أقرب شاعر يالعتيبه

[سعودبن القهيديه]

بسم الله الرحمن الرحيم

هاذي اول مشاركه لي في منتدى عتيبه
(( الهيلا ))

وارجوا ان تنال اعجابكم

خلوهاااااااااااااا


سلام الله على العتبان باسم عيـال عـبـدالله
وباسم مطير غايبها وباسم مطير حاضرها

عتيبه جيت ناويها واحد السيف واسله
وماحدن يامن الدنيا وباطنها وظاهرها

تقبلو تحياتي

أخوكم:سعود بن القهيديه الميموني

[راعي المراجل]

يا هلا .................

حيا الله عيال عبدالله


منور المنتدى يا احمر العين


وجايك ان شاء الله شاعر


وانا عندي الصفووووووووووووووف


وانا مع الضيف :)

[اللطّــام]

هلا يامرحبا ترحيب مايخرج عن الملّه
/////////// تراحيب العتيبي وافيه ماهوب قاصــرها

توقّع لاتسل السيف وانته داخلك ذلّه
//////////// تمهل واذكر فعول ٍ لنا التاريخ سطرها

[ابن شلواح]

اللطام واصل الله لايهينك وأنت كفو يابن العم

وصح لسانك

والصفوف عندي ازهلها تراني في صفك.........

[ابو عاتق]

هلا يامرحبا ترحيب مايخرج عن الملّه
/////////// تراحيب العتيبي وافيه ماهوب قاصــرها

توقّع لاتسل السيف وانته داخلك ذلّه
//////////// تمهل واذكر فعول ٍ لنا التاريخ سطرها



يا سلام عليك يا اللطاام

واصلو الله يقويكم



متااابع

[راعي المراجل]

هلا يامرحبا ترحيب مايخرج عن الملّه
/////////// تراحيب العتيبي وافيه ماهوب قاصــرها

توقّع لاتسل السيف وانته داخلك ذلّه
//////////// تمهل واذكر فعول ٍ لنا التاريخ سطرها



الله الله


يا الله يا سعود


وازهل الصفوف


:) :)

[اللطّــام]

تسلمـــ يالربع ــــــــــــون
شكرا لكـــم على تواجدكــــم وتشجيعـــكم.
راعي المرجل
بن شلواح
ابو عاتق
دمــــتم

[سعودبن القهيديه]

خلوهاااااااااااااااااااااا

اسمع:

يدوم لك البقا والطيب لغز(ن) دوروا حله
عتيبه خابر عتيبه على الميقاف خابرها

ليا منك رخيت الحبل جاك سعود ثم تله
فعولي في عتيبه فــاول العتبان وآخرها




تحياتي,,,

أخوكم:سعود بن القهيديه الميموني

[اللطّــام]

اعرف انك مطيري علته في داخله علّه
////////////// مكسر بالكسور اللي عصت محد ٍ يجبرها
تجمع لك كلام ٍ شخـــص مثلك ماتوصلّه
////////////// وهذي غلــــــــطة ٍ قدمتها واحذر تكررها

[سعودبن القهيديه]

خلوهاااااااااااااا

تفووت الاوله ياصاحبي والـقـدس محـــتـله
وانا اشوف العرب منصورها قدام ناصرها

انا اعرف الكلام الزين وانته تجمع الجله
وجيت بداركم وانته ومثلك ما يـحـررهـــا



تحياتي,,,

أخوكم:سعود بن القهيديه الميموني

[اللطّــام]

ترى ماشره على مثلك وفي عقليّته خلّه
//////////// عرف كل الحقايق ثم جا يمّي مزورها

انا عمّك سبب همّك وجوري ماتحملّه
///////////// يابو عشــــرين نيّه خلها منته بقادرها

[راعي المراجل]

تفووت الاوله ياصاحبي والـقـدس محـــتـله
وانا اشوف العرب منصورها قدام ناصرها

انا اعرف الكلام الزين وانته تجمع الجله
وجيت بداركم وانته ومثلك ما يـحـررهـــا

يا سلام

ترى ماشره على مثلك وفي عقليّته خلّه
//////////// عرف كل الحقايق ثم جا يمّي مزورها

انا عمّك سبب همّك وجوري ماتحملّه
///////////// يابو عشــــرين نيّه خلها منته بقادرها



الله الله

[سعودبن القهيديه]

خلوهاااااااااا


انا ابعطيك فـنجالين وانته عطني الـدله !.........! بعدها تعرف الصوره وتعرف من مصورها

يعقب الي سواتك مير خل العلم ثم خله !.........! مادام ان الـمخـايل فوق راسك هل ماطرها



تحياتي,,,

أخوكم:سعود بن القهيديه الميموني

[فراج القرقاح]

ياسلاااااااااااااااام ابداااع ...

صح لسااااانك ياسعود ... وصح لسااااانك ياللطام ...

واصلوووووووا ... متااااابع ... وبشغف

[اللطّــام]

هيــــــــــــــــــــــه

وانا بسقيك سمّ ٍ لاشربته صــــــــابتك حلّه
//////////////// ياوجه اللي قعد يرضع ولدها مع موخرها

على شانك مطيريّ ٍ نذل عايش على الزلّه
///////////////// تخيرت العلوم اللي تبــي تندم وتخسرها

[اللطّــام]

راعـــي المراجل
والدهيـــه
الله يحييكم شرفتـــــــــوا.

[الايداء1]

ترى ماشره على مثلك وفي عقليّته خلّه
//////////// عرف كل الحقايق ثم جا يمّي مزورها

انا عمّك سبب همّك وجوري ماتحملّه
///////////// يابو عشــــرين نيّه خلها منته بقادرها

صح السانك ياللطـــــــــــــام

أبشر بالصفوف يالمبدع

الليل يالمطيري

قبيلك اللطـــــــــــــــام على أسمه.

[سعودبن القهيديه]

خلوهاااااا


ليا مني مشيت الدرب ادل الدرب وادلـــه !.......! لكن استح على وجهك من اكبرها ليا اصغرها

علشانك عتيبي(ن) سروق وتسرق الفله !......! نبا نلطمك لطمه ثم طــيــورك لا تـــطـــيــــرهــا


تحياتي,,,

أخوكم:سعود بن القهيديه

[مرزوق حمدان العتيبي]

...
.


سعود واللطام
محاوره شرسه الله يقويكم
اخوان والقلوب صحاح واصلوا......

[اللطّــام]

انا ماني مطريّ ٍ - كلا الخصيان ياعله
//////////// بعلّه دايمه وش لون هالعيشه تخيرها

ترى ما تقدر تقابل عتيبي غير بالشلّه
//////////// ولاترفع يميــــــنك ثم نلويها ونكسرها

[مرزوق حمدان العتيبي]

انا ماني مطريّ ٍ - كلا الخصيان ياعله
//////////// بعلّه دايمه وش لون هالعيشه تخيرها

ترى ما تقدر تقابل عتيبي غير بالشلّه
//////////// ولاترفع يميــــــنك ثم نلويها ونكسرها

الله الله
مبدع ياللطام

[الفراهيدي]

ياسلا ياسلام

واصلوا

[أبو محالة]

سعود بن القهيدية+الــلـــطـــــام
يا ســــــــــلام عـــــــلــــــيــــكــم

[عجاج الليل]

هههههههههههههههههههههههههههههههههههههههههههههههههه هههههههههههههه



اللطام قدااااام يالأسد والله انك كفووووووو ... سرررره يالذيب ..

[سعودبن القهيديه]

خلوهااااااااااا


انا ماني عتيبي(ن) سرق حذيان عبدالله !.......! وقد قال المثل من يبغي الحاجه يدورهـا

ترى مانته بقد مطير لكن فرضكم صله !........! ومن مثلك من االعتبان والله مانشاورها



تحياتي,,,

أخوكم:سعود بن القهيديه

[سعودبن القهيديه]

اللطام

انتهت

والكلام الشين مالي فيه داعي

[اللطّــام]

انا ماني بمستغرب لشيّ ٍ فيكم اجبلّه
////////////// ولوتبغا تغيـرها تمــــوت ولا تغيرهـــا

ورى ولد القهيديه غدا منّي يزوّله
///////////// وانا عندي علوم ٍ باقيه ماودي اذكرها

[اللطّــام]

اللطام

انتهت

والكلام الشين مالي فيه داعي
ههههههههههه
هو انت خليت شي يالمطاري
ورى ماقلت القاف شاب وصح لسانك
لكــــــــــن تدري اقولها لك بالنيابه
صح لسانك وماصار الا الخير
والله يعطيك العافيه والدعوى مزوح وتروح
وسأأأأأأأأأأأأأأأمحنا.

للجمـــــــــــــيع
اقول الله يسلمكم يوم انكم شجعتونا
وتواصلتوا معنا من البدايه للنهايه

[مرزوق حمدان العتيبي]

....
...
ياسعود وانا اخوك
لاتزعل الرجال عطاك مثل ماعطيته
والدعوى كلها سعة خاطر وانتم اخوان وجيران ونسابه..
المهم صحة السنتكم
وماقصرتم...

[سعودبن القهيديه]

اللطام

والله ماني بزعلان

ولا القاف شاب الا توه شباب

والدعوه كلها مزح

وصح لسانك

ولي الشرف اني لعبت معك

تقبل فائق احترامي

أخوك:سعود بن القهيديه

[سعودبن القهيديه]

مرزوق العتيبي

لاهنت

على المرور

ومافيه شك ان اخوان



تقبل فائق احترامي

أخوك:سعود بن القهيديه