مـرزوق بهذلـتنـي

[خيال روق]

اشرفكم على مرزوق العتيبي يالربع كل ما احط لي مشاركه مع الرياجيل الغانمه في هالمنتدى يحذفها والله مدري وش بلاه

ارجوك يا اخ مرزوق العتيبي امام الجميع مادمت تؤمن بحرية الراي واذا كنت تبحث عن نجاح هذا المنتدى دون اي اعتبارات شخصيه ان ترد امام الجميع ولاتحذف الموضوع هذا بعد

وســــتـــــــلــــــم


يامشرف المنتدى مرزوق بهذلتني=واشغلتني ياولد عمي علامك علي
معرفك انا وانت عمرك مابعد شفتني=شفت اسمك وقلت هالرجال ذا منهلي

[مرزوق حمدان العتيبي]

...
:)
كل ماحطيت مشاركه حذفها
كبيره يابن العم لاتقول كل !!!
ا وانا ماحذفت لك غير مشاركتين
وياليت ناقشتني فيها عبر الرسائل الخاصه ...
حيث انها وضعت لمثل هذه الاشياء
المشاركه الاولى ناصر الفهد بدا طاروق ورد عليه محيل الثنيه
وابدأت المحاوره بين الشاعرين ثم دخلت انت عرض وكان ردك على محيل الثنيه
مع العلم ان البادي بالطاروق ناصر الفهد..
المشاركه الثانيه حذفتها هو طاروق في بدايته بينك وبين جساس
وحيث ان جساس الغي انتماااااءه وواقفت عضويته في الهيلا
نظراً لتجاوزاته السلوكيه
الغير طبيعيه ... والطاروق توه مبتدي ولا جدوى من بقاءه تم الحذف...
غيرهما لم يحذف لك شي من قبلي يابن العم...
ولكن اقول حقك علي ولا لك الا طيبة الخاطر ...
وانا اسف اني ماخبرتك بهالشي عبر الرسائل والسبب ان البارح كان فيه
شوية زحمه في المنتدى وامور كانت هي الاهم
والان ابشر من يرد عليك اخوك ومغليك ....

[((الدلبحي))]

خيال روق

مايجيك من مرزوق الاكل علم غانم ولاكن يكون في بعض الكتابات تحيز او اخطاء املائيه او وزن الابيات فيه خلل

في هذه الحاله تحذف

لاكن ثق ثقه تامه ان الاخ مرزوق حريص كل الحرص على ماينفع اعضاء المنتدى

ومرزوق موجود وتبي تشوف رده ووجهة نظره في الموضوع

تحيااااااااااااااااتي

[مرزوق حمدان العتيبي]

استلم لاهنت

لو تفهم اللي فعلته كان قدرتني = وانت بن عمي وعزك حاسبه عز .. لي
الشاهد انك زعلت ولا تحملتني = الله يسامحك ليتك قبلها قلت لي

[خيال روق]

يامرزوق ويا الدلبحي
اول شي يا اخ مرزوق انا ماغلطت الحمد لله لأني مالي الا هالمشاركتين الي انت تقول انك حذفتهم وثاني شي انا والله اني حاولت ارسلك رساله خاصه لاكن مارضت الرساله تروح ثالث شي ان عتبان عليك بس ماني زعلان لأني اعرف ان في جميع المنتديات اذا حذفت مشاركه يبلغ صاحبه بالسبب وانا شفت محد عبرني؟؟؟؟؟

الله يحييك يا اخوي الدلبحي ومرزوق رجل طيب مثلك وشرواك

[خيال روق]

اســــتــــــلـــــــم



المخطي انت انت يامرزوق ما بلغتني=وانا افهمك بس لو ان انته اشرت لي
والله لتلام يامرزوق لولمتني=وانشد هل العرف هو الحق لك ولا لي

[مرزوق حمدان العتيبي]

استلم ياخيال برقا
وصح لسانك
ههههههه والظاهر ان الصوره اتضحت.
والله لايهينك


شرحت لك كل شي ولا تفهمتني = واعيد واقول الاخر يتبع الاولي
ماهوب شرط انك امع الحق لااخلفتني = وشروطنا وواضحه لكن لاتزعلي

[فيصل المسعودي]

ما أجمل الود بين ابناء العم


تحياتي لكم وواااصلووووااا يالغالين


تحياتي

[النافذ]

ما أجمل الود بين ابناء العم


تحياتي لكم وواااصلووووااا يالغالين


تحياتي


تحياتي لكم وواااصلووووااا يالغالين

[خيال روق]

استلم من خيال عتيبه


((مرزوق يقول!!! ههههههههه ؟؟؟؟ لا تعليق


خيال برقا وروق وعون من يعتني=واجعل حياض العدا بدميهم تمتلي
يالوقت يالوقت ليتك بس مكتني=اوصل قبل شمس بعض الناس لا تعتلي

[أبو محالة]

يا سلام وما صار شىء والقلوب صحاح
واصلوا الله لا يهينكم