اقرب شااعر ...

[ابو عاتق]

السلام عليكم ورحمة الله .

اتمناء ان يكون الجميع بخير وصحه وعاافيه



يا سلام الله عليكم يا الرجاال اهل الحميّـه = من هجوس ٍ ما تليّن ومن ضمير ٍ ما يلامـاا
يا جمااعة خير ابي لي شـااعر ٍ ماهو بليّـه = يسبح السبع البحور ويعرف المبدا تمااما

[راعي المراجل]

وعليكم السلام ورحمة الله وبركاته



استلم يا غالي

مرحبا يا شاعرٍ جانا و (فـ) النيات نيه = عدّ ما لاحت بروق الصيف في وسط الغماما
بين هرج الناس نوعينٍ وهي خيرٍ وسيّه=وانت قائد رحلة اليومه عسى فيها السلاما

[ابو عاتق]

استلم لاهنت


البقاء ياللي ترحب وانتبـه قبل المنيّـه = انتبه قبل المنيّـه عد من صلى وصاما
لا تخاف والا توصي ماني محتاج الوصيّـه = قايد القوات ولا ّ تقدر ترد ليّ كلامـاا

[أبو فيصل]

السلااااااام عليكم

صباح الخيــر للجميع

الله لايهينكم يابو عاتق انت وراعي المراجل

واصلوا مع هالصبحية المبروكة و حنا متابعينكم

تحياتي

[راعي المراجل]

اييييييييييييييه


منت ربي ربي الله من شبيهك ما عليه=ما عليه من شبيهك لاني اعرفكم يتاما
دايمٍ نذبح على السكّه من الحيات حيّه= لا تكون الحيه اللي تصبح الليله عداما

[راعي المراجل]

حياك الله يا فهد




اليوم المحاوره غير


:)


اول مره اشوف محاوره الصبح :) :)

[أبو فيصل]

هلا راعي المراجل

ايه أبو عاتق ماتخمّه الا مع الصبح :D

[ابو عاتق]

هلا فيك يا فهد الشيبااني

واستلم ياراع المراجل الله لا يهينك



ماعليّه منك يا سبع الجبل مدري حليّـه = وحدّه يم اليمن والثانيه شرق ٍ وشاما
سرّها يا صاحبي جتك السيوف النافعيه = وإن ذبحناكم حراما وإن تركناكم حراما

[راعي المراجل]

لا هنت

ودوك دوك



صايرٍ يا صحابي مع صبح ربي مثل عيّه=ما تغطيك الثياب ولا تزينك الهداما
اليدين القصر ما تاصل ولو كانت شقيّه=كل رجلٍ و(إ) له عند الناس مقدار ومقاما

[إدارة الموقع]

محاوره راقيه بكل المعايير
لاهنتم ياثنين ويسعد ربي هالصباح
اللي خلانا نشوف مثل هالمحراف الرائع .

[راعي المراجل]

إ دارة الموقع


يا هلا ويا مسهلا عد وبل السحاب


نشكركم على هذا الاهتمام والمتابع:) :)

<<<<<<<<<<<<< يتودد :)

[ابو عاتق]

ههههههه

استلم طال عمرك




فكرتي في وااحد ٍ مابيّن شمس وبيّن فيّـه = دايخ ٍ راسه وخشمه ماسك ٍ فيّـه العراما
في شدادي وانت تعباان وتسحبك المطيّـه = نوب مع درب ٍ سماح ونوب مع ضل وضلاما

[راعي المراجل]

طيب طيب



فكرتي في واحدٍ مبلي وضايع وسط غيّه=حجّ مكه ما توضا لا ولا يلبس حراما
والله اني ما شيٍ دربي على هون ومليه=ناوي احط الرجيلي تحت ظلي يا النشاما

[ابو عاتق]

استلم طال عمرك



فكرتك ياصاحبي جت للاسف فكره غبيّـه = اثرك اللي في صلاته ساهي ٍ مدري علاما
صلها يا صاحبي والله يبارك فـالبقيّـه = صلها حتى نفسر ما تقوله من حلاما

[راعي المراجل]

اييييييييييييييييييييييييه



يوم ربي ما عطاك من النباهه (one) بميه=خلها تسرح بعلمٍ ضاع في وسط العساما
قمت اقلب فالخزينه مالقيت الا شويه=ما تسد الطرقي اللي شافها..كبّر وشاما

[اللطّــام]

شعار مافيها كلام
واستمروا وخلونا نستفيـــــــــــد.

[ابو عاتق]

استلم طاال عمرك



الرجال البعض منهـم لا رجــال ولا بنيّـه = والبعض حي الرجـاال اللي توصل للمرامـا
والله انـّي ما نويت اضرب على ضهرك يديه = مير اشوف من العجم ناس ٍ تبا ضرب السهاما


وصح لساانك اخوي ومااقصرت واعذرني لو حصل قصور

والشرف لي طال عمرك والله يعطيك الف عافيّـه


تقبل تحيااتي

اخوك

ابو عاتق

[راعي المراجل]

هههههههههه


انتهت عقب انتهينا والله يغفر الخطيه=لو فيها لو فيها ما كشفت (إ) لها اللثاما



صح بدنك يا ابن عاتق وصح لسان الشاعر

تشرفنا بمقابلك يا الطيب