سلام

[ماجد بن واكد]

سلام تسليمة سوات النار تاكل فالحريق

على عموم عتيبه الهيلا ومن يلفونها

اليوم سويت الطريق ولامشيت مع الطريق

وانا خلاوي والخلاوي كلمته يقرونها

[سعود بطيحه]

اهلا هلا ياشاعر متريس له في فريـــــق
ياماجد الواكد علومك طيب مضمـــــــونها
يعجبني الماجد الى منه طحن طحن دقيق
يقـــراء على ليلى وقيس يوم جن جنونها

[سعود بطيحه]

وينك ياماجد الله يحفظك

[ماجد بن واكد]

ترى عريق المنتخب يعرف مدربه العريق

ولالا عراقة المدرب ماتذر عيونها

وانته سعود ولادرينا انك على ضلعك تويق


وكم من ذياب باديه قبلك تحد سنونها

[ماجد بن واكد]

والله يحفظك ماشفت الرد الا متاخر اليوم الضحى

[سعود بطيحه]

والله ما ندري عنك ياماجد بالحيــــه او حليق
انته نحيف البطن ولا اللي كبار ابطونها
يا لله عسى ماجد مايسجن باقي يمشي طليق
وبضاعته لاخشهـــا لاعـــل مايلقـــونهـــــا

[ماجد بن واكد]

منته مخير ياسعود ان راحوا العالم طقيق

وتجيب سالفة العجوز اللي تفل قرونها

اليا انسجن ماجد تضيق الارض بك وانته تضيق

ماعاد تلقى صاحبك في يسرها وشطونها

[سعود بطيحه]

ترى المثل يقول لاتخاوي محيق ولاسحيق
مدري عنك ياماجد الواكد واظن ضنونهـــا
مدري ياماجد انت راعـــــي دلة ولابريق
وجمرتك ياصاحبي مولــع ان غليونهـــــــا

[ماجد بن واكد]

هذا مثلكم ماسمعنا فيه وسمع مايليق

الصمت حكمة مير جل من البشر ينسونها

اللي مايدري وان درى يدري يفيق ومايفيق

لكن تلقى شركة الاعلام تلفزيونها

[مطلق الثبيتي+]

هلا
صحت السنتكم جميع

[سعود بطيحه]

شكر ياماجد الله يحفظك ع هذا المحاورة الطيبة ياغالي..

[ماجد بن واكد]

صح بدنك وتسلم يامطلق

الله يسلمك والشكر لك موصول يالغالي ياسعود

[سعود بطيحه]

شكرا ياماجد الله يحفظك انت شاعر وانا التلميذ ياغالي