تسجيل الدخول

مشاهدة النسخة كاملة : الحر تكفيه الاشاااااره >>>>!!!

سيــف المعانـي
12-Aug-2005, 09:58 PM
مساكم الله بالخير
من اعضاء وشعراء الهيـــــــلا




سلامي سلامي للرجال المناعير = من الهاجس اللي تو ما شب ناره
يضيع الذهيب وتقتفيه المداوير =وكلٍ يقول الحر تكفيه اشاره
فيصل المسعودي
12-Aug-2005, 11:59 PM
يسلااااااااااام كاالعاده من الان في صفك ياسيف


تحياتي لك وفي انتظار الشاعر القادم


تحياتي
ماجد الهذلي
13-Aug-2005, 12:03 AM
مسيت بالعلم الغانم


هلا مرحبا وأبطيت ويش المعاذير= تعوّد يمين الدرب وألا يساره
تعرف البحر مليا فيه البوابير= وكل ٍ من البابور ياخذ حذاره
ماجد الهذلي
13-Aug-2005, 12:07 AM
الله الله يا فيصل

موجووود ومتواجد

تحياااتي
سيــف المعانـي
13-Aug-2005, 12:22 AM
هلا يا فيصل



دائماً وانت راع الاوله يالقرمم لاهنت
سيــف المعانـي
13-Aug-2005, 12:27 AM
يدوم البقاااء والعلم .. ياصاحبي غير = وانا اسوق يااامااجد عليك البشاااره

احث االقدم يم االربع . . بااالمسايير = وااشوف ان كلٍ مقفياااتٍ مهاااره
ابن شلواح
13-Aug-2005, 12:28 AM
ياسلااااااااااااام ياسلاااااااام

سجلوااا متابعتي واعجاااااااابي


وأنا في صفك ياسيف الليل الليل............
سيــف المعانـي
13-Aug-2005, 12:32 AM
ابن شلواااح



الله لا يهينك وجودك داعك كبير للمتصفح

شكراٍ لتواجدك يا استاذ :
تحياتي
مشاري الروقي
13-Aug-2005, 12:41 AM
أبداع جيد ومحاورة ممتازة
يأسيف المعاني وماجد الهذلي
على القوة
ماجد الهذلي
13-Aug-2005, 12:42 AM
تبشر وتفرحني صحيح التباشير = وأبا أفرح فليل اليوم ذاك ونهاره
تمد القدم والدرب فيه المسامير = ولا لك مع المسمار حرفة نجاره
فيصل المسعودي
13-Aug-2005, 12:47 AM
ياعين ياعين موجود ومتواجد ياماجد

هلابك


على القوه يالشعار تحياتي
سيــف المعانـي
13-Aug-2005, 12:50 AM
ليا جاااك منااا من يقود الطوابير = تبا تعرف ان الفتل .. فن .. وشطاااره
مدام ان ابن شلواح وسط الجماهير = يميز .. بيوت اللعب راااع المهاااره
سيــف المعانـي
13-Aug-2005, 12:53 AM
المسعودي هنا وا نا احسبك سريت
الليل سراء والدومات ورنا :)


<<<<<<< سوْْل يطرح
نفسه كم تقضي ساعه على النت :)
نفسي ادخل يوم وما القاك <<< لو عاد تكملها وتقتحم مجال المحاوره :)
الــوآفــي
13-Aug-2005, 01:04 AM
الله الله ابداااااااااع

صح السنتكم يا شعارنا

|165||165||165||165||165|

|194|
أبو محالة
13-Aug-2005, 01:13 AM
لله الله
ابداع
واصلوا
ماجد الهذلي
13-Aug-2005, 01:17 AM
تعرف الرجال اللي لعلمي مغاوير = ولا أنته بداري عن علوم الجزاره
أبا أسهر وتسهر وأنت ضمن المساهير = ولا تالع النيران غير بشراره
فيصل المسعودي
13-Aug-2005, 01:22 AM
لا فيه ياسيف والله متجيلها 7ساعات فاليوم


هذا بالكثير ( مار شكلي ياسيف من بكره معاد انت شايفني من عقب كلمتك ) هههههههه تراني امزح ياغالي


تحياتي
ابن شلواح
13-Aug-2005, 02:51 AM
الليل

ياسيف انت وينك تكسرت رجليني وانا واقف فالصف

والله الظاهر ان المحاوره تحولت على الخااااااااااااااص ههههههههههههههههههه


الميل على صف ماجد............ العب ..... العب
المسرّي
13-Aug-2005, 01:34 PM
سيف وماجد

ابداااااااااااااااااع

متابع في صف الهذلي

سر الليل
مرزوق حمدان العتيبي
13-Aug-2005, 05:00 PM
...
الله لايهينكم ....
مبدعين ولكن ياسيف بلا احرجات للاعضاااااااااااااااااااااء :)
----------> يشجع فيصل ويحثه على المزيد ...
ماجد الهذلي
13-Aug-2005, 05:14 PM
مرحبا بالجميع

محاوره أنتم نورها ووقودها من صفوف وجماهير

تحياااتي للجميع
سيــف المعانـي
13-Aug-2005, 06:34 PM
نعرف الفعول .. وتعرفون البرااابير = من العااام وانته في ظلال المغاااره
تبا النار ياللي .. لوحتك جتك تصدير = تبا تاكلك وااانته .. بوسط ااالغماره
سيــف المعانـي
13-Aug-2005, 06:36 PM
للجميع بدون استثنا اللي مرو من هنا
اجمل التحايا والتقدير
مرزوق : :) انا وفيصــل على الدرب دايم
يعني تبي تكسر الفنجال سير يا طويل العمر وترا فيصل
ما ينفعه لين نحرجه ..... دمت بود على هذا المرور الخفيف :) ياغالي
ماجد الهذلي
13-Aug-2005, 09:36 PM
يا سيف المعاني لوتحسب المخاسير = تبا تنغصب وتذوق مر الخساره
تعنتر ولا أنته من رجال ٍ عناتير= لاكن الطريق أحذر تخالف مساره
سيــف المعانـي
13-Aug-2005, 09:52 PM
استلم



اانا يالهذيلي مااا وضعت االمعايير = يميني .. معايير ليااا جااات غااره
وربعي .. رجااالاً في ظهور المغاوير = ويوم ااان غيري يسرجون الحماااره
ماجد الهذلي
13-Aug-2005, 10:42 PM
يا قاصر أمورك كلها بالتقاصير = ومن خيرك لا بد تآخذ خياره
ترانا جمالٍ ننتبه للمغاتير = ونسرجكم الليه بفن وحضاره
المسرّي
13-Aug-2005, 10:48 PM
جمّل الله حالك يا ماجد

ما قصرتواااااااااااا
النووي
13-Aug-2005, 11:11 PM
الشاعر سيف المعاني

والشاعر ماجد الهذيلي

محاوره جزله واصلو الله لايهينكم

وحنا متابعين بشغف

تقبلو تحياتي جميعا
سيــف المعانـي
14-Aug-2005, 04:26 PM
يقولون داااب ااالبير هو حااارس .. ااالبير = ولنكااان ما جاااز .. الك .. مافيه غااره
اااقوله وانا فااارس مجانين وااامير = ولا همني من .. هو ينفض غباااره
سيــف المعانـي
14-Aug-2005, 04:27 PM
النووي المسري
والاخوان اللي شرفونا بمرورهم لا هنتم
لكم تحياتي
اللطّــام
14-Aug-2005, 05:35 PM
مســـــــــــــاعدين ياشعـــــار
محاوره ســــــــــاخنه والله يقويكم.
ماجد الهذلي
14-Aug-2005, 06:59 PM
نركب على الأبيار عشره مواطير = وبالكهربه لا بد تبدي إناره
لقينا المجنن غسلهم فالنوافير = أثر فيك يا ذا الآدمي كل باره
سيــف المعانـي
14-Aug-2005, 08:04 PM
انا اااشوفك تبرق خبر خير.... ياااطير = تر من يجيه ... ااالشيب زود وقاااره
ابا اقول دوك الجن .. ياااسالم الزير = وابااا شوف من ياخذ عليك الاماااره
سيــف المعانـي
14-Aug-2005, 08:05 PM
اللطام يا هلا ومرحبا
بتشريفك منور الصفحه ياغالي
لاهنت على التواجد
ماجد الهذلي
14-Aug-2005, 11:33 PM
نبا نتعبك مدام تبغى المـــشاير &&& ولــو تــنكسر ما عــاد تــلقى جـــباره
أنا ماني مكلف بقوم التصافير &&&لاكن ّ عود ٍ أخضر ذوق نفعة خضاره
ماجد الهذلي
14-Aug-2005, 11:35 PM
هلا والله بالجميع

هلا فيك ياللطام منور الصفحه بوجودك

تحياااتي للجميع
سيــف المعانـي
15-Aug-2005, 12:50 AM
الهذلي كل الشكر لك
على ها المجاره الرائعه
دمت على الود وشكرا لمن حضر هنا في المتصفح
جميعاً
ماجد الهذلي
15-Aug-2005, 01:13 AM
هلا فيك يا سيف المعاني

الشكر موصـــول لك أخي الكريم

ولجميع من حضر وشارك ولم نذكر أسمائهم

وعساهم يعذرونا

تحياااتي للجميع