المعتبر
29-May-2016, 08:36 PM
اللي يبينا له دروب لواهيب=ينشد ويلقى من يدل الدروبي
ليا عقب العيثاء وناحر نقا الذيب=يشوفنا قدام وقت الغروبي
كله لعانا الفاطر أم الدباديب=نمشي بها شرق وشمال وجنوبي
ليا لاح براق وجا به تشاريب=ياما غدى مع دربنا من ذهوبي
وياما نتل السبع ويجر تقنيب=يبى العشاء بأطراف مرح العزوبي
وياما تديرنا ديار الأجانيب=وياما خذينا من حطبها شبوبي
وياما تعارفنا ورحنا على طيب=واللي يهس عن السلوم مهزوبي
سلوم الرجال اللي تعرف المواجيب=قدامنا ناس وورانا شعوبي
مجربينٍ عسر الأيام تجريب=تجريب عشاق الهنوف النصوبي
نوج تجي معنا على حسن ترتيب=ونوج يغيرها نسيم الهبوبي
جهجاه بن حامد العتيبي
ليا عقب العيثاء وناحر نقا الذيب=يشوفنا قدام وقت الغروبي
كله لعانا الفاطر أم الدباديب=نمشي بها شرق وشمال وجنوبي
ليا لاح براق وجا به تشاريب=ياما غدى مع دربنا من ذهوبي
وياما نتل السبع ويجر تقنيب=يبى العشاء بأطراف مرح العزوبي
وياما تديرنا ديار الأجانيب=وياما خذينا من حطبها شبوبي
وياما تعارفنا ورحنا على طيب=واللي يهس عن السلوم مهزوبي
سلوم الرجال اللي تعرف المواجيب=قدامنا ناس وورانا شعوبي
مجربينٍ عسر الأيام تجريب=تجريب عشاق الهنوف النصوبي
نوج تجي معنا على حسن ترتيب=ونوج يغيرها نسيم الهبوبي
جهجاه بن حامد العتيبي