مجلس مايحشمني لــ الشاعر مسند بن دعيس البلوي

[مسند دعيس البلوي]

مجلس مايحشمني مالي فيه مقلاط
لوهو لربعي مجلسي فيه خاطي
حذراك عن بعض المخاليق تحتاط
لن البشر فيهم منافق وواطي
وقت السعه تسمع سواليف وهياط
ووقت الزوم يصير مافيه ساطي
شين طبيعي حاصل بكل الاوساط
ناسن صحاح وناس فيها انحطاطي
اول من التفكير صايبني احباط
والحين لا والله قطعت ارتباطي
اهرج مع الخراط واصير خراط
دام السوالف مثل حذف القواطي
واهرج مع العاقل ولاعد الاغلاط
واخذ معه با القول كل احتياطي
قصيدتي ماهي بتموز وشباط
تعبت فيها لين جت بنظباطي

الشاعر/ مسند بن دعيس البلوي

[ابو طارق الشمري]

هلابك شاعرنا مسند وصح لسآنك ملاااايييين
تحيآتــي لك لاعــــــــدمنا وجووودك.

[عبدالله المربوب العتيبي]

صح الله لسانك ومن قبيلة عزيزة علينا .

[مسند دعيس البلوي]

صح الله لسانك ومن قبيلة عزيزة علينا .

ونعم فيك
وعتيبه الهيلا عزيزه على قلوبنا

[خلف القثامي]

صح لسانك يالبلوي

[راشد النفيعي]

صح لسانك ملايين
كلام يوزن ذهب وانت توزن ذهب

[منبر اعلامي]

صح لسانك ابدعت وامتعت