب العالمين == يا مغطي الوجه خلك فالفلاه
في فجوج نجد العريضه شاكرين == فتواي هاذي من كبار علماه

[فارس المورقي]

زرعت لك قنبلة تحت الدفين = لكنّك اللي تعدا ماوطاه
مادمت صاحي ولك قلب ٍ فطين = تبا تعوّد من كبار الرماه

[بناخي الكعاري]

زرعت لك قنبلة تحت الدفين = لكنّك اللي تعدا ماوطاه
مادمت صاحي ولك قلب ٍ فطين = تبا تعوّد من كبار الرماه


فالهندسة لي عمر ولْيَه سنين == تخصصي يا مقرر مستواه
لو ما درسنا نخرج دارسين == آلاد غنام تتقن محتواه

[فارس المورقي]

اليا قلطنا على سمن وسمين = كلن يدسم من الدسمه يداه
لكن هذي زيادة حبتين = يا لآد غنّام مافيكم غزاه

[بناخي الكعاري]

اليا قلطنا على سمن وسمين = كلن يدسم من الدسمه يداه
لكن هذي زيادة حبتين = يا لآد غنّام مافيكم غزاه

لا شك حنا كماكم قالطين == نقلط على الطيب ما نرجع وراه
والظلم شين وعقاب الظالمين== يمكن كرونا ولا نلقى دواه

[بناخي الكعاري]

نوم .........

[فارس المورقي]

لاهنت وصح لسانك ونوم العوافي