رحيل الثكالى

[راشد النفيعي]

بديت باسمك ياعظيم الشان غفار الذنوب=يالواحد المعبود وهاب الستر والعافيه
انت الوحيد اللي تعلم الغيب في سر القلوب=ياعالم بسري وماتخفى عليك الخافيه
يارب انا طالبك لاسيرت شمسي للغروب=واجتمعت الاصحاب من حولي وعيني طافيه
عبدك وابن عبدك محمل بالمآسي والعيوب=ياعالم بعيبي وملبسني لبوس/ن ضافيه
اغفر لعبدك مايبي يصبر على النار الشبوب=لوكان ميزانه ويده يوم تعرض خاويه
ياربنا فزعتك لاضاقت بنا كل الدروب=وحشرتنا يوم المحاسب كلنا في زاويه
اغفرلنا وانت الغني عن من قضى عمره لعوب=لاهي ورا الدنيا يحسب افعالنا متساويه
اليا خذا الفايز شهاده وابتلينا بالرسوب=ياويل من يمسي بلا خلان وامه هاويه
وصكو عليه الباب وازدادت همومه والكروب=واضلم عليه القبر واعروقه يبوس وضاميه
من بعد ماضلا يدولج من شمال اليا جنوب=اليوم في قبره مسجا والملابس عاريه
يشيل في حمل/ن ثقيل/ن ماتخلصه الجيوب=مبطي وهو يجمع ذنوب الاوله والتاليه
واقفا عن الدنيا ومايحمل طعام ولاحبوب=الاتراب القبر وعظامه صريم وفانيه

[راشد النفيعي]

تتتتتتتتتتتتتتت

[ابو طارق الشمري]

اللهم استجب ياأرحم الراحمين
شاعرنا راشد صح لسانك ملاااايييين وبيض الله وجهك
وغفر لنا ولك جميع الزلات

تقبل إعجابي لاعـــــــدمنا وجووودك.

[راشد النفيعي]

اللهم امييين واياك يارب
ابو طارق شرفتني بطلتك وردك الجميييل ياجميييل
صح بدنك حبيب قلبي ولاهنت

[!! . مــآجـد . !!]

الله الله

قصيدة رائعة جداً .. بارك الله فيك .. وصح لسانك

[راشد النفيعي]

صح بدنك ماجد ولاهنت ع المرور

[راشد النفيعي]

لايلحقك شك ي بو طارق المعرف والقصيده
باسمي سلطان العتيبي وهذا معرف شقيقي

[عبدالله المربوب العتيبي]

اللهم امين وصح لساانك .

[ابو طارق الشمري]

لايلحقك شك ي بو طارق المعرف والقصيده
باسمي سلطان العتيبي وهذا معرف شقيقي


مالاحقني شك يابعد حيي
رحم الله شقيقك راشد وأسكنه الفردوس الأعلى من الجنة
ولاعـــــــدمنا وجووودك.